1 Kahineta halaqay Isxifaanoseko, “Haysi tumee?” yaagidi oychis.

2 Isxifaanosey, “Ta ishato, ta aawato, si7ite! Nu aawa Abrahaamey Kaaranen daanaw baanape sinthe Masephexoomen de7ishin, boncho Xoossay iyaw qoncidi,Medhe 12:1. 3 ‘Ne biittafenne ne dabotape shaaketada taani nena bessiya biitta ba’ yaagis. 4 He wode Abrahaamey Kaldaaweta biittafe keyidi Kaaranen daanaw bis. Iya aaway hayqidaape guye Xoossay iya ha biitta ha77i hinte de7iya bessaa ehis.Medhe 11:31; 12:4. 5 I ha biittafe hari attoshin tohoy yedhiya bessika Abrahaames immibeenna. Shin na7i iyaw bayna wode Xoossay ha biitta iyawunne iya sheeshas laata oothidi immanaysa qaala gelis.Medhe 12:7; 13:15; 15:18; 17:8. 6 Xoossay Abrahaameko, ‘Ne sheeshay hara biittan imathatethan daana; yan oyddu xeetu laythi enti aylletethan haaretana.Medhe 15:13-14. 7 Shin taani ne sheesha haariya kawotethata pirdana. Hessafe guye, enti he biittafe keyidi haysan taw goyinnana’ yaagis.Kessa 3:12. 8 Xoossay Abrahaame sheeshay qaxaretana mela iyara caaqin, Yisaaqi yeletida hospuntho gallasan qaxaris. Yisaaqi Yayqooba qaxaris; qassi Yayqoobi tammanne nam7u ba nayta, nu aawata mayzata qaxaris.Medhe 17:10-14; 21:2-4; 25:26; 29:31-35.

9 “Yayqooba nayti Yoosefa qanaatidi Gibxe biittan aylletethas bayzidosona, shin Xoossay iyara de7ees.Medhe 37:11, 28; 39:2, 21. 10 Iya, iya waaye ubbaafe kessis. Gibxe kawa sinthan sabanne cincatethi iyaw immis. Gibxe kawoy Yoosefas Gibxe biittanne ba gadhuwa ubbaa aysanaada aawatethi immis.Medhe 41:39-41.

11 “Gibxe biittaninne Kanaane biittan ubban koshi gelidi daro asaa un7ethis. He wode nu mayzati kathi demmanaw danda7ibookona.Medhe 42:1-2. 12 Yayqoobi Gibxe biittan kathi de7eysa si7idi nu aawata koyro yaa yeddis. 13 Nam7antho buussan Yoosefi ba ishatas banatetha erisis. Gibxe kawoyka Yoosefa soo asa eris.Medhe 45:1, 16. 14 Yoosefi ba aawa Yayqoobanne ba soo asa ubbaa, laapun tammanne ichashu asaa baako yaana mela kiittidi ehisis.Medhe 45:9-10, 17-18; 46:27. 15 Yayqoobi Gibxe biitta wodhis; inne iya nayti yan hayqidosona.Medhe 46:1-7; 49:33. 16 Enta ahay he bessaafe Seekema biitta tooketidi bidi, yan Abrahaamey Hamoore naytape daro biran shammida duufon moogetis.Medhe 23:3-16; 33:19; 50:7-13.

17 “Shin Xoossay Abrahaames immana gidaysa poliya wodey gakanaw matida wode Gibxe biittan de7iya nu asay dari dari bis.Kessa 1:7-8. 18 Hessafe guye, Yoosefa eronna hara kawoy Gibxe biittan kawotis. 19 He kawoy nu kochaa genidi guutha nayti hayqana mela enta kare kessi yeggana mela nu aawata un7ethis.Kessa 1:10-11, 22.

20 “He wode Musey yeletis; I Xoossaa sinthan daro lo77o na7a. Ba aawa keethan heedzu ageena gakanaw diccis.Kessa 2:2. 21 Musey wora holetida wode Gibxe kawa na7iya demma ekada ba na7a oothada iya dichasu.Kessa 2:3-10. 22 Musey Gibxeta cincatetha ubbaa tamaaridi odaninne ooson mino asi gidis.

23 “Muses laythi oytama kumida wode ba ishata, Isra7eeleta be7anaw ba wozanan qopis.Kessa 2:11-15. 24 Isra7eeletape issuwa Gibxe issoy qohishin be7idi he Isra7eele uraa maaddidi, he qohida Gibxe uraa wodhidi kushe zaaris. 25 Musey ba ishata ba baggara Xoossay ashshanaw haneysa enti akeekana gidi qopis, shin enti akeekibokona.

26 “Wontetha gallas nam7u Isra7eele asati issoy issuwara wadhetishin demmidi enta sigethanaw koyidi, ‘Asaw, hinte ishanta; ayis issoy issuwa qohetii?’ yaagis.

27 “Shin ba laggiya qoheysi Museko, ‘Nena nu bolla haareysanne daynna oothiday oonee? 28 Neeni zine Gibxe uraa wodhidaysada tanaka wodhanaw koyay?’ yaagidi Muse sugi yeddis. 29 Musey hessa si7ida wode Gibxefe betidi Midiyaame biittan bete asi gididi de7ishe nam7u adde nayta yelis.Kessa 18:3-4.

30 “Godaa kiitanchoy oytamu laythafe guye, Siina zuma matan de7iya bazzo tushiya giddon eexiya tama laco giddon Muses bentis.Kessa 3:1-10. 31 Musey ba be7idaysan malaaletidi, loythi be7anaw tushiya mati shiiqidi de7ishin, Godaa qaalay, 32 ‘Taani ne aawata, Abrahaame Xoossaa, Yisaaqa Xoossaa, Yayqooba Xoossaa’ yaagishe Museko yis. Musey yashshan kokoridi xeellanaw danda7ibeenna.

33 “Goday Museko, ‘Neeni eqida biittay geeshshi gidiya gisho ne tohuwan de7iya caammaa kessa. 34 Taani Gibxen de7iya ta asaa un7etetha be7as. Enta waasuwa si7ada enta ashshanaw wodhas. Ha77i haaya! Taani nena Gibxe kiittana’ yaagis.

35 “Isra7eeleti Muse, ‘Nena nu bolla haareysanne daynna oothiday oonee?’ yaagidi ixidaysa tushiya giddon iyaw bentida kiitanchuwa baggara haareysanne ashsheysa oothidi Xoossay kiittis.Kessa 2:14. 36 He Musey Isra7eeleta Gibxefe kessidi malaalsiyabatanne oorathabata Gibxe biittaninne Zo7o Abban oothidi enta oytamu laythi mela biittan kaalethis.Kessa 7:5; 14:21; Taybo 14:33.

37 “Isra7eele asaako, ‘Xoossay tana denthidaysada hinte sheesha giddofe ta mela nabe hintew denthana’ yaagiday he Muse.Zaare 18:15, 18. 38 Mela biittan shiiqida Isra7eele asaara de7idaysi, nu aawataranne Siina zuma bolla iyaw odida kiitanchuwara de7ida Musey iya. Yaatidi, Xoossaa de7o qaala nuus immanaw ekis.Kessa 19:1—20:17; Zaare 5:1-33.

39 “Shin nu mayzati Muses kiitetanaw dosibookona; iya ixidi guye Gibxe simmanaw amotidosona. 40 Qassi Aaronako, ‘Nuna kaalethiya xoossata nuus ootha. Ayis giiko, haysi nuna Gibxefe ehida Musey, waanidaako nuuni eroko’ yaagidosona.Kessa 32:1. 41 He wode mari daanisidi eeqa oothidosona. He eeqas yarsho yarshidi banta kushen oothida oosuwan ufaytidosona.Kessa 32:2-6. 42 Shin Xoossay entaw zoko zaaris. Enti saluwa xoolintotas goyinnana mela enta yeggi aggis. Nabeta maxaafan,

44 “Nu aawatas mela biittan marka dunkaaney de7ees. Iyaka Xoossay Muse kiittidaysadanne iya bessidaysada oothis.Kessa 25:9, 40. 45 Qassi nu aawati he dunkaaniya banta aawatape ekidi Xoossay kase goodida Ayhude gidonna asaa biitta oykida wode Iyyasura yaa ekidi gelidosona. He dunkaaney Dawita wode gakanawuka he bessan de7is.Iyya 3:14-17. 46 Dawiti Xoossan sabetis. Qassi Yayqooba Goday de7ana keethaa keexanaw Xoossaa woossis.2 Same 7:1-16; 1 Taari 17:1-14. 47 Shin iyaw keethaa keexiday Solomone.1 Kawo 6:1-38; 2 Taari 3:1-17.

48 “Hanoshin, Ubbaafe Bolla Xoossay asi keexida keethan deenna. Nabey gidaysa mela,

51 “Hinte waanida si7onna asee? Hinte wozanay Xoossaa qaala ekanaw ayis ixidee? Hinte haythay ayis tullidee? Hinte, hinte aawatatho ubba wode Geeshsha Ayyaanara eqeteta.Isa 63:10. 52 Nabeta giddofe hinte aawati gooddonay oonee? Xoossaa Na7ay, Xilloy yaanaysa kasetidi odidaysata wodhidosona. Ha77i hinte iya aathi immidi wodhideta. 53 Hinte kiitanchuwa kushepe Xoossa higgiya ekideta, shin kiitetibeketa” yaagis.

54 Enti hessa si7ida wode banta wozanan Isxifaanose bolla daro yilotidi, banta mettersha saxidi mandidosona. 55 Shin Isxifaanosey Geeshsha Ayyaanan kumidi, salo pude xeellidi, Xoossaa bonchuwanne Yesuusa, Xoossa ushacha baggan eqidaysa be7is. 56 “Heko, taani saloy dooyetin, Asa Na7ay, Xoossaa ushacha baggan eqidaysa be7ayis” yaagis.

57 Qaala dhoqu oothidi waassishe, banta haytha oykidi issife iyako woxidosona 58 Iya katamaape gaxa kessidi, shuchan caddidosona. Markati banta ma7uwa issi Saa7ola geetetiya na7atetha matan wothidosona.

59 Isxifaanosey, “Ta Godaa Yesuusa, ta shempuwa eka” yaagidi xeegishin enti iya shuchan caddoosona. 60 Gulbatidi, ba qaala dhoqu oothidi, “Ta Godaw, ha nagaraa entaw atto ga” yaagis. Hessa yaagidi simmida mela hayqi aggis.