1 Godaa qaalay haysada yaagishe taako yis. 2 “Asa na7aw, woyney woran de7iya hara mithafe aybin aadhii? 3 Go77i de7iya ba oothanaw qanxetidi eriyee? Aykoba kaqiya kocaa iyape kessanaw danda7eetii? 4 Iya tama oysethanaw taman yeggin, xeeraynne dulley taman meetetin attida dunchay ay maaddanee? 5 Xuugetonna de7ishe, ayko maaddonnaysi tami min miccidi ay maaddanee?”

6 Hessa gisho, Ubbaa Haariya Goday haysada yaagees: “Taani woran de7iya mithaa giddofe woyne mithaa tamas aathada immidaysada Yerusalaamen de7iya asaa hessada oothana. 7 Taani ta som7uwa enta bolla zaarana; enti issi tamape keykoka, hara tami enta maana. Taani ta som7uwa enta bolla zaariya wode taani Godaa gideysa hinte erana. 8 Enti tanan ammanetona aggida gisho ta enta biitta baysa kessana” yaagees Ubbaa Haariya Goday.