መቶ ዎደ አይስ ኔኒ ጌማይ?

ኤንቲ ባንታ ማቁዋን ባንታዉ ኦይከትዶሶና።

ባ ኡዝያን ጎዳ ጫዬስነ ካꬌስ።

ባንታ ቆፋን ፆሳስ በሰ እሞኮና።

ነ ህገይ እያዉ ገለና፤

ባ ሞርከታ እ ቀልቅሴስ።

ታና መቶይ ጋከና” ያግድ ቆፔስ።

ዎርዶይነ ማንደꬅ ኩምስ።

ገነይነ ኢታተꬅ እያን እንፃርሳን ደኤስ።

ሱረ አሳታ ዎꬋናዉ ቆሰትድ ናጌስ፤

ዎልቅ ባይና ዳቡራንቾታ ዎቼስ።

ማንቁዋ ኦይካናዉ ጋሞዳ ዙጌስ፤

እያ ኦይክድ ባ ፅህያን ጎችድ ኤፌስ።

እያ ቶሁዋ ጋርሳን እ ኩንዴስ።

ባ ሶምኡዋ ገንꬅድ በኤና” ያጌስ።

ፆሳዉ፥ ነ ዎልቃማ ኩሽያ ደንꬃ፤

ማንቆታ ዶጎፓ።

ባንታ ዎዛናን፥ “ፆሳይ ኑና ሴረና” አይስ ያጎና?

ኔኒ ማዳናዉ ጊጋ ኡታዳሳ።

ቆሄትዳይ ነ ማዳና መላ

ባና ነዉ አꬅድ እሜስ።

ኢታ አሳታ ሴራ፤

ዛሪድ ኤንታ ግዶን ኢታተꬅ በንቶፎ።

ሀራ ካዎተꬃት እያ ቢታፈ ꬋያና።

ኤንታ ምንꬃ፤ ኤንታ ዎሳ ስአ።

ሳአን ደእያ ኦንካ ኤንታ ያሽሶና መላ፥

ኔኒ ኤንታዉ ፕርዳ።