1 ታኒ ሳሎን ሀራ ግታነ ማላልስያ ማላታ በአስ። ፆሳ ዉርሰꬃ ሀንቁዋ ቆንጭስያ ላፑን ቦሻታ ኦይክዳ ላፑን ኪታንቾት ደኦሶና።

2 ቃስ ታማራ ዋላከትዳ ቡርጩኮ አባ ዳነይሳ በአስ። ሄ አባ ጋፃን ዶኣ፥ እያ ምስልያነ እያ ሱንꬃ ታይቡዋ ፆንዳይሳታ በአስ። ፆሳይ ኤንታዉ እምዳ ዲꬃ ኦይክድ ኤቅዶሶና። 3 ኤንቲ ፆሳ አይልያ ሙሰ ማዝሙርያነ ዶርሳ ማዝሙርያ ሀይሳዳ ያግድ የፆሶና።

5 ሄሳፈ ጉየ፥ ሳሎን ዶየትድ ደእያ ፆሳ ኬꬃ፥ እካ ማርካተꬃ ዱንካንያ በአስ። ከሳ 38:21. 6 ላፑን ቦሻታ ኦይክዳ ላፑን ኪታንቾት ፆሳ ኬꬃፈ ከይዶሶና። ኤንቲ ጌሽነ ጶልያ ሊኖ ማኦ ማእዶሶና፤ ባንታ ትራን ዎርቃ ዳንጮ ዳንጭዶሶና። 7 ኦይዱ መተꬃታፐ እሶይ፥ መርናዉ ደእያ ፆሳ ሀንቆይ ኩምዳ ላፑን ዎርቃ ፁአታ ላፑን ኪታንቾታስ እሚስ። 8 ፆሳ ቦንቹዋፈነ እያ ዎልቃፈ ደንዶይሳን ፆሳ ኬꬃይ ጩያን ኩምስ። ላፑን ኪታንቾት ኦይክዳ ላፑን ቦሻት ፖለታና ጋካናዉ ፆሳ ኬꬃ ኦንካ ገላናዉ ዳንዳእቤና። ከሳ 40:34፤ 1 ካዎ 8:10.