7
1 Gimbiya oosoy wurin, sanqayka gelis; pengiya naageysati, zammaretinne Leeweti banta oosuwa oykidosona. 2 Taani Yerusalaame katamaa aysiya maata ta ishaa Hananesinne miixa naageysata halaqaa Anaanas immas. Hanaani haratape aadhida tumanchonne Xoosse yayiya asi. 3 Taani entako, “Wonta away keyidi ho77ana gakanaw Yerusalaame gimbe pengeta dooyopite. Qassi omarsi naageysati banta oosuwa ongidi baanape sinthe pengeta minthi gordanaada oothite. Hessadaka, Yerusalaamen de7iya asaape dooridi baggati banta ooso bessan, harati qassi banta keethaa heeran naagana mela oothite” yaagas.
Di7ope Simmida Asaa Sunthu
4 He wode Yerusalaame katamay daro dalganne gita; shin iya giddon de7iya asaa tayboy daro guutha; qassi daro keethati buroo keexetibeenna. 5 Hessafe guye, asa kaaletheyisata, halaqatanne asa ubbaa shiishada enta soo asan asan mazgabana mela Xoossay tana qofisis. Di7etethaafe sinthe simmida asaa enta soo asan asan xaafetida maxaafaka demmas; he maxaafan xaafetiday haysa.
6 Babiloone kawoy Nabukadanaxoori di7idi, ba biitta efida asape guye banta katamaa Yerusalaamenne Yihudan de7iya banta katamata simmida asay haysafe kaallidi de7eyisata. 7 Enta halaqati Zarubaabela, Iyyasu, Nahime, Azaara, Rama, Nahamane, Mardikiyoosa, Bilshana, Mispereta, Bigiwaya, Nahumanne Baana.
Di7ope simmida Isra7eele asaa tayboy haysa;
8 Paroosa yarati 2,172;
9 Safaaxa yarati 372;
10 Era yarati 652;
11 Iyyasunne Iyo7aaba koche gidida Pahati-Moo7aba yarati 2,818;
12 Elama yarati 1,254;
13 Zaatu yarati 845;
14 Zakaya yarati 760;
15 Binuya yarati 648;
16 Bebaya yarati 628;
17 Azgada yarati 2,322;
18 Adonqaama yarati 667;
19 Bigiwaya yarati 2,067
20 Adina yarati 655;
21 Hizqiyaasa yara gidida Axeera yarati 98;
22 Hashuma yarati 328;
23 Besaya yarati 324;
24 Harifa yarati 112;
25 Gaba7oona yarati 95;
26 Beetelemeninne Naxoofan de7iya asay 188;
27 Anatoota katamaa asay 128;
28 Beet-Azmootan de7iya asay 42;
29 Qiriyat-Ariman, Kafiraninne Ba7erootan de7iya asay 743;
30 Ramanne Gib7an de7iya asay 621;
31 Mikmaasan de7iya asay 122;
32 Beeteleninne Gayen de7iya asay 123;
33 Nam7antho Nabon de7iya asay 52;
34 Nam7antho Elama yarati 1,254;
35 Hariman de7iya asay 320;
36 Iyaarkon de7iya asay 345;
37 Loodan, Hadidaninne Onon de7iya asay 721;
38 Sana7an de7iya asay 3,930.
39 Haysafe kaallidi de7eysati di7etethaafe simmida kahineta.
Iyyasu yara gidida Yadaya yarati 973;
40 Imera yarati 1,052;
41 Paskora yarati 1,247;
42 Harima yarati 1,017.
43 Haysafe kaallidi de7eysati di7etethaafe simmida Leeweta;
Hodawa yara gidiya Iyyasunne Qadimi7eela yarati 74;
44 Asaafa yara gidida zammaareti 148;
45 Pengiya naagiya
Saluma, Axeera, Talmoona, Aquba, Hatitanne Shobaya yarati 138.
46 Haysafe kaallidi de7eysati Xoossa keethan oothiya oosanchota yarata;
Xiha yarata, Hasufa yarata, Xaba7oota yarata, 47 Keroosa yarata, Sii7a yarata, Padoona yarata, 48 Libana yarata, Hagaba yarata, Samala yarata, 49 Hanana yarata, Gidela yarata, Gahaara yarata, 50 Raya yarata, Raxina yarata, Naqooda yarata, 51 Gazama yarata, Oza yarata, Paasa yarata, 52 Besaya yarata, Ma7unima yarata, Nafusesima yