1 ህዛ፥ ታ እሻቶ፥ ህንተ፥ ህንተ አሳተꬃ ፆሳ ኡፋይስያ፥ ደኦነ ጌሻ ያርሾ ኦꬅድ፥ እማና መላ ታኒ ህንተና ፆሳ ማሮተꬃን ዎሳይስ። ፆሳ ህንተ ጎይናናዉ በሲያ ቱማ ኦገይ ሄሳ። 2 ሎኦ፥ ኡፋይሰይሳነ ፖሎ ግድዳ ፆሳ ሸንያ ህንተ ሻክ ኤራናዉ ህንተ ቆፋን ላመትተፐ አትሽን፥ ሀ አላምያ ዳኖፕተ።

3 ፆሳይ ህንተ እሱዋስ እሱዋስ እምዳ አማኑዋ መላ ዎዛናማ አሳዳ ቆፕተ። ቆፓናዉ በሰይሳፈ አꬅድ ህንተና ዱማይድ፥ ኦቶሮን ቆፖፍተ ጋዳ ታዉ እመትዳ አꬎ ኬሀተꬃን ህንተዉ ኦዳይስ። 4 ኑ እስ አሳተꬃ ግዶን ዱማ ዱማ ክፍለት ደኦሶና፤ ሄ ዱማ ዱማ ክፍለታስ ዱማ ዱማ ኦሶይ ደኤስ። 2 ቆሮ 12:12. 5 ሄሳዳ፥ ኑኒ ዳሮ አስ ግድኮካ፥ ክርስቶሳን እስ አሳተꬅ ግድዳ። ኑኒ እስ አሳተꬅ ግድድ ዱማ ዱማ ክፍለት እሶይ እሱዋራ ኦይከትዳ። 6 ኑስ እመትዳ አꬎ ኬሀተꬃን ዱማ ዱማ እሞታት ደኦሶና። ኑ እሞይ ትንብት ኦዶ ግድኮ፥ ኑስ ደእያ አማኑዋ መላ ኦዳናዉ በሴስ። 2 ቆሮ 12:4-11. 7 ኑ እሞይ ሀራታ ማደ ግድኮ፥ ሄ ኦሱዋን ምናናዉ በሴስ፤ ታማርሶ ግድኮ፥ ሄ ታማርሱዋን ምናናዉ በሴስ። 8 ኑ እሞይ ሀራታ ምንꬆ ግድኮ፥ ምንድ ምንꬃናዉ በሴስ። ኑ እሞይ ኑስ ደእያባፐ ሀራታስ እሞ ግድኮ፥ ዎዛናፐ እማናዉ በሴስ። ኑ እሞይ አይሶ ግድኮ፥ ምንድ አይሳናዉ በሴስ። ኑ እሞይ ሀራታስ ኬሆ ግድኮ፥ ኡፋይሳን ኬሀናዉ በሴስ።

9 ህንተ ሲቆይ ቆፐ ቆሞን ግዳናዉ በሰና። ኢታባ እፅተ፤ ሎኦባ ምንꬅድ ኦይክተ። 10 እሶይ እሱዋራ እሻዳ ሲቀትተ፤ እሶይ እሱዋ ቦንችተ። 11 አዛሎፍተ፤ ህንተ አያናን ምንድ፥ ጎዳስ ኦꬅተ። 12 ፆሳይ እምዳ ኡፋይሳን ኡፋይትተ፤ መቱዋ ዳንዳእተ፤ ኡባ ዎደ ፆሳ ዎስተ። 13 አማንያ ጌሻታ ኮሽያባን ማድተ፤ እማꬃታ ሞክተ።

14 ህንተና ጎደይሳታ አንጅተ፤ አንጅተፐ አትሽን፥ ባዶፍተ። ማቶ 5:44፤ ሉቃ 6:28. 15 ኡፋይተይሳታራ ኡፋይትተ፤ ዬከይሳታራ ዬክተ። 16 እሶይ እሱዋራ እስ ቆፋን ደእተ። ኦቶሮ ቆፋ አግድ፥ ህንተና ካዉሽድ፥ ካዉሻ ኦሶ ኦꬅተ። ህንተ ህንተና ጭንጫ ግድ ቆፖፍተ። ሌም 3:7.

17 ኦንካ ህንተዉ ኢታባ ኦꬅኮ፥ ሄ ኡራስ ኢታ ዛሮፕተ። አሳ ኡባ ስንꬃን ናሽስያ ሎኦ ኦሶ ኦꬅተ። 18 አሳ ኡባራ ሳሮን ዳናዉ ህንተዉ ዳንዳኤትያ ኡባ ኦꬅተ። 19 ታ እሻቶ፥ ህንተ፥ ህንተ ሁጰን አሳስ ሀሎ ከዮፕተ። ፆሳይ ሀሎ ከሳና መላ እያዉ አጋግተ። ጌሻ ማፃፋን፥

20 ሽን ጌሻ ማፃፋን፥

21 ኢታ ሎኦን ፆናፐ አትሽን፥ ኢታን ፆነቶፋ።