2
Gita Anjo
1 Hessa gisho, nuuni si7ida tumaape haraso eketonna mela he si7idaysa minthidi naaganaw bessees. 2 Hiza, kiitanchota baggara odetida qaalay tuma gidiko, iya naaqoynne kiitetonna ixoy pirda ehiyaba gidiko, 3 yaatin, nuuni haysa mela gita atotetha ixas giiko, waanidi attanee? Koyro Goday ba huuphen he atotetha odis; qassi iyape si7idaysati nuus geeshshidi markatidosona. 4 Qassi Xoossay malaatatan, oorathabatan, dumma dumma mallataninne ba sheniyada immida Geeshsha Ayyaana imotatan markatethaa minthis.
Yesuusi Ase Gidis
5 Xoossay ha nuuni odiya sinthafe yaana alamiya, kiitanchotas haarisibeenna. 6 Geeshsha Maxaafay issi bessan haysada yaagees:
“Neeni asas qopanaw asi aybee?
Woyko neeni iya naaganaw I aybee?Maz 8:4-6.
7 Ne iya kiitanchotape guutha wodes guuthadasa;
Iya huuphen bonchonne saba kallacha wothadasa.
8 Qassi ubbaba iya tohuwape garsan wothadasa”
yaagees. Xoossay ubbaba iyaw haarisiya wode iyaw haaretiboonabay aybika baawa. Shin ha77i ubbabay iyaw haaretishin nuuni be7ibooko. 9 Shin nuuni kiitanchotape guuthara guuxida Yesuusa be7oos. Xoossaa aadho keehatetha gaason Yesuusi asa ubbaas hayqis. I waaye hayqo hayqida gisho, bonchonne saba kallacha iya huuphen wothis. 10 Ubbabay iyawunne iya gaason medhetida Xoossay, daro nayta baara bonchisanaw enta atotetha huuphiya, Yesuusa waayen polo oothanaw iyaw bessees.
11 Yesuusinne he I geeshshida asa ubbay issi aawa nayta. Yesuusi enta, “Ta ishata” gidi xeeganaw yeellatonnay hessasa. 12 Yesuusi,
“Taani ne sunthaa ta ishatas awaajana;
deriya shiiquwan nena galatana”
yaagees.Maz 22:22. 13 Qassi I, “Taani ta ammanuwa iya bolla wothana” Qassika, “Xoossay taw immida naytara ta haysan de7ayis” yaagees.Isa 8:17-18.
14 Nayti ashoynne suuthi de7eyisata gidiya gisho, Yesuusika entada ase gidis. I hessa oothiday, hayqo bolla wolqi de7iya Xalahiya ba hayquwan dhaysanaasa. 15 Qassi banta de7o laytha ubban hayqo yashshan aylletidi de7eyisata aylletethaafe wozanaasa.
16 Tuma Yesuusi yiday Abrahaame koche maaddanaasafe attishin, kiitanchota maaddanaasa gidenna.Isa 41:8-9. 17 Asaa nagaray atto geetetana mela Xoossaa sinthan maariyanne ammanetida kahine halaqa gidis. Hessa gisho, I ubbaban ba ishata daananaw bessees. 18 I ba huuphen paacen waayetida gisho paaceteyisata maaddanaw danda7ees.