3
Yesuusi Musepe Bolla
1 Hessa gisho, Xoossay xeegida geeshsha ishato, nu ammanon Godaa gidi xeegiya hawaariyanne kahine halaqaa Yesuusa be7ite. 2 Musey Xoossaa Keetha ubban ammanetidaysada Yesuusika bana doorida Xoossaas ammanetidaysa. 3 Keethe keexeysi keethafe aadhidi boncheteysada Yesuusi Musepe aadhiya boncho ekanaw bessees. 4 Issi issi keethaa keexida asi de7ees, shin ubbaa giigisiday Xoossaa. 5 Musey Xoossaa Keetha ubban ammanetida aylle gididi, Xoossay sinthafe gaanabas marka gidis. 6 Shin Kiristoosi xoossa keethan na7ada ammanetidaysa. Nuuni ekana gidi naagiya ufaysaa minthidi naagiko Xoossaa keethi gidoos.
Xoossa Asas De7iya Shempo
7 Hessa gisho, Geeshsha Ayyaanay geysada,
“Hachi hinte Xoossay geysa si7iya wode,
8 mela biittan paaciya gallas,
hinte aawati makallidaysada,
hinte wozanaa minthofite.
9 Hinte aawati tana paacidosona;
oytamu laythi ta oosuwa be7idosona.
10 Hessa gisho, ta he yeletethaa hanqetada,
‘Enti ubba wode banta wozanan baloosona;
ta ogiya eribookona’ yaagas.
11 Hessa gisho, taani ta hanquwan caaqada,
‘Ta shempo bessaa ubbaka gelokona’ yaagas”Maz 95:7-11.
yaagees.
12 Ta ishato, hintefe oodenka, de7o Xoossaafe hintena shaakiya iitanne ammanonna wozani doonna mela naagetite. 13 Hintefe oonaka nagari balethin, ba wozanaa minthonna mela “Hachi” yaagetidi xeegetishin gallas gallas issoy issuwara zoretite. 14 Nu koyro ammanuwa nuuni wursethi gakanaw minthidi naagiko, Kiristoosara issife laattana. 15 Geeshsha Maxaafan,
“Hachi Xoossay geysa hinte si7iya wode,
he wode enti makallatethan hanidaysada,
hinte wozanaa minthofite”
yaagis.Maz 95:7-8.
16 Xoossay giyaba si7idi makalliday oonee? Musey Gibxefe kaalethi kessida ubbaa gidokonaayee?Taybo 14:1-35. 17 Xoossay oytamu laythi oona hanqetidee? Nagara oothidaysatanne enta ahay mela biittan wodhi attida asata gidokonaayee? 18 Qassi Xoossay, “Ta shempo bessaa geleketa” yaagidi caaqiday, iyaw kiitetonna ixida asaape attishin, oodesee? 19 Hiza, enti he shempo bessaa gelonna attiday ammanibona gisho, gideysa nu be7oos.