1 ሴራ ዶስያ ኡራይ ኤራተꬅ ዶሴስ፤ ሽን ሴራ እፅያ ኡራይ ኤያ።

2 ሎኦ አስ ጎዳፐ ሳባ ደሜስ፤ ሽን ጎዳይ ገናንቾታ ፕርዴስ።

3 አስ ኢታተꬃን ምንድ ኤቀና፤

4 ዎዛናማ ማችያ ባ አዝናስ ካላቻ መላ፤

ሽን ባ አዝና ካዉሽያ ማችያ መቀꬅ ምያ አጃጀ መላ።

5 ፅሉዋ ቆፋይ ሱረ፤ ሽን ኢታታ ዞረይ ጭሞ።

6 ኢታታ ዞረታይ አሳ ቆሀናሳ፤ ሽን ፅሎታ ዞረታይ ኤንታ አሻናሳ።

7 ኢታ አሳት ኩንዳና፤ ኤንታዉ ዘረꬅካ አተና፤ ሽን ፅሎታ ኮቻይ ምንድ ደአና።

8 አስ ባ ጭንጫተꬃ መላ ጋላተቴስ፤ ሽን ጌላ ቆፋይ ደእያ አስ ካቴስ።

9 ዱረ አስ ዳንድ፥ መቶን ደእያ አሳፐ ጮ አሳ ዳንድ፥ ኦꬂድ ባ ደኦ ሱግያ አስ ኬሀ።

10 ፅሎ አስ ባ መሄስ ቃቴስ፥ ሽን ዎዛና ምኖ አሳስ ቃይ ባዋ።

11 ባ ቢታ ምንꬅ ኦꬅያ ኡራይ ካꬅ ካሌስ፤ ሽን ፓꬆናባ የደꬅያ ኡራይ አኬክ ፓጭዳይሳ።

12 ኢታት ናጋራንቾ አሳታ ድአናዉ አሞቶሶና፤ ሽን ፅሎታ ፃጶይ ዳይድ ደአና።

13 ኢታ አሳ እያ ዶናፐ ከይዳ ኦድ ፅሄ ግድድ ኦይኬስ፤ ሽን ፅሎይ መቶፐ ከስ ኤኬስ።

14 አስ ባ ዶናፐ ከይያ ቃላን ሎኦባ ካሌስ፤ ባ ኦꬅዳ ኦሶ ጋትያ ኤኬስ።

15 ኤያ አስ ብያ ቡሳይ አዉ እያ ሁጰን ልከ ዳኔስ፤ ሽን ጭንጫ አስ ዞረ ስኤስ።

16 ኤያ ኡራ ሀንቆይ ኤለስድ ኤረቴስ፤ ሽን ጭንጫ አስ ጫሸ ዉዳ ጌና።

17 ቱማ ሃሳይያ አስ ሱረባ ኦዴስ፤ ሽን ዎርዶ ማርካይ ዎርዶ ኦዴስ።

18 አኬኮና ኦደትያ ኦድ ማሻዳ ጫዴስ፤

19 ዎርዶ ኦድ ጉꬃ ዎደሳ፤ ሽን ቱማ ኦድ መርናዉ ደአና።

20 ኢታ ቆፕያ አሳ ዎዛናን ጭሞይ ደኤስ፤

21 ፅሎታ መቶይ ጋከና፤ ሽን ኢታታስ መቶይ ዳራና።

22 ጎዳይ ዎርዳንቾታ እፄስ፤ ሽን ቱማንቾ አሳታን እ ኡፋይቴስ።

23 ጭንጫ አስ ባ ኤራ ቆቴስ፤ ሽን ኤያት ባንታ ኤያተꬃ ኦዶሶና።

24 ምንድ ኦꬅያ ኡራይ ደረ ሃሬስ፤ ሽን አዛላ አስ ሃረቴስ።

25 ኡንአን ኩምዳ ዎዛን አዛኖ ኤሄስ፤ ሽን ኬሀ ኦድ እያ ኡፋይሴስ።

26 ፅሎ አስ ባ ሾሩዋ ዞርድ፥ ሱረ ኦገ ካለꬄስ፤ ሽን ኢታት ኦገ ቱማፐ ሃሴስ።

27 አዛላ አስ ሻንካትድ ኤህዳ አሾ ካና፤

28 ፅሎተꬃ ኦገን ደኦይ ደኤስ፤ ሄ ኦገን ሀይቆይ ባዋ።