29
ፆሳ ግታተꬃ ሳቦ
ዳዊታ ማዝሙረ
1 ህንተኖ ሳሎ መተꬃቶ፥
ቦንቾይነ ዎልቃይ ጎዳሳ ጊተ።
2 ጎዳ ቦንቾ ሱንꬃ ጋላትተ፤
እያ ጌሻተꬃ ቴማ ግሾ ጎዳ ጎይንተ።
3 ጎዳ ጉንꬃይ ሃꬃታ ቦላ ስኤቴስ፤
ቦንቾ ፆሳይ ዳዳዳ ደቼስ፤
ጎዳይ ግታ ሃꬃታ ቦላ ጉሜስ።
4 ጎዳ ኮሽንቻይ ዎልቃማ፤
ጎዳ ግርሳይ ቴማራ ደኤስ።
5 ጎዳ ግርሳይ ዝጋ መንꬄስ፤
ልባኖሰን ደእያ ዝጋ መንꬄስ።
6 ልባኖሰ ደረታ ጋሎ ማራዳ ቡራቅሴስ፤
ስርዮና ደርያ *ስርዮና ደርያ፦ ሄርሞና ደርያስ ሀራ ሱንꬅ መንꬃዳ ጉፍሴስ።
7 ጎዳ ግርሳይ ዎልአሜስ።
8 ጎዳ ግርሳይ መላ ብታ ቃꬄስ፤
ጎዳይ ቃደሳ መላ ብታ ኮኮርሴስ።
9 ጎዳ ግርሳይ ዎላ ቃꬄስ፤
ምꬃ ሀይꬃ ቆቆፌስ።
እያ ኬꬃን ደእያ ኡባይ፥
“ቦንቾይ ጎዳስ ግዶ” ያጌስ።
10 ጎዳይ ድኦ ሃꬃ ቦላ
ባ አራታ ዎꬅድ ኡትስ፤
ጎዳይ ባ አራታን ኡትድ መርናዉ ካዎትስ።
11 ጎዳይ ባ አሳስ ዎልቃ እሜስ።
ጎዳይ ባ አሳ ሳሮተꬃን አንጄስ።