1 Hessafe guye, issi issi Farsaawetinne higge astamaareti Yerusalaamepe Yesuusako yidi, 2 “Ne tamaareti ayis nu aawata wogaa menthona? Enti kathi maanape sinthe banta kushiya meecetokona” yaagidi oychidosona.

3 Yesuusi zaaridi, “Hinte, hinte wogaa gisho, Xoossaa kiitaa poleysa ayis ixeetii? 4 Ayis giiko, Xoossay, ‘Ne aawanne ne aayiw boncha. I ba aawa woyko ba aayiw cayeysi hayqo gibeennee?’ yaagis.Kessa 20:12; Zaare 5:16; Kessa 21:17; Leewe 20:9. 5 Shin hinte, issi asi ba aawa woyko ba aayiw maaddanabay de7ishin, ‘Haysa ta Xoossas yarshas giiko, 6 ba aawa woyko ba aayiw bonchanaw bessenna’ yaageeta. Yaatidi hinte, hinte wogaa polanaw Xoossaa qaala mentheta. 7 Hinteno, cubboto, Isayaasi hintebaa like odis,

10 Yesuusi daro asaa baako xeegidi, “Si7ite! Akeekite! 11 Ase tunisiyabay doonara geliyaba gidonashin doonape keyaaba” yaagis.

12 Hessafe guye, Yesuusa tamaareti iyako yidi, “Farsaaweti neeni gidaysa si7idi dhubetidaysa akeekay?” yaagidosona.

13 Shin Yesuusi zaaridi, “Salon de7iya ta aaway tokiboonna mithi ubbay shodetana. 14 Entaba Hirgofite; enti qooqe kaalethiya qooqeta. Qooqey qooqe kaalethiko, nam7ayka ollan kundana” yaagis.Luqa 6:39.

15 Phexroosi zaaridi, “Ha leemisuwa birshethaa nuus odarkii” yaagis.

16 Yesuusi entako, “Hintewuka ha77i gakanaw gelibeennee? 17 Doonara geliyaba ubbay ulo gelidi kare keyeysa ereketii? 18 Shin doonara keyaabay wozanape keyees. Ase tunisiyabati hessata.Maato 12:34. 19 Entika:- asa wozana giddofe keyiya iita qofa, wodho, laymatethi, iita ooso, kayso, wordo markatethi, cashshe. 20 Hessa daaniyabati ase tuniseesipe attishin, meecetonna kushera meysi tunisenna” yaagis.

21 Hessafe guye, Yesuusi yaape keyidi Xiroosanne Sidoona katamati de7iya biitta bis. 22 Issi Kanaane biitta maccas Yesuusako yada, ba qaala dhoqu oothada, “Godaw, Dawita na7aw, taw qadhetarki; ta na7iw tuna ayyaanay oykidi iita waaysees” yaagasu.

23 Shin Yesuusi issi qaalaka zaaronna si77i gis. Yesuusa tamaareti iyako yidi, “Ha maccasiya nu geedo kaalla kaallada, woossawusu. Hessa gisho, neeni iyo moyzarki” yaagidi woossidosona.

24 Yesuusi zaaridi, “Taani wudepe dhayida dorsada Isra7eele keethaafe dhayida asata xalaalas kiitetas” yaagis.

25 Shin iya, iya sinthan kundada, “Godaw, tana maaddarkii?” yaagasu.

26 I zaaridi, “Nayta kathi ekidi kanatas yeggeysi lo77o gidenna” yaagis.

27 Maccasiyaka, “Godaw, hessi tuma, shin hari attoshin kanati banta godati mishin, gaytape wodhiya tiifiya moosona” yaagasu.

28 Yesuusi zaaridi, “Ha maccasete, ne ammanoy gita; ne koydaysada new hano” yaagis. I na7iya iiraka paxa aggasu.

29 Yesuusi yaape dendidi Galila Abbaa mati bis. Issi zuma bolla keyidi, yan uttis. 30 Daro asay bantara, wobbeta, qooqeta, kuunata, doona muumetanne, hara daro harganchota ekidi, iyako ehidi iya sinthan wothidosona. Yesuusi entana pathis. 31 Hessa gisho, muumeti odetishin, kuunati piddi gishin, wobbeti hemetishin, qooqeti xeellishin asay be7idi malaaletidi, Isra7eele Xoossaa galatidosona.

32 Yesuusi ba tamaareta baako xeegidi, “Ha daro asay taara heedzu gallas gam7ida gishonne entaw ha77i miyabay bayna gisho taani entaw qadhetayis. Enti ogen daaburidi kundonna mela ayko muzonna enta mela yeddanaw koyke” yaagis.

33 Iya tamaareti zaaridi, “Nuuni ha bazzuwan haysa keena asaas gidiya kathi awupe demmanee?” yaagidosona.

34 Yesuusi entako, “Hintew aapun uythi de7ii?” yaagidi oychis.

Enti zaaridi, “Laapun uythinne laafa molotape guuthi de7ees” yaagidosona.

35 Yesuusi deriya sa7an uttite yaagidi kiittis. 36 Hessafe guye, he laapun uythaanne moluwa ekidi Xoossaa galatis. Menthidi ba tamaaretas immis. Iya tamaareti daro asaas gishidosona.

37 Asa ubbay midi kallidosona. Iya tamaareti, mishin attida tiifiya laapun gita gayta kumethi denthidosona. 38 Mida asay maccasinne na7a paydonna adde xalaali oyddu mukulu. 39 Yesuusi deriya yeddidaape guye wogoluwan gelidi Magedoona biitta bis.