1 Kawoy Ooziyani hayqida laythi Goday dhoqa araataninne boncho bessan uttidaysa be7as; iya ma7oy Xoossa keethaa kumis.2 Kawo 15:7; 2 Taari 26:23. 2 Surafeela geetetiya kiitanchoti iyape bollara de7oosona; issi issi kiitanchuwas usupun qefeti de7oosona; nam7u qefetan ba som7uwa kammees; nam7u qefetan ba tohuwa kammees; nam7u qefetan piradhees. 3 Enti issoy issuwako, “Geeshshay, geeshshay, geeshshay, Ubbaafe Wolqaama Godaa! Sa7a ubbay iya bonchuwan kumis”Qon 4:8. yaagosona. 4 Enta girsa waasuwa gaason Xoossa keethaa baasoy qaaxis; Xoossa keethay cuyan kumis.Qon 15:8.

5 Yaatin, “Taani mettershay tunida asaa giddon de7ayis; ta mettershayka tuna. Taani Kawa, Ubbaafe Wolqaama Godaa ta ayfen be7ida gisho, tana ayye! Ta dhayas!” yaagas.

6 He kiitanchotape issoy yarsho bessaafe bonqo tama qaphera ekidi piradhishe taako yis. 7 Bonqo taman ta mettersha bochidi, “Heko; ha bonqo tamay ne mettershay bochida gisho ne naaqoy neepe kichis; ne nagaray atto geetetis” yaagis.

8 Hessafe guye Goday, “Oona kiitto? Nuus oone baanay?” yaagishin si7as. Taani, “Heko, tana kiitta, taani baana” yaagas.

9 Goday taako, “Bada ha asaa, ‘Hinte sissi si7eeta, shin akeekeketa; hinte xeelleta, shin demmeketa’ ” yaagada oda. 10 Kaallidika, “Ha asaa wozanaa muumisa; enta haythaa tullisa; enta ayfiya gooza. Hessi hanonna ixiko, enti banta ayfiyan be7idi, banta haythan si7idi, banta wozanan akeekidi, taako simmana; zaaridi paxana”Maato 13:14-15; Mar 4:12; Luqa 8:10; Yoha 12:40; Hawa 28:26-27. yaagis.

11 Taani, “Abeeti Godaw, hessi hananay awude gakanaasee?” yaagas.

I zaaridi, “Katamati laaletana gakanaw, keethati kaysa gidana gakanaw, biittay polo dogetana gakanaw; 12 asaa haaho bessi yeddana gakanawunne biittay asi bayna mela biitta gidana gakanaasa. 13 Tammu asaape issi asi biitta bolla attiko, ika dhayana. Qanxin attida wolanne caca duruma mela gidana; he durumay geeshsha koche gidana” yaagis.