1 Dawitinne Leeweta halaqati, Asaafa, Hemaananne Yedutuuna naytape suusul7en, diithaninne daalan tinbite odana mela dummayidosona. Ha oosuwas dummatida asaa sunthay haysafe kaallidi xaafetidaysa.

2 Asaafa nayti Zakura, Yoosefa, Naatananne Asar7eela. Asaafa nayti Asaafape garsara oothosona; Asaafi kawa kiitan tinbite odees.

3 Yedutuuna nayti Gadaaliya, Xaara, Yashaya, Sam7a, Hasabayanne Matita. Ha usupunati maasinqon Godaa galatishenne bonchishe banta aawa, nabiya Yedutuunape garsara kiitetoosona.

4 Hemaana nayti Buqaya, Mataana, Uzi7eela, Sabu7eela, Yarmoota, Hanaaniya, Hanaana, Eli7aata, Gidalta, Oromanti7ezera, Yoshbaqaasha, Maalota, Hotiranne Mazi7aata. 5 Haysati ubbay kawas qoncethi be7iya Hemaana nayta. Xoossay immana gidaysada Hemaana dhoqu dhoqu oothana mela ha tammanne oyddu adde naytanne heedzu macca nayta iyaw immis. 6 Haysati ubbay Xoossa keethan daala qaathanaw, diithinne maasinqo kaa7idi goyinnanaw banta aawape garsara de7oosona.

Asaafi, Yedutuuninne Hemaani kawuwape garsara de7oosona. 7 Hessati banta dabbotara gididi Xoossas shiiqiya mazmuren loohidaysata; enti kumethi 288. 8 Enti banta oosuwa shaakidi eranaw na7i cimi, astamaarey tamaarey shaahoy bayna saama yeggidosona.

9 Koyro saamay Asaafa na7aa Yoosefas keyis. Nam7antho saamay Gadallas keyis; I, iya naytinne iya dabboti kumethi tammanne nam7a. 10 Heedzantho saamay Zakuras keyis; I, iya naytinne iya dabboti kumethi tammanne nam7a. 11 Oyddantho saamay Xaras keyis; I, iya naytinne iya dabboti kumethi tammanne nam7a. 12 Ichashantho saamay Nataanas keyis; I, iya naytinne iya dabboti kumethi tammanne nam7a. 13 Usupuntho saamay Buqayas keyis; I, iya naytinne iya dabboti kumethi tammanne nam7a. 14 Laapuntha saamay Yishira7eelas keyis; I, iya naytinne iya dabboti kumethi tammanne nam7a. 15 Hospuntho saamay Yashayas keyis; I, iya naytinne iya dabboti kumethi tammanne nam7a. 16 Uddufuntho saamay Matanas keyis; I, iya naytinne iya dabboti kumethi tammanne nam7a. 17 Tammantho saamay Sam7as keyis; I, iya naytinne iya dabboti kumethi tammanne nam7a. 18 Tammanne issintho saamay Uzi7eelas keyis; I, iya naytinne iya dabboti kumethi tammanne nam7a. 19 Tammanne nam7antho saamay Hasabayas keyis; I, iya naytinne iya dabboti kumethi tammanne nam7a. 20 Tammanne heedzantho saamay Sabu7eelas keyis; I, iya naytinne iya dabboti kumethi tammanne nam7a. 21 Tammanne oyddantho saamay Matitas keyis; I, iya naytinne iya dabboti kumethi tammanne nam7a. 22 Tammanne ichashantho saamay Yarmootas keyis; I, iya naytinne iya dabboti kumethi tammanne nam7a. 23 Tammanne usupuntho saamay Hanaana keyis; I, iya naytinne iya dabboti kumethi tammanne nam7a. 24 Tammanne laapuntho saamay Yoshibaqaashas keyis; I, iya naytinne iya dabboti kumethi tammanne nam7a. 25 Tammanne hospuntho saamay Hanaaniyas keyis; I, iya naytinne iya dabboti kumethi tammanne nam7a. 26 Tammanne uddufuntho saamay Maalotas keyis; I, iya naytinne iya dabboti kumethi tammanne nam7a. 27 Laatamantho saamay Eli7aatas keyis; I, iya naytinne iya dabboti kumethi tammanne nam7a. 28 Laatamanne issintho saamay Hotiras keyis; I, iya naytinne iya dabboti kumethi tammanne nam7a. 29 Laatamanne nam7antho saamay Gidaltas keyis; I, iya naytinne iya dabboti kumethi tammanne nam7a. 30 Laatamanne heedzantho saamay Mahzi7aata keyis; I, iya naytinne iya dabboti kumethi tammanne nam7a. 31 Laatamanne oyddantho saamay Oromanti7ezeras keyis; I, iya naytinne iya dabboti kumethi tammanne nam7a.