138
ፆሳ ጋላትተ
ዳዊታ ማዝሙረ
1 ጎዳዉ፥ ታ ኩመꬃ ዎዛናን ነና ጋላታና፤
ፆሳታ ስንꬃን ነና ሳባና።
2 ነ ጌሻ ኬꬃኮ ስማዳ ነና ጎይናና፤
ነ ሲቁዋ ግሾነ ነ ቱማተꬃ ግሾ ጋላታና።
ነ ሱንꬃ ግሾነ
ነ ቃላ ꬎቃተꬃ ግሾ ጋላታና።
3 ታኒ ፄግዳ ዎደ ነ ታዉ ኮያዳሳ፤
ነ ምኖተꬃን ታና ምንꬃዳሳ።
4 ጎዳዉ፥ ነ ዶናፐ ከይያ ቃላ ስእያ ዎደ፥
ሳአን ደእያ ካዎት ኡባይ ነና ጋላቶ።
5 ጎዳ ቦንቾይ ግታ ግድያ ግሾ፥
ኤንቲ ጎዳ ኦግያባ የፆ።
6 ጎዳይ ቦላ ꬎቃን ደእኮካ፥
ማንቆታ ኬሀ አይፈን ፄሌስ፤
ሽን ኦቶራንቾታ ሃሆን ኤሬስ።
7 ታኒ መቶ ግዶራ ሄመትኮካ፥
ኔኒ ታና ናጋሳ።
ታ ሞርከታ ሀንቁዋ ቦላ ነ ኩሽያ ምጫሳ፤
ነ ኡሻቻ ኩሽያን ታና አሻሳ።
8 ጎዳይ ታዉ ገልዳ ቃላ ፖላና፤
ጎዳዉ፥ ነ ሲቆይ መርናሳ፤
ነ ኩሸ ኦሱዋ የጋ አጎፋ።