1 Ta ishato, ta hintew markatida wongela hinte ekidaysanne hinte ammanoy iyan eqidaysa hinte akeekana mela taani koyayis. 2 Ta tamaarsida wongela minthidi oykiko hinte iyan attana. Hessi hanonna ixiko hinte ammanoy hada gidana.

3 Taani ekida ubbaafe aadhiya kiitaa kasetada hintew immas. Hessika, Geeshsha Maxaafay geysada, Kiristoosi nu nagaraa gisho hayqis.Isa 53:5-12. 4 Moogetis; Geeshsha Maxaafay geysada, heedzantho gallasan hayqope dendis.Maz 16:8-10; Maato 12:40; Hawa 2:24-32. 5 Phexroosas qoncis. Hessafe guye, tammanne nam7u hawaaretas qoncis.Maato 28:16-17; Mar 16:14; Luqa 24:34, 36; Yoha 20:19. 6 Hessafe guye, ichashu xeetape dariya asaas issitoho qoncis. Entafe dariya baggay ha77i gakanaw paxa de7oosona, shin guuthati hayqidosona. 7 Hessafe guye, Yayqoobas qoncis; guyepe ba hawaareta ubbaas qoncis.

8 Qassi wursethan awucaya mela gidida taw qoncis.Hawa 9:3-6. 9 Taani Yesuusa hawaareta ubbaafe laafa. Taani Xoossaa woosa keethaa gooddida gisho Yesuusa hawaare geetetada xeegetanaw bessonnaysa.Hawa 8:3. 10 Shin Xoossaa aadho keehatethan ta ha77i gididaysa gidas; I taw immida aadho keehatethay mela attibeenna. Taani hanko hawaaretape aathada daaburas. Shin taara de7iya Xoossaa aadho keehatethay oothisipe attishin, tana gidike. 11 Hiza, tana gidin enti, nu ubbay tamaarsey hessa; hinteka he kiitaa ammanideta.

12 Kiristoosi hayqope dendidaysa nu sabbakiya wode hintefe issoti issoti yaatin, woygidi, “Hayqope dendoy baawa” yaagona? 13 Hayqope dendoy baynaba gidiko Kiristoosi hayqope dendibeenna guussu. 14 Kiristoosi hayqope dendiboonaba gidiko nu timirtey qassi hinte ammanoyka hada. 15 Hayqope dendoy baynashin, nuuni Xoossay, “Kiristoosa hayqope denthis” yaagidi sabbakishe Xoossaa wordancho markata gidida guussu. 16 Hayqida asay hayqope dendiboonaba gidiko hiza, Kiristoosi hayqope dendibeenna. 17 Kiristoosi hayqope dendonaba gidiko, hinte ammanoy hada; qassi hinte ha77i gakanaw hinte nagaran de7eeta. 18 Hiza, Kiristoosa ammanidi hayqidaysatika dhayidosona guussu. 19 Nuuni ha alamiya de7uwa xalaalas Kiristoosan ufaysi oothidaba gidiko, ha sa7an de7iya asa ubbaafe nubay aadhida yibbata.

20 Shin Kiristoosi hayqidaysatas hayqope dendon bayra gididi tuma dendis. 21 Hayqoy issi asa baggara ha alamiya yidaysada hayqope dendoy issi asa baggara yis. 22 Addaame baggara asa ubbay hayqidaysada Kiristoosa baggara asa ubbay de7on daana. 23 Shin issoy issoy ba maaran maaran dendana. Kiristoosi ubbaafe kasetidi dendis; hessafe guye, Kiristoosaysati I yaa wode dendana.

24 Hessafe guye, Kiristoosi halaqatethi, maatanne wolqa ubbaa dhaysidi, kawotethaa Xoossa Aawas immiya wode wodiya wursethay yaana. 25 Xoossay iya morketa ubbaa iya tohuwape garsan wothana gakanaw Kiristoosi haaranaw bessees.Maz 110:1. 26 Wursethan I dhaysanaw de7iya morkey hayqo. 27 Geeshsha Maxaafan, “Xoossay ubbaba iya maatape garsan haarisis” geetetidi xaafetis. Shin ubbaa iya maatape garsan haarisis geysi, ubbaba iya maatape garsan haarisida Xoossaa gujenna.Maz 8:6. 28 Ubbabay Kiristoosa maatape garsan haaretidaape guye Kiristoosi qassi ba huuphen ubbaba baw haarisida Xoossaas haaretana. He wode Xoossay ba xalaala ubbaa haarana.

