ታ ኪታ ነ ዎዛናን ዎꬃ።

እንጀነ ሳሮተꬅ ነዉ ጉጃና።

ኤንታ ነ ቆን ቃቻ፤ ነ ዎዛናን ፃፋ።

ሳበታናነ ናሸታና።

ነ አኬካን ዘምፖፋ።

እ ነና ሱረ ኦገ ካለꬃና።

ጎዳ ያያ፤ ኢታፐ ሃካ።

ነ መቀꬃካ ፃልሳና።

ኮይሮ አይፍዳ ካꬃፈ

ባይራ እማዳ እያ ቦንቻ።

ነ ዳሎይ ዎይነ ኡሻን ኩምድ ፓላሀና።

እ ነና ሴርያ ዎደ ላንጮፋ።

ጎዳይ ባ ዶስያ ኡራ ሴሬስ።

አኬካ ባዉ ሚሸ ኦꬅያ ኡራይ አንጀትዳይሳ።

ዎርቃፈ አꬍድ ማዴስ።

ነ ደማናዉ አሞትያ ኡባይ ጭንጫተꬃራ ግነና።

ሀድርሳ ኩሸን ዱረተꬅነ ቦንቾ ኦይካሱ።

እ ሆሮጋይ ሳሮ ሆሮጋ።

እዮ ምንꬅድ ኦይክያ ኡባይ አንጀትዳይሳታ።

ባ አኬካን ሳሎታ ምንꬅስ።

ሻራታፐ እር ቡኬስ።

ሻክድ ኤሮ ምንꬃዳ ኦይካ

ኤንቲ ኔፐ ሻከቶፎ።

እንጀነ ኡፋይስ እማና።

ነ ቶሆይ ꬉበተና።

ቃማ ኩመꬅ ማልኦ ꬍስኮ ꬍስካና።

ኢታት ꬋይያ ꬋዩዋን ዳጋማካ።

ነ ቶሆይ ፅሄን ኦይከቶናዳ እ ናጋና።

መቶትዳ ኡራስ ሎኦባ ኦሶ አጎፋ።

“ስማዳ ያ፤ ታ ነዉ ዎንቶ እማና” ያጎፓ። 29 ነና አማነትድ፥ ነ ማታን ደእያ፥

ነ ሾሩዋ ቦላ ገነ ኦꬆፋ።

አሰ ጮ ሞቶፓ።

ኤንታ ኢታ ኦሱዋ ካሎፋ።

ሽን ሱረታ ዶሴስ።

ሽን ሱረባ ኦꬅያ አሳ ኬꬃ አንጄስ።

ሽን ባንታና ካዉሸይሳታ ሳቤስ።

ሽን ኤያት ካዉያና።