97
ፆሳይ ኡባ ቦላ ጎዳ
1 ጎዳይ ካዎትዳ ግሾ ሳአን ደእያ አሳይ ኡፋይቶ፤
ዩሾይ አባን ተቀትዳ ቢታት ኡፋይቶ።
2 ሻርነ ሳካና ꬉም እያ ዩሹዋን ደኤስ፤
ፅሎተꬅነ ቱማተꬅ እያ አራታ ባሶ።
3 ታም እያ ስንꬃራ ቤስ፤
እያ ዩሹዋን ደእያ ሞርከታ ፁጌስ።
4 እያ ዎልአንꬃይ ብታ ኡባ ፖእሴስ፤
ቢታይ ሄሳ በእድ ኮኮሬስ።
5 ደረት ጎዳ ስንꬃን፥
ሳኣ ኡባ ጎዳ ስንꬃን ሙቃዳዳ ትልእዶሶና።
6 ሳሎት እያ ፅሎተꬃ አዋጆሶና፤
አሳ ኡባይ እያ ቦንቹዋ በኦሶና።
7 ኤቃታ ጎይነይሳትነ
ኤንታን ጬቀተይሳት ኡባይ ዬላቶ፤
ኤቃት ኡባይ ጎዳስ ጉልባቶ።
8 አቤት ጎዳዉ፥ ፅዮነይ
ነ ፅሎ ፕርዳ ስእድ ኡፋይቴስ፤
ይሁዳ ማጫ ናይትካ ሀሹ ጎሶና።
9 አቤት ጎዳዉ፥ ኔኒ ሳአ ኡባ ቦላ ꬎቃ፤
ፆሳታ ኡባፈ ኔኒ ꬎቁ ጋዳሳ።
10 ጎዳ ዶሰይሳቶ፥ ኢታ እፅተ፤
እያን አማነተይሳታ ሸምፑዋ እ ናጌስ፤
ኢታታ ኩሸፐ ኤንታ አሼስ።
11 ፅሎታ ቦላ ፖኦይ ፖኤስ፤
ዎዛና ሱረታስ ኡፋይስ ደኤስ።
12 ህንተኖ ፅሎቶ፥ ጎዳን ኡፋይትተ፤
እያ ጌሻ ሱንꬃ ጋላትተ።