10
Mardikiyoosa Gitatetha
Kawoy Arxekisisi ba kawotethan gaxape gaxa gakanaw de7iya asa ubbay giira qanxana mela wolqan kiittis. I oothida gitanne malaalsiya oosoti ubbay, Mardikiyoosaka dhoqu oothidi waati bonchidaako qoncisiya taarikey Meedonanne Farse kawotetha taarike maxaafan xaafetis. Maatan gidiko, Mardikiyoosi kawa Arxekisisape nam7antho. I Ayhudetanka daro bonchetidanne dosetida asi. I ba ase gidida Ayhudeti, sarotethaninne hirgi bayna daana mela daro daaburida asi.