ሎይꬅ ስእተ፤ ህንተ አኬካ ደማና።

ታ ትምርትያ ካꬎፕተ።

ታ አየስ እያ ዶስያ እስ ናአ።

“ታ ኦዳይ ነዉ ገሎ፤ ታ ኪታ ናጋ፤

ኔኒ ሄሳ ኦꬅኮ ደኦን ዳና።

ታ ነዉ ኦድያባ ዶጎፓ፤ እያፐ ካረ ከዮፓ።

እዮ ዶሳ፤ እያ ነና ናጋና።

ነዉ ደእያባ ዉርስድ ኤክኮካ አኬካ ደማ።

እያ ነና ꬎቁ ꬎቁ ኦꬃና፤

ነ እዮ ኦይክኮ፥ እያ ነና ቦንቻና።

ቦንቾ ካላቻ እማና” ያግስ።

ነ ላይꬃይ አዱቃና።

ሱረ ሆሮጋ በሳና።

ዎፅያኮካ ꬉበታካ።

ትምርተይ ነዉ ደኦ እምያ ግሾ ሎይꬃ ናጋ።

ኢታ አሳታ ኦግያን ሄመቶፋ።

ጉየ ስማ፤ ነ ኦግያን ባ።

ኤንቲ አሰ ꬉቦና ደእሽን ꬍስኮይ ኤፈና።

ጌላተꬅ ኡሻዳ ኡዮሶና።

ጉጅ ጉጅ ፖእያ ዎንታ ፃልቀ መላ።

ኤንቲ አይብን ꬉበትያኮካ ኤሮኮና።

ነ ሀይꬃ ታኮ ዛራ።

ነ ዎዛናን ናጋ።

ኤንቲ አሳተꬃስ ፓያተꬅ እሞሶና።

ኡባፈ አꬃዳ ነ ዎዛና ምንꬃዳ ናጋ።

ዎርዶ ሃሳያ ነ ማታፐ ሃሳ።

ነ አይፈይ ነ ስንꬃን ደእያባ

ትሽ ኦꬅድ ፄሎ።

ሱረ ኦገ ፃላላን ሄመታ።

ነ ቶሆይ ኢታ ኦገ ቦናዳ ናጋ።