6
Naytanne Enta Yelidaysata
1 Nayto, hinte Godaaba gidiya gisho hintena yelidaysatas kiitetite. Hessi hintew bessiyaba.Qola 3:20. 2 “Ne aayiwunne ne aawa boncha.” Hessi ufaysa qaali de7iya koyro kiitaa.Kessa 20:12; Zaare 5:16. 3 “Ne hessa poliyaba gidiko ubbay new injetana; ne laythay sa7a bolla aduqana.”
4 Aawato, hinte nayta Godaa qaala tamaarsoninne enta kaaleson dichitepe attishin, entana caamisopite.Qola 3:21.
Godatanne Aylleta
5 Aylleto, Kiristoosas kiiteteysada hinte sa7a godatas yashshan, bonchoninne suure wozanan kiitetite.Qola 3:22-25. 6 Enta sinthan saba demmanaw enti be7iya wode xalaala oothopite. Shin Kiristoosa aylletada Xoossaa sheniya wozanape polite. 7 Asas gidonashin, Godaas gidi hinte kumetha wozanaape oothite. 8 Aylle gidin woyko godaa gidin issoy issoy ba oothida lo77o oosuwas Godaape woyto ekanaysa ereeta.
9 Godato, asa som7o be7idi maaddonna Goday, saluwan de7eysa ereeta. Hessa gisho, hinte aylleta mandeysa aggidi enti hintew bonchon kiiteteysa mela hinte entaw lo77oba oothite.Qola 4:1; Zaare 10:17; Qola 3:25.
Xoossa Ola Miishe
10 Wursethan, Godaaninne iya gita wolqan minnite. 11 Xalahe cimuwa eqetanaw danda7ana mela Xoossay hintew immida ola miishiya ubbaa ma7ite. 12 Nu olay asara gidonashin, salon de7iya tuna ayyaana olanchotara, maata aawatara, haareysataranne ha dhuma alamiya wolqatara.
13 Hessa gisho, iita gallasaa teqanawunne ubbaa polidi, minnidi eqanaw hinte danda7ana mela Xoossaa ola miisheta ubbaa ma7ite. 14-15 Tumaa xeessan dancoda dancidi, xillotethaa xurureda tiran wothidi, sarotethaa Wongela hinte tohuwan caammada aathidi minnidi eqite.Isa 11:5; Isa 59:17; 52:7. 16 He ubbaafe aathidi, Xalahey yeddiya laxiya tama donge ubbaa toysanaw danda7iya ammanuwa ubba wode gondalleda oykite. 17 Xoossaa atotetha birata barneexada hinte huuphen wothite; qassi Geeshsha Ayyaana mashsha ika, Xoossaa qaala oykite.Isa 59:17. 18 Woossa aggofite; haratasika gaannatite; ubba wode Ayyaanan woossite. Hessan, geeshshatas saletonna minnidi ubba wode woossite.
19 Taani Wongela xuuraa yashshi bayna qoncisada odana mela Xoossay taw qaala immana mela woossite. 20 Taani hessa oothanaw kiitetas ha77ika qashon de7ey he Wongela gishosa. Yaaniya gisho, taani yashshi bayna besseysada odana mela taw woossite.
Sarotho
21 Taani waana de7iyakonne ay oothiyako hinte erana mela nu siiqo ishay, Godaa oosuwan ammanetida oosanchoy, Tikiqoosi, tabaa ubbaa hintew odana.Hawa 20:4; 2 Ximo 4:12; Qola 4:7-8. 22 Nuuni ubbay waanidi de7iyako hintew odana melanne hintena minthethana mela taani iya hinteko kiittas.Medhe 21:10.
23 Xoossaa Aawape, Godaa Yesuus Kiristoosape sarotethaynne siiqoy ammanora issife ammaniya ubbaas gido. 24 Irxonna siiqon nu Godaa Yesuus Kiristoosa siiqiya ubbaara Xoossaa aadho keehatethay gido.