1 Ubbaafe sinthatada, asa ubbaas Xoossaa oychanaw, woossanaw, gaannatanawunne galatanaw besseysa taani nena akeekisayis. 2 Nuuni tuma ayyaana de7oninne geeshshatethan Xoossaa goyinnishe sarotethaninne wopu gida de7on daana mela kawotasinne shuumata ubbaas woossite. 3 Hessa mela woosay nuna ashshiya Xoossaa sinthan lo77onne ufaysiyabaa. 4 Xoossay asi ubbay attanaadanne tumaa eranaada koyees. 5 Issi Xoossi de7ees. Xoossafenne asape giddon gididi sigethiya issoy de7ees; ika ase gidida Kiristoos Yesuusa. 6 I asa ubbaa wozanaw bana aathidi immis. Xoossay ba wodiyan asa ubbaa wozanaw koyeysa bessiya markay haysa. 7 Xoossay tana Wongelas astamaarenne hawaare oothidi dooriday hessasa. Taani tuma odayis; wordotike; ammanoninne tuman Ayhude gidonna asaas markatana mela Xoossay tana shuumis.2 Ximo 1:11.

8 Hessa gisho, ubba bessan de7iya addeti, bantana Xoossaas dummayidi, hanqonne palama diggidi, banta kushiya pude denthidi Xoossaa woossana mela koyayis.

9 Hessada maccasay bantana haaridaysa qoncisiya, bonchoynne maari de7iya ma7uwa ma7anaw bessees. Enti maari bayna huuphe dathan, worqan woyko inqon, woyko al7o afilan bantana alleeqisopo.1 Phex 3:3. 10 Shin Xoossaas goyinnayis giya maccasay bantaw besseysada lo77oba oothonna.

11 Maccasi kiitetethan si77i gidi tamaaro. 12 Taani maccasay tamaarsana mela woyko adde bolla aawatana mela gidonashin, si77i gidi daana mela koyayis. 13 Addaamey koyro medhetis; guyepe Hewaanna medhetasu.Medhe 2:7, 21-22. 14 Qassi cimetada Xoossaa higgiya menthiday maccasipe attishin, Addaame gidenna.Medhe 3:1-6. 15 Shin maccasi ammanon, siiqoninne geeshshatethan bantana haaridi de7iko*Bantana haaridi de7iko: Woyko iya yelida nayti ammanon, siiqoninne geeshshatethan bantana haaridi de7iko. nayta yelon attana.