ሱረ አሳት እያ ጋላታናዉ በሴስ።

ታሙ ሻያን ዋፀትዳ ዲꬃን የፅተ።

ዲꬅ ሎይꬅድ ዲፅሸ እልልተ።

እያ ኦሶ ኡባይ አማነተይሳ።

እያ ማሮታይ ሳኣ ኩምስ።

እያ ዶናፐ ከይያ ሸምፑዋን

ሳሎን ደእያ መተꬃት የለትዶሶና።

ጪሞ ሃꬃ ምንጃ ኬꬃን ዎꬅስ።

አሳ ኡባይ ጎዳ ቦንቾ።

እ ኪትን ምንድ ኤቅስ።

ኤንታ ቆፋ ላሌስ።

እያ ዎዛና ቆፋይ የለተꬃ ኡባሳ።

እ ባባ ኦꬅድ ዶርዳ አሳይ አንጀትዳይሳታ።

አሳ ኮቸ ኡባ በኤስ።

ሳአን ደእያ ኡባ በኤስ።

ኤንቲ ኦꬅያባ ኡባ እ ኤሬስ።

ኦላንቾይ ባ ዎልቃ ምኖተꬃን ከስ ኤከና።

እ ባ ምኖተꬃን አሻናዉ ዳንዳኤና።

እያ ማሮታን ኡፋይስ ኦꬅያ አሳ በኦሶና።

ኮሻ ዎደ ኤንታ ናጋናሳ።

ኑና ማደይነ ኑ ጎንዳለይ እያ።

ኑ ዎዛናይ እያን ኡፋይቴስ።

ነ ማሮታይ ኑ ቦላ ግዶ።