1 Eeqas yarshetiya kathaba gidiko nu ubbay eroos. Eratethi otorsees, shin siiqoy dichees. 2 Oonika bana erayis gidi qopiko, I buroo eranaw besseysa eribeenna. 3 Shin oonika Xoosse siiqiko, I Xoossa matan eretidaysa.

4 Hessa gisho, eeqas yarshetida kathi muussaba gidiko, ha alamiyan Godi issi Xoossafe attishin, hari bayna gisho, eeqi pathonnaba gideysa nuuni eroos. 5 Xoosse gidonashin, saloninne sa7an xoosse geetetidi xeegetiya daro xoossatinne godati de7ikoka, 6 ubbaba medhida, nu iyabaa gidida, issi Xoossi, Aawi, nuus de7eesZaare 6:4; 10:13.. Ubbay iya baggara medhetida, nuka iya baggara de7o demmida issi Goday, Yesuus Kiristoosi nuus de7ees.

7 Shin ha erey ubba matan deenna. Issi issi asay eeqa goyinnora meezetida gisho, kathi miya wode eeqas yarshetidaba oothidi ekoosona. He wode enta kahay daabura gidiya gisho tunees. 8 Shin kathi nuna Xoossara daboyenna. Nu moonna aggidi aykoka qohetoko; qassi midi dumma go7etoko.

9 Shin hinte koydaba maanaw maati hintew de7ikoka hessi ammanon minnonna asata dhubonna mela naagetite. 10 Neeni nena erancho gada eeqas yarshetida kathi maanaw eeqa keethan uttidashin, ammanon minnonna asi nena be7iko, hessi eeqas yarshetida kathi I maana mela denthetheneyee? 11 Hiza, ne eratetha gaason Kiristoosi iya gisho hayqida, ammanon minnonna ne ishay dhayis. 12 Hessada oothidi, ammanon minnonna hinte ishata qohishenne enta kaha madunxisishe Kiristoosa qoheeta. 13 Hessa gisho, kathi ta isha dhubiyaba gidiko, I dhubetonna mela ubbaraka asho miike.