29 Hayqidaysati dendonaba gidiko enta gisho xammaqetiya asaas ayba wodhey de7ii? Hayqidaysati dendonaba gidiko yaatin, ayis, asay hayqidaysata gisho xammaqetoona?

30 Yaatin, nuuni ayis ubba wode nunatethaa metos aathidi immoona? 31 Ta ishato, ta gallas gallas hayqos aadhada imetayis. Hessika, Godaa Kiristoos Yesuusan de7iya de7uwa issifetethan hintenan ceeqiya gishosa. 32 Asa qofatho gidiko, taani Efesoonan do7ara butetidaysi tana ay maaddii? Hayqidaysati hayqope dendonaba gidiko, “Wonto nu hayqiya gisho hachi maana uyana” giya asaa mela gidoos.Isa 22:13.

33 Cimetofite! Iita laggetethi lo77o amale iissees. 34 Hinte akeekako simmite. Nagara oothopite. Hintefe issi issi asay Xoossaa erokona. Taani hintena yeellayanaw hessa gayis.

35 Issi asi, “Hayqida asay waanidi dendanee? Enti ay mela asatethara yaanee?” yaagonna aggenna. 36 Neno eeyaw, neeni biittan zeriya zerethay hayqonna dolenna. 37 Neeni zerey giste gidin woyko hara katha qommo ayfe xalaala zerasaape attishin, dolida dolaa gidenna. 38 Shin Xoossay zerethaas ba dosida mela medhetethi immees. Dumma dumma zerethaas dumma dumma asatethi immees. 39 Medhetetha ubbaa ashoy isso gidenna. Shin asa ashoy issuwa; mehe ashoy dumma; kafota ashoy dumma; qassi molo ashoy dumma.

40 Salo asatethi de7ees; qassi sa7a asatethi de7ees. Shin salo asatethaa bonchoy dumma; qassi sa7a asatethaa bonchoy dumma. 41 Awa bonchoy dumma; ageena bonchoy dumma; xoolintota bonchoy dumma; issi xoolintoy hanko xoolintuwafe bonchon dummatees.

42 Hayqidaysati hayqope dendiya wode hessada hanana. Hayqiya asatethay zeretees; hayqonna asatethi gididi dendees. 43 Tooshen zeretidi, bonchon dendana; daaburan zeretidi, wolqan dendana. 44 Medhetetha asatethay zeretidi, ayyaana asatethi gididi dendana. Medheta asatethi de7iko, ayyaana asatethi*Ayyaana asatethi: Geeshsha Ayyaanay haarida woyko Geeshsha Ayyaanay de7o immida asatethi guussu. de7ees.

45 Hessadaka, Geeshsha Maxaafan, “Koyro addey, Addaamey, paxa de7iya ase gididi medhetis”Medhe 2:7. yaagees. Shin wursetha Addaamey, Kiristoosi, de7o immiya ayyaana gidis. 46 Shin medheta asi koyro yin, guyepe ayyaana asi yisipe attishin, ayyaana asi koyro yibeenna. 47 Koyro Addaamey biittafe medhetida biitta asi; nam7antho Addaamey salope yida salo asi. 48 Biittafe medhetidaysati biittafe medhetidaysa daanosona. Saloysati salope yidaysa daanosona. 49 Nuuni biittafe medhetida addiya daaneysa mela salope yida addiya daanana.

50 Ta ishato, ta geysi hessa; ha77i nu ma7ida asatethay Xoossaa kawotethaa laattanaw danda7enna. Wooqiya asatethay wooqonna asatethaa laattenna.

51 Ta hintew issi xuura odana. Nu ubbay hayqoko, shin wursethan ubbay laametana. 52 Moyzey punetiya wode, ayfey qiphi xeellanaw hassayonna laametana. Hayqida asay wooqonna asi gididi dendana; nuka laametana.1 Tese 4:15-17. 53 Haysi wooqeysi wooqonnaysa, haysi hayqeysi hayqonnaysa ma7anaw bessees.

54 Haysi wooqeysi wooqonnaysa, qassi haysi hayqeysi hayqonnaysa ma7iya wode, Geeshsha Maxaafan, “Hayqoy xoonon mitetis”Isa 25:8. giya qaalay poletana. 55 Hessadaka,

58 Hessa gisho, ta siiqo ishato, qaaxonna minnidi eqite. Godaa oosuwan hinte daabureysi coo gidonnaysa eridi ubba wode Godaa oosuwa azallonna oothite.