24
1 Iyo7aqeema wode Babiloone Kawoy Nabukadanaxoori Yihuda bolla dendis. Iyo7aqeemi iyaw heedzu laytha haaretidaape guye, Nabukadanaxoora bolla makallis.Ermi 25:1-38; Daane 1:1-2. 2 Goday Kaldaaweta paannota, Soore paannota, Moo7abe paannotanne Amoone paannota Iyo7aqeema bolla yeddis; ba aylleta nabeta baggara Goday kase odidaysada, Yihuda biitta dhaysanaada haysata yeddis. 3 Kawoy Minaasey oothida nagara gaason Goday Yihuda asaa ba sinthafe digganaw ha dhayuwa yeddis. 4 I xillo asa suuthu gussidi, Yerusalaamen kunthida gisho, Goday Minaases he nagaraa atto gaanaw koybeenna.
5 Iyo7aqeemi hanida harabaynne I oothidaba ubbay Yihuda Kawota Taarike Maxaafan xaafetis. 6 Iyo7aqeemi hayqidi, ba mayzata gakis; iya bessan iya na7ay Yo7akini kawotis. 7 Gibxe kawoy nam7antho ba biittafe dendidi, olas yibeenna; Gibxe Shaafape doomidi, bidi Efraxiisa Shaafa gakanaw, Gibxe kawoy haarida biitta ubbaa Babiloone kawoy ekis.
Yihuda Kawa Yo7akina
(2 Taari 36:9-10)
8 Yo7akini kawotiya wode laythi iyaw tammanne hospuna; Yo7akini, Yerusalaamen heedzu ageena kawotis. Iya aaye sunthay Nasta; iya Yerusalaame addiya Elnaatana na7a. 9 Yo7akini ba aaway oothidaysada, Godaa sinthan iitabaa oothis.
10 He wode Babiloone kawa Nabukadanaxoora olanchoti Yerusalaame yidi, katama teqidosona. 11 Babiloone kawoy Nabukadanaxoori he katama yis. 12 Yihuda kawoy Iyo7akina, iya aayiya, iya aylleti, iya halaqatinne kawo gadho shuumati ubbay Babiloone kawas kushe immidosona.Ermi 22:24-30; 24:1-10; 29:1-2.
Yo7akini kawotida hospuntho laythan, Babiloone kawoy Yo7akina qachis. 13 Xoossa keethaanne kawo gadhon de7iya shaluwa ubbaa he bessaafe denthidi efis. Goday kase odidaysada kawoy Solomoney Xoossa keethan giigisida worqa miisheta ubbaa Babiloone kawoy qanxerethis. 14 Nabukadanaxoori Yerusalaame asa, halaqata ubbaa, olanchota ubbaa, kushe hiillanchotanne birata qoxeyisata ubbaa, 10,000 asaa Yerusalaamepe di77idi efin, biittan manqo asa xalaali attis.
15 Nabukadanaxoori Iyo7akina di77idi, iya aayiw, iya macheta, iya moorinnatinne biittan de7iya gita asa ubbaa Babiloone efis.Hiz 17:12. 16 He asape 7,000 asati olanchota; 1,000 asati dumma dumma kushe hiillanchota; enti ubbay minonne olaa oletanaw danda7eyisata. 17 Hessafe guye, Babiloone kawoy Yo7akina bessan iya aawa ishaa Mataana kawothis; iya sunthaa Sedeqiyaasa yaagidi laammis.Ermi 37:1; Hiz 17:13.
Yihuda Kawa Sedeqiyaasa
(2 Taari 36:11-12; Ermi 52:1-3)
18 Sedeqiyaasi kawotiya wode, laythi iyaw laatamanne issino; I tammanne issi laythi Yerusalaamen kawotis. Iya aaye sunthay Amxaalo; iya Libana kataman de7iya Ermiyaasa na7a.Ermi 27:1-22; 28:1-17. 19 Iyo7aqeemi oothidaysada, Sedeqiyaasi Godaa sinthan iitaba oothis. 20 Goday hanqetida gisho, Yerusalaame asa bollanne Yihuda asaa bolla haysi hanis; wursethan enta I ba sinthafe diggis.
Sedeqiyaasi Babiloone kawa bolla makallis.Hiz 17:15.