1 ዶርሳይ ላፑን ማታመታፐ እሱዋ ዶይሽን በአስ። ቃስ ኦይዱ ደኦን ደእያ መተꬃታፐ እሶይ፥ ዳዳ ደሾ ዳንያ ግርሳን፥ “ሃያ!” ያግሽን ስአስ። 2 ሄኮ ቦꬃ ፓራ በአስ። ሄ ፓራ ቶግዳይስ ዶንገ ኦይክስ፤ እያ ሁጰን ካላች ደኤስ። እካ ፆንሸ ፆናናዉ ከይስ። ዛካ 1:7.

3 ቃስ ዶርሳይ ናምአንꬆ ማታምያ ዶይዳ ዎደ ደኦን ደእያ ናምአንꬆ መተꬃይ፥ “ሃያ!” ያግሽን ስአስ። 4 ቃስ ሀራ ስሀ ዞኦ ፓር ከይስ። ሄ ፓራ ቶግዳይሳስ ሳአፐ ሳሮ ꬋይሳና መላነ አሳይ ዎል ዉርሳና መላ ማትነ ግታ ማሻይ እመትስ። ዛካ 1:7.

5 ዶርሳይ ሄꬓንꬆ ማታምያ ዶይዳ ዎደ ደኦን ደእያ ሄꬓንꬆ መተꬃይ፥ “ሃያ!” ያግሽን ስአስ። ሄኮ ካሬꬃ ፓራ በአስ፤ እካ ባ ኩሸን ምዛነ ኦይክስ። ዛካ 6:2. 6 ኦይዱ ደኦን ደእያ መተꬃታ ግዶፈ፥ “እስ ጋላሳ ኦሶስ ዳሞዘ፥ ባጋ ክሎ ግስተ፤ ቃስ እስ ጋላሳ ኦሶስ ዳሞዘ፥ እስ ክሎነ ባጋ ባንጋ ግዶ። ሽን ዛይትያነ ዎይንያ ቆሆፓ” ያግሽን ስአስ።

7 ዶርሳይ ኦይዳንꬆ ማታምያ ዶይዳ ዎደ ኦይዳንꬆ ደኦን ደእያ መተꬃይ፥ “ሃያ!” ያግሽን ስአስ። 8 ሄኮ ዋንጮ ፓራ በአስ። ሄ ፓራ ቶግዳይሳ ሱንꬃይ ሀይቆ፤ እያ ጌዶ ስኦለይ ካሌስ። ኤንታዉ አላመፐ ኦይዳንꬆ ኩሽያ ኦላን፥ ኮሻን፥ ጋዶንነ ዶአን ዎꬍሳና መላ ማት እመትስ። ህዝ 14:21.

9 ዶርሳይ እቻሻንꬆ ማታምያ ዶይዳ ዎደ ኤንቲ ፆሳ ቃላ ኦድዳ ግሾነ ባንታ ማርካተꬃን አማነትዳ ግሾ ሹከትዳ አሳ ሸምፖታ ያርሾ በሳፈ ጋርሳን በአስ። 10 ኤንቲ ባንታ ቃላ ꬎቁ ኦꬅድ፥ “ኡባ ሃርያ ጎዳዉ፥ ጌሻዉ፥ ቱማንቹዋዉ፥ ሳአን ደእያ አሳ ቦላ ነ ፕርዳናይነ ኑ ሱꬃ ግሾ ሀሎ ከያናይ አዉዴ?” ያግዶሶና። 11 ኤንታ እሱዋስ እሱዋስ ቦꬃ ማኦይ እመትስ። ኤንታይሳዳ ሀንድ ሀይቃናዉ በሲያ ኤንታ ላገታ ታይቦይ ኩማና ጋካናዉ ጉꬃ ዎደ ሸምፓና መላ ኤንታዉ ኦደትስ።

12 ዶርሳይ ኡሱፑንꬆ ማታምያ ዶይዳ ዎደ ታ በአስ፤ ዎልቃማ ቢታ ቃፆይ ሀንስ። አዋ አይፈይ ካሬፅድ ካዮ ማኦ መላ ግድስ። አጌናይካ ዞእድ ሱꬁ ዳንስ። ቆን 11:13፤ 16:18፤ እሳ 13:10፤ ኤርም 2:10. 13 ዎልቃማ ጫርኮይ ጫርክድ ባላሰ ምꬃ ቃዉኤ አይፍያ ቆቆፈይሳዳ ሳሉዋ ፆልንቶት ሳአን ቆቆፈትዶሶና። እሳ 34:4. 14 ሳሎይ ፃꬃ ማፃፋዳ ፃፀትድ አꬍስ፤ ዙማይነ ዩሾይ አባን ተቀትዳ ቢታት ባንታ በሳፈ ꬋይዶሶና።ቆን 16:20. 15 ቢታ ካዎት፥ ደርያ ሃረይሳት፥ ኦላ ካለይሳት፥ ዱረት፥ ዎልቃማት፥ አይለትነ፥ ዎማኖት ጎንጎሎንነ ደረ ቦላ ደእያ ዛላ ሆምኦን ቆሰትዶሶና። እሳ 2:19. 16 ኤንትካ ዙማኮነ ዛላኮ፥ “ኑ ቦላ ዎꬍተ፤ ኑና ቆስተ፤ አራታን ኡትዳይሳ አይፍያፐነ ዶርሳ ሀንቁዋፈ ኑና ገንꬅተ።ሆሰ 10:8፤ ሉቃ 23:30. 17 ህዛ፥ ግታ ሀንቆ ጋላሳይ ጋክስ፤ ዳንዳእድ ኤቃናይ ኦኔ?” ያግዶሶና። ኤርም 2:11፤ ምልክ 3:2.