76
ፆሳ ስንꬃን ኤቃናይ ኦኔ?
አሳፍ ዛማረታ ሀላቃስ ዲꬃን የፅዳ ማዝሙረ
1 ፆሳይ ይሁዳን ኤረትስ፤
እያ ሱንꬃይ እስራኤለን ግታ።
2 እያ ዱንካነይ ሳለማና፤
እ ደእያ በሳይ ፅዮነና።
3 ያን ፆንገትያ ሞርከ ዶንግያ፥
ጎንዳለ፥ ማሸነ ኦላ ሚሸታ መንረꬅስ።
ሳላሀ
4 አቤት ፆሳዉ፥ ነ ቦንቾይ አይ መላ ግተ!
ኔኒ ነ ሞርከታ ፆናዳ ዙማፐ ስምያ ዎደ፥
ነ ቴማይ አይ መላ ያሽ!
5 ጎባ ቶራንቾት ቦንቀትዶሶና፤
ኤንቲ ዎልቃማ ꬍስኮ ꬍስክዶሶና፤
ኤንታፈ እሶይካ ባ ኩሽያ ደንꬅቤና።
6 አቤት ያይቆባ ፆሳዉ፥ ነ ሴርዳ ዎደ፥
ፓራ አሳትነ ፓራት ኩንድድ አትዶሶና።
7 ሽን አቤት ፆሳዉ፥ ኔኒ ያሻሳ፤
ነ ሀንቆይ ሱልያ ዎደ፥
ነ ስንꬃን ኦነ ኤቃናይ?
8 ኔኒ ፕርዳ ሳሎፐ ስስዳ ዎደ፥
ቢታይ ዳጋማን ስእ ግስ።
9 ኔኒ ቢታን ቆሄትዳ አሳ አሻናዉነ
ኤንታዉ ፕርዳናዉ ደንድያ ዎደ ሄስ ሀንስ።
ሳላሀ
10 ነ አሰ ሀንቅኮካ ነዉ ቦንቾ ግዴስ፤
ኦላፐ አትዳ አሳት ነ ባኣለ ቦንቻና።
11 ጎዳስ ህንተ ፆሳስ ቃንገꬅ ጋꬅተ፤
ህንተኖ እያ ማታን ደእያ ካዎተꬃቶ፥
ያሽያ እያዉ እሞታ ኤህተ።
12 እ ሀላቃታ አያና ካዉሼስ፤
ዎልቃማ ካዎታካ ዳጋንꬄስ።