1 ሄሳፈ ጉየ፥ ኦይዱ ኪታንቾት ኦይዱ ሳኣ ጋፃን ኤቅዳይሳታ በአስ። ሄ ኪታንቾት ሳአ ቦላ ዎይኮ አባ ቦላ ዎይኮ አይ ምꬃ ቦላ ጫርኮይ ኦይዱ ሳኣ ጋፃፐ ጫርኮና መላ ተቅዶሶና። ኤርም 49:36፤ ዳነ 7:2፤ ዛካ 6:5. 2 ቃስ ደኦ ፆሳ ማታምያ ኦይክዳ ሀራ ኪታንቾይ ዶሎሀ ባጋፈ ከየይሳ በአስ። ሄ ኪታንቾይ ባ ቃላ ꬎቁ ኦꬅድ፥ ሳኣነ አባ ቆሀናዉ ዎልቅ እመትዳ ኦይዱ ኪታንቾታ፥ 3 ፄግድ፥ “ኑኒ ፆሳ አይለታ ሶምኦን ማታምያ ዎꬃና ጋካናዉ ቢታ ዎይኮ አባ ዎይኮ ምꬃ ቆሆፕተ” ያግስ። ህዝ 9:4.

4 ያትን፥ ታኒ ፆሳ ማታመይ ሶምኦን ዎሰትዳይሳታ ፓይዱዋ ስአስ። እስራኤለ ማይዛታ ኡባፈ 144,000 አሳስ ሶምኦን ማታመ ዎꬅስ።

9 ሄሳፈ ጉየ፥ ኮቸ ኡባፈ፥ ካዎተꬃ ኡባፈ፥ ያራ ኡባፈነ ዱማ ዱማ ዶናፐ ዛው ባይና ዳሮ አሳ በአስ። ሄ አሳይ ቦꬃ ማኦ ማእድ፥ ዛምባ ሀይꬅ ባንታ ኩሸን ኦይክድ፥ አራታ ስንꬃንነ ዶርሳ ስንꬃን ኤቅዶሶና። 10 ኤንቲ ባንታ ቃላ ꬎቁ ኦꬅድ፥ “አቶተꬃይ አራታን ኡትዳ ኑ ፆሳፈነ ዶርሳፈ ዬስ” ያግዶሶና።

11 ኪታንቾት ኡባይ አራታ፥ ጭማታነ ኦይዱ መተꬃታ ዩሹዋን ኤቅዶሶና። ኤንቲ አራታ ስንꬃን ጉፋንድ ፆሳ ጎይንዶሶና።

13 ጭማታፐ እሶይ ታኮ፥ “ሀ ቦꬃ ማኡዋ ማእዳ አሳት ኦናንቴ? ኤንቲ አዉፐ ይዶና?” ያግድ ኦይችስ።

14 ታኒ ዛራዳ፥ “ጎዳዉ፥ ነ ኤራሳ” ያጋስ።

እካ ታኮ፥ “ሀይሳቲ ዳሮ ዋየ ዋይድ አꬍዳይሳታ። ኤንቲ ባንታ ማኡዋ ዶርሳ ሱꬃን ሜጭድ ጌሽዶሶና። ዳነ 12:1፤ ማቶ 24:21፤ ማር 13:19. 15 ሄሳ ግሾ፥