ታ ቆፋ ኡባ ሃሆን አኬካሳ።

ታ ኦገታ ኡባ ኤራሳ።

እስ ቃላ ኦደታናፐ ስን፥

ታ ቆፋ ኡባ ኤራሳ።

ነ ኩሽያ ታ ቦላ ዎꬃሳ።

ታ አኬካፐ ꬎቃ።

ነ ስንꬃፈ አዉ ባኔ?

ዱገ ስኦለ ዎꬍኮካ ነ ያን ደኣሳ።

ዎይኮ ዉሎሀ ባጋን ሃካዳ ደእኮ፥

10 ያን ነ ኩሸይ ታና ካለꬄስ፤

ነ ኡሻቻ ኩሸይ ታና ዘምፕሴስ።

ጋላሳዉ ቃማ ላመታ” ግያኮካ፥

12 ሳካና ꬉም ነዉ ꬉመና፤

ቃም ጋላሳዳ ፖኤስ፤

ነዉ ꬉም ፖኦ መላ።

ታ አየ ኡሎን ታና ኔኒ ትላዳሳ።

የገልስ ኦꬃዳ መꬍዳ ግሾ፥

ታኒ ነና ጋላታይስ።

ታኒ ሄሳ ሎይꬃዳ ኤራይስ።

ታ መቀꬃይ ኔፐ ጌምቤና።

ሂላን አሌቀትድ ኦሰትያ ዎደ፥

16 ነ አይፈት ጊጎና ታ አሳተꬃ በእዶሶና።

ቡሮ እሶይካ ዶመቶና ደእሽን፥

ነ ታዉ ቡዞይዳ ጋላሳ ኡባይ

ነ ማዝጋበን ፃፈትዶሶና።

ዋንዳ ቦንቾ!

ኤንታ ታይቦይ ዋንድ ዳርደ!

ታኒ ባርክያ ዎደ ሀእካ ኔራ ደአስ።

ሱꬁ ጉስያ አሳት ታፐ ሃኮ!

ነ ሞርከት ነ ሱንꬃ ኢሶሶና።

ነ ቦላ ደንደይሳታ ታ ሻተትክና?

ኤንታ ታኒ ታ ሞርከዳ ታይባይስ።

ታና ኡንኤꬅዳ ታ ቆፋ በአ።

መርና ኦግያን ታና ካለꬃ።