1 ኑኒ አማኖን ምንዳይሳት ዳቡራንቾታ ቶሁዋ ቶካናዉ በሴስ። ኑኒ ኑና ኡፋይሳናዉ በሰና። 2 ኑኒ ኑ እሻ አማኖን ምንꬃናዉ እያ ማዳናዉነ ኡፋይሳናዉ በሴስ። 3 ክርስቶስ ባና ኡፋይስቤና። ሽን ጌሻ ማፃፋን፥ “አሳይ ነና ጫይዳ ጫሻይ ታና ጋክስ”ማዝ 69:9. ጌተትድ ፃፈትዳይሳዳ ሀንስ። 4 ጌሻ ማፃፋይ እምያ ገንጫንነ ምንꬁዋን ኑ ኡፋይሳ ኤካና መላ ጌሻ ማፃፋን ፃፈትዳ ኡባይ ኑና ታማርሳናዉ ፃፈትስ።

5 ገንጫነ ምኖተꬅ እምያ ጎዳይ ህንተ ክርስቶስ የሱሳ ካልያ ዎደ እስፈተꬅ ህንተዉ እሞ። 6 ሄስካ፥ ኑ ጎዳ የሱስ ክርስቶሳ አዋ፥ ፆሳ፥ እስ ዎዛናንነ እስ ቃላን ህንተ ቦንቻና መላሳ።

7 ክርስቶስ ህንተና ኤክዳይሳዳ ፆሳ ቦንቾስ እሶይ እሱዋ ኤክተ። 8 ፆሳይ በን አዋታስ እምዳ ኡፋይሳይ ፖለታና መላነ እያ ቱማተꬃይ ኤረታና መላ ክርስቶስ አይሁደታ አይለ ግድድ ይዳይሳ ታ ህንተዉ ኦዳይስ። 9 ክርስቶስ አይሁደታ አይለ ግድዳ ሀራ ጋሶይ ቃስ አይሁደ ግዶና አሳት ፆሳ እያ ማሮተꬃ ግሾ ጋላታና መላሳ። ጌሻ ማፃፋን፥

10 ቃስ፥

11 ቃስ ዛሪድ፥

12 ሄሳዳ እሳያስ፥

13 ጌሻ አያና ዎልቃን ህንተ ድጫና መላ ኡፋይስ እምያ ፆሳይ፥ ህንተ አማኑዋ ጋሶን ህንተዉ ኡፋይስነ ሳሮተꬅ ኩመꬅ እሞ።

14 ታ እሻቶ፥ ህንተናን ሎኦተꬅነ ኤራተꬅ ኩምዳይሳ ቃስ እሶይ እሱዋ ዞራናዉ ዳንዳኤይሳ ታ ጌሻዳ ኤራይስ። 15 ታኒ ህንተና እስ እስባ ጉጃ አኬክሳናዉ ኮያዳ ያዮና ሀ ዳብዳብያ ህንተዉ ፃፋስ። 16 ታኒ ክርስቶስ የሱሳ አይለ ግዳዳ፥ አይሁደ ግዶና አሳስ ካህነዳ ኦꬃዳ፥ ዎንገላ ኦዳና መላ ፆሳይ ታዉ አꬎ ኬሀተꬃ እሚስ። አይሁደ ግዶና አሳይ ጌሻ አያናን ጌይድ፥ ፆሳ ኡፋይስያ ያርሾ ግዳና መላ ፆሳይ ሄሳ ኦꬅስ።

17 ታኒ ክርስቶስ የሱሳን ግዳዳ ፆሳስ ኦꬅያ ኦሱዋን ጬቀታይስ። 18 አይሁደ ግዶና አሳይ ፆሳስ ኪተታናዳ፥ ክርስቶስ ታ ቃላነ ታ ኦሱዋ ባጋራ ኦꬅዳ ኦሱዋፐ አትሽን፥ ሀር ታ ጬቀትያባይ ባዋ። 19 ፆሳይ ሄሳ ማላታንነ ጌሻ አያና ዎልቃን ዋት ኦꬅዳኮ ታ ህንተዉ ኦዳና። ታኒ የሩሳላመፐ ዶማዳ፥ እልዋርቆነ ጋካናዉ ክርስቶሳ ዎንገላ ሳባካስ። 20 ታኒ ሀራ አስ ባስዳ በሳን ኬፃናዉ ኮይከ። ክርስቶሳ ሱንꬃይ ፄገትቦና በሳን ዎንገላ ኦዳናዉ አሞታይስ። 21 ጌሻ ማፃፋን፥

22 ሄሳ ጋሶን፥ ታኒ ህንተኮ ያናዉ ዳንዳአብከ። ሮመ 1:13. 23 ሽን ታኒ ሀእ ሀ ሄራን ታ ኦሱዋ ኦንግዳ ግሾነ ዳሮ ላይꬃፈ ዶማዳ ህንተና በአናዉ ላሞትዳ ግሾ፥ 24 ታኒ እስፔነ ባሸ ህንተና በአናዉ ቆፓስ። ቃስ ጉꬃ ዎደ ህንተራ ኡፋይትዳፐ ጉየ፥ እስፔነ ብያ ዎደ ህንተ ታ ኦግያስ ታና ማዳና መላ ኮያይስ።

25 ሽን ሀእ ታኒ ፆሳ አሳታ ማዳናዉ የሩሳላመ ባይስ። 26 ማቀዶነነ አካያን ደእያ ፆሳ አሳት፥ የሩሳላመን ደእያ ማንቆታ ሚሸን ማዳናዉ ኮይዳ ግሾሳ። 27 ኤንቲ ማንቆታ ማዳናይስ ኤንታዉ አቶናባ ግድዳ ግሾ ባንታ ሁጰን ሄሳ ኦꬃናዉ ቆፋ ቃችዶሶና። አይሁደት አይሁደ ግዶናይሳታራ አያና አንጁዋ ሻከትኮ፥ ኤንቲ ቃስ ባንታዉ ደእያባን አይሁደታ ማዳናዉ በሴስ። 2 ቆሮ 9:11. 28 ሄሳ ግሾ፥ ታኒ ሄ ሺቅዳ ሚሽያ ኤንታዉ እምዳፐ ጉየ፥ እስፔነ ባሸ ህንተ ማታራ አꬋና። 29 ታኒ ህንተኮ ብያ ዎደ ክርስቶሳ አንጁዋን ኩማዳ ባናይሳ ኤራይስ።

30 ታ እሻቶ፥ ታዉ ፆሳ ዎስሸ ታ ባፅያን ታራ ኤቃና መላ ጎዳ የሱስ ክርስቶሳንነ ጌሻ አያና ሲቁዋን ህንተና ዎሳይስ። 31 ፆሳይ ታና ይሁዳን ደእያ አማኖና አሳታፐ አሻናዳነ የሩሳላመን ታ ኦꬃና ኦሶይ ፆሳ አሳታ ማታን ኤከታና መላ ታዉ ዎስተ። 32 ቃስ ፆሳይ ጊኮ፥ ታኒ ህንተኮ ባዳ ኡፋይሳን ህንተራ ሸምፓና መላ ታዉ ዎስተ። 33 ሳሮተꬃ ፆሳይ ህንተ ኡባራ ግዶ። አምንእ።