1 Ooziyana na7ay Iyo7atama na7ay Akaazi, Yihudan kawotida wode Araame kawoy Razininne Isra7eele kawoy Ramala na7ay Faaquhey Yerusalaame olanaw yidosona; shin xoonanaw danda7ibookona.2 Kawo 16:5; 2 Taari 28:5-6.

2 Araame biittay Efreema biittara issife olas caaqidaysa Yihuda kawoy si7ida wode, woran de7iya mithaa carkoy qaatheysada, Akaaza wozanaynne asaa wozanay dagaman qaaxis.

3 Goday Isayaasako, “Neeranne ne na7aa Sheer-Yasuubara*Sheer-Yasuuba: Ha sunthaa birshethay “Guuthati simmana” guussu (Isa 10:20-22). Akaazara gahetanaw biite; hinte iya ma7o meecciya goshshaako efiya ogiya matan qommo baggan de7iya haatha olaa wursethan hinte iya demmana. 4 Iyaw haysada yaagada oda; ‘Naageta; wopu ga; yayyofa. Ha nam7u kawoti tamape attidi cuyaa duruma mela gidiya gisho, Araame kawa Razinanne Ramala na7aa hanquwas yayyofa; ne wozanay dagammofo.’ 5 Araame biittay, Efreema asaaranne Ramala na7aara ne bolla iitabaa maqetidosona.” 6 Enti “Ane Yihuda olidi oykoos; iya mentherethidi nu giddon shaaki ekidi, Xabeela na7aa kawothana yaagosona” yaaga.

7 Gidoshin, Ubbaa Haariya Goday, “Ha enta maqoy minnenna; enta zoretay poletenna. 8 Damasqoy Araame huuphe; kawoy Razini Damasqo huuphe. Usupun tammanne ichashu laytha giddon Efreemi laaletidi kawotethi gidonna attana. 9 Efreema huuphey Samaariya; Ramala na7ay, Faaquhey Samaariya huuphe. Hinte, hinte ammanuwan minnonna ixiko, eqanaw danda7eketa” yaagees.

10 Qassika Goday Akaazako, 11 “Bolla saluwape woyko garsa sa7aape Goday, ne Xoossay new issi malla immana mela oycha” yaagis. 12 Shin Akaazi, “Oychike; oychada Godaa paacike” yaagis.

13 Yaatin, Isayaasi, “Hinteno, Dawita soo asaw, si7ite! Hinte asa danda7a paaceysi ay guuxin, qassi ta Xoossa danda7a paacetii? 14 Hessa gisho, Goday ba huuphen hintew malla immana; geela7iya qanthatada adde na7a yelana; iya sunthaaka Amanu7eela†Amanu7eela: Ha sunthaa birshethay “Xoossay nuura de7ees” guussu. gada xeegana.Maato 1:23. 15 I, iitaa ixonne lo77o dooro eriya wode meqa maathinne oysi maana. 16 Shin na7ay iita ixonne lo77uwa dooro eranaape sinthe, neeni yayiya nam7u kawota biittati baysatana. 17 Efreemi Yihudape shaaketoosape doomin haniboonna meto wode Goday ne bolla, ne asaa bollanne ne aawa soo asaa bolla ehana; I ehanayka Asoore kawa” yaagis.

18 He gallas Goday, haaho shaafa gaxan de7iya Gibxe udunxetanne Asoore mathata suyqidi xeegana. 19 Yaatin, enti ubbay yidi, mela biitta zangaaran, shucha gongolon, agunthi de7iya buureninne haatha ollatan uttana.

20 He gallas Goday Efraxiisa shaafa hefintha baggafe garxida shiggiriyan, Asoore kawan, hinte huuphiya buluusana; hinte ikisiyanne hinte buuchaa meedana.

21 He gallas issi asas issi miizinne nam7u deesha xalaali attana. 22 Gidoshin, enta maathay daro gidiya gisho I meqa maathi ustana; he biittan attida asa ubbay meqa maathinne eessi maana.

23 He gallas issi mukulu biran washetiya mukulu woyne tohoti de7iya bessa ubban kinchoteynne agunthi dolana. 24 Biitta ubban kinchoteynne agunthi kumida gisho, asay yaa biya wode donge oykidi baana. 25 Kase konten oothida zumatan ha77i kinchoteynne agunthi kumida gisho yayyidi, issi asika yaa beenna. Shin meheynne dorsi heemetiya bessi gidana.