1 አነ ታ ኦይቻይስ፦ ያትን፥ ፆሳይ ባ አሳ አግደዬ? አግቤና! ታኒ ታ ሁጰን እስራኤለ፤ አብራሃመ ሼሽ፤ ብንያመ ኮቸ። ፍልጵ 3:5. 2 ፆሳይ ኮይሮ ዶርዳ ባ አሳታ የገና። ጌሻ ማፃፋን፥ ኤልያስ እስራኤለታ ፆሳ ስንꬃን ዋት ሞትዳኮ፥ ህንተ ኤረከቲ? 3 ኤልያስ፥ “ጎዳዉ፥ ኤንቲ ነ ናበታ ዎꬍዶሶና፥ ነ ያርሾ በሳካ ላልዶሶና። ታ ታርካ አታስ፤ ኤንቲ ታናካ ዎꬋናዉ ኮዮሶና”1 ካዎ 19:10፥ 14. ያግስ።

4 ፆሳይ እያዉ ዎይግድ ዛርዴ? “ባኣለ ጌተትያ ኤቃስ ጎይንቦና ላፑን ሙኩሉ አሳ ታዉ አሻስ”1 ካዎ 19:18. ያግስ።

5 ሄሳዳካ፥ ሀ ዎድያን ፆሳይ ባ አꬎ ኬሀተꬃን ዶርዳ ጉꬃ እስራኤለት ደኦሶና። 6 እ ኤንታ ዶርዳይ ባ አꬎ ኬሀተꬃናፐ አትሽን፥ ኤንታ ኦሶን ግደና። ዶሮይ ኦሶን ግድኮ፥ እያ አꬎ ኬሀተꬃይ ቱማ አꬎ ኬሀተꬅ ግደና።

7 ያትን፥ ዋንዴ? እስራኤለት ባንታ ኮያባ ደምቦኮና፥ ሽን ፆሳይ ዶርዳ ጉꬃት ደምዶሶና። አትዳይሳት ባንታ ዎዛና ሙምስዶሶና። 8 ሄስካ፥ ጌሻ ማፃፋን፥

11 ያትን፥ አይሁደት ዛር ደንዶና መላ ኩንድዶናዬ? ግደና! ኤንታ ኩንደꬃይ አይሁደ ግዶና አሳይ አታና መላ ጋሶ ግድስ። ሄስካ አይሁደት ኤንታ ቦላ ቃናታናዳ ኦꬅስ። 12 አይሁደታ ናጋራይ አላምያስ ዳሮ አንጆ ኤህስ፤ ቃስ ኤንታ ኩንደꬃይ አይሁደ ግዶና አሳስ ዳሮ አንጆ ግድስ። ያትን፥ ዶረትዳ አይሁደት ኩመꬅ አትያ ዎደ አንጆይ አይ መላ ዳራንዴሻ!

13 ታኒ፥ ሀእ ህንተዉ አይሁደ ግዶና አሳስ ኦዳይስ። አይሁደ ግዶና አሳስ ሀዋረ ግዳዳ ኦይሳን ታኒ ዳሮ ጬቀታይስ። 14 ታ ሄሳ ኦꬅዳይ ታዉ አሾን ኮቸ ግድዳ እስራኤለታ ቂሮያዳ ኤንታፈ ጉꬃታ አሻናሳ። 15 ፆሳይ ኤንታ የግዳ ዎደ፥ ሀ አላመይ ፆሳራ ስገትስ። ፆሳይ ኤንታ ሺሽ ኤክያ ዎደ ሀይቅዳ አስ ሀይቆፐ ደንድዳ መላ ግዴስ።

16 ኮይሮ መንꬅዳ ባሶ ኡይꬃይ ፆሳስ ያርሸትድ ጌሽ ግድኮ፥ ሙመ ኡይꬃይካ ጌሽ። ምꬃስ ፃጶይ ጌሽ ግድኮ፥ ታሸይካ ጌሽ። 17 ጋደን ቶክዳ ሻማሆ ታሸ ግድዳ አይሁደት ካረትን፥ ህንተ ባዞን ዶልዳ ሻማሆ ታሸ ግድዳ አይሁደ ግዶናይሳት ኤንታ በሳን ꬋንትድ ኤንታ አንጁዋነ ዱረተꬃ ሻከትደታ። 18 ህዛ፥ ህንተ ታሸዳ ካረትድ ዎꬍዳ አይሁደታ ቦላ ኦቶርቶፍተ። ህንተ ኦቶርትያባ ግድኮ፥ ፃጶይ ህንተና ቶከስፐ አትሽን፥ ህንተ ፃጱዋ ቶኮናይሳ አኬክተ።

19 ኔኒ፥ “ሄ ታሸት ካረትዳይ፥ ታ ኤንታ በሳን ꬋንታና መላሳ” ጋናዉ ዳንዳኣሳ። 20 ሄስ ቱማ። ኤንቲ አማንቦና ግሾ ካረትዶሶና። ኔኒ አማንዳ ግሾ ሄ በሳን ኤቃዳሳ። ኔኒ ያያናዉ በሴስፐ አትሽን፥ ኦቶራናዉ በሰና። 21 ፆሳይ መꬎን ታሸ ግድዳ አይሁደታስ ቃቶና እፅኮ ህንተዉካ ቃተና።

22 ህዛ፥ ፆሳይ አይ መላ ኬሄኮነ አይ መላ ያሽያኮ በአ። እ ያሸይ ኪተቶናይሳታ፥ ቃስ እ ኬሄይ እያ አማንድ ምንድ ኤቅዳይሳታሳ። ምንድ ኤቆና እፅኮ ህንተካ ካረታና። 23 አይሁደት አማንኮ፥ ካሰ ኤንቲ ደእያ በሳ ስማና። ፆሳይ ኤንታ ዛሪድ፥ ዎꬃናዉ ዳንዳኤስ። 24 ህንተና ባዞን ደእያ ሻማሆ ግድዳ አይሁደ ግዶናይሳታ ቃንፅድ፥ ጋደን ቶከትዳ ሻማሁዋ ቦላ ህንተና ቶክኮ፥ መꬎን ጋደ ሻማሆ ግድዳ አይሁደታ ባንታ ኮይሮ በሳን ዛር ቶካናዉ ዋንድ ዳንዳኤተኔ?

25 ታ እሻቶ፥ ህንተ ህንተና ኤራንቾ ግድ ጬቀቶፍተ። ታ ህንተዉ ኦድያ እስ ፁር ደኤስ። ሄስካ እስራኤለታፐ ባጋይ ስኦና እፅዳይ ዉርሰꬅ ጋካናዉ ግዶናሽን፥ አታናዉ ደእያ አይሁደ ግዶና አሳይ ኩመꬅ ፆሳኮ ያና ጋካናሳ። 26 ሄሳዳካ፥ እስራኤለ አሳ ኡባይ አታና። ጌሻ ማፃፋን፥

28 አይሁደት ዎንገላ ኤኮና እፅድ፥ ህንተ ግሾ ፆሳራ ሞርከ ግድዶሶና። ግዶሽን፥ ሀእካ ኤንቲ ዶረትዳይሳታ፥ ፆሳይ ኤንታ አዋታ ግሾ ኤንታ ዶሴስ። 29 ፆሳይ ባ እሙዋንነ ባ ፄሳን ቂሮተና። 30 ህንተ አይሁደ ግዶናይሳት ካሰ ፆሳስ ኪተትበከታ። ሽን ሀእ አይሁደት ኪተቶና እፅን፥ ህንተ ፆሳ ማሮተꬃ ኤክደታ። 31 ሄሳዳካ፥ ህንተ ኤክዳ ማሮተꬃ አይሁደት ኤካና መላ ሀእ ፆሳስ ኪተቶና እፅዶሶና። 32 ፆሳይ አሳ ኡባ ባ ማሮተꬃ በሳናዉ ኮይድ፥ አስ ኡባይ ኪተቶና እፃና መላ ኦꬅስ።

33 ፆሳ ዱረተꬃ፥ ጭንጫተꬃነ ኤራተꬃ አኬክድ ኦዳናይ ኦኔ? እያ ፕርዳይ ፕልገተና፥ እያ ኦገይ ኤረተና። እሳ 55:8. 34 ጌሻ ማፃፋን፥

36 ኡባ እ መꬍስ፤ ኡባይ እያን ደኤስ፤ ኡባይ እያ ቦንቾሳ። ፆሳስ መርናዉ ቦንቾይ ግዶ። አምንእ። 2 ቆሮ 8:6.