1 Issi gallas kawoy Bilxasoori mukulu gidiya ba shuumatas gibira giigisidi, entara issife woyne ushsha uyis. 2 Bilxasoori woyne ushsha uyidi mathotida wode, iya aaway Nabukadanaxoori Yerusalaamen de7iya Xoossa keethafe ehida worqafenne birape oosetida ushsha miisheta ehana mela kiittis. I hessa oothiday I, iya shuumati, iya machetinne iya laggethoti ushsha he miishetan uyanaw koyida gishosa. 3 Enti Yerusalaamen de7iya Xoossa keethafe ehida worqafe oosetida ushsha miisheta kawas ehidosona. Yaatin kawoy, iya shuumati, iya machetinne iya laggethoti he miishetan tigetida woyne ushsha uyidosona. 4 Enti he woyne ushsha uyishe, worqafe birape, naase biratape, biratape, mithafenne shuchafe oosetida xoossata galatidosona.

5 He wode qoponna de7ishin, asa kushe biradheti keyidi, xompe wothiya kocaa sinthan, meeshetida kawo gadho godaa bolla xaafidosona. He kushey xaafiya wode kawoy be7is. 6 He wode iya som7oy laametidi, bido gidis; yashshan iya gaadey kokoris; iya gulbatay ixis.

7 Kawoy ba qaala dhoqu oothidi, muranchota, marotanne xoolinto paydeyisata ehana mela kiittis. I, Babiloone cincatako haysada yaagis: “Ha xuufiya nabbabidi, iya birshethaa taw odiya oonika, ocha teera daaniya ma7uwa ma7ana;*Ocha teera daaniya ma7uwa ma7ana: Ha ma7oy daro al7onne beni wode kawoti ma7iya ma7o. iya qoodhen worqa aathana; I, ta kawotetha haariya heedzantho asi gidana” yaagis.

8 Babiloone cincati ubbay iya sinthe yidosna; shin entafe oonika he xuufiya nabbabanaw woyko iya birshethaa odanaw danda7ibeenna. 9 Kawoy Bilxasoori kaseysafe aadhidi dagammin, iya som7oy kaseysafe aadhidi bido gidis. Iya shuumati haniyaba dhayidosona.

10 Iya aayiya, kawanne iya shuumata palama si7ada, enti gibira miya keethaa gelada, haysada yaagasu: “Kawaw, merinaw kawota! Ha qofan daro dagammofa; ne som7oy laametofo. 11 Geeshsha xoossata ayyaani iya bolla de7iya, issi asi ne kawotethaa giddon de7ees. Iyaw eratethi, akeekinne cincatethi de7ees. Kase ne aaway, kawoy Nabukadanaxoori iya, marota, muranchota, bitanchotanne xoolinto paydeyisata halaqa oothidi shuumis. 12 I, lo77o ayyaani, erinne akeeki de7iya ase. I amuho birshanaw, qan7ishe odanawunne xuura qoncisanaw danda7ees. Kawoy Bilxasoora gidi sunthida Daanela xeega. I new xuufiya birshethaa odana” yaagasu.

13 He wode Daanela kawako ehin, kawoy iyako haysada yaagis: “Daaneli nenee? Ta aaway, kawoy Yihudape di77idi ehidaysatape issoy nenee? 14 Xoossata ayyaani nenan de7eysa, eri, akeekinne cincatethi new de7eysa ta si7as. 15 Ha xuufiya nabbabanawunne iya birshethaa taw odanaw muranchotinne cincati yidosona; shin enti taw birshethaa odanaw danda7ibookona. 16 Neeni birshethaa odanawunne deexo oysha ubbaa zaaranaw danda7eysa ta si7as. Hiza ne ha xuufiya nabbabanawunne iya birshethaa taw odanaw danda7iko, ocha teera daaniya ma7uwa mayzana; ne qoodhen worqa aathana; neeni, kawotetha haariya heedzantho ase gidana.”

17 Daaneli kawas zaaridi, “Ne imoy new gido; ne woytuwa hara asas imma. Gidoshin, taani xuufiya kawas nabbabana; birshethaaka odana.”

18 “Kawaw, Ubbaafe Dhoqa Xoossay ne aawa Nabukadanaxooras kawotethi, gitatethi, bonchonne teema immis. 19 Iya gitatetha gaason derey, kawotethatinne dumma dumma doonan odetiya kochati iyaw yashshan kokoridosona. I wodhanaw koyeysa wodhees; ashshanaw koyeysa ashshees; shuumanaw koyeysa shuumees; kawushanaw koyeysa kawushshees. 20 Shin I otortida wodenne iya wozanay muumida wode, ba araatape wodhis; iya bonchoyka qaaretis. 21 Asa giddofe goodetis; iya kahay laametin do7a gidis. Boorada maata mishe demba haretara issife de7is. Iya asatethay salo akan laakis. Hessi haniday, Ubbaafe Dhoqa Xoossay asa nayta kawotetha ubbaa haareysanne ba koydaysas immeysa I erana melasa.

22 “Shin Bilxasoora, neeni iya na7ay, ha ubbaa erashe ne nenatethaa kawushabaaka. 23 Qassi salo Godaa bolla otortada, nenatethaa dhoqu dhoqu oothadasa. Iya keethaafe bonqetidi yida worqa miishetan neeni, ne shuumati, ne machetinne ne laggethoti, woyne ushsha uyideta. Qassi xeellanaw, si7anawunne eranaw danda7onna birape, worqafe, naase biratape, biratape, mithafenne shuchafe oosetida xoossata galatideta. Ne de7uwanne ne ogiya ba kushen oykida Xoossaa bonchabaaka. 24 Hessa gisho, kushe biradheti iyape kiitetin, ha xuufey xaafetis.

25 “Xuufey,

26 “Aramike doonan iya birshethay haysa.

29 He wode, Bilxasoora kiitan, ocha teera daaniya ma7uwa Daanela mayzidosona; iya qoodhen worqa aathidosona; qassi kawotetha haariya heedzantho asi gidana mela awaajidosona.

30 He wode qamma morketi gelidi, Babiloone kawa Bilxasoora wodhidosona. 31 Iya kawotethaa, laythi usupun tammanne nam7a gidida Meedona addey Daariyosi ekis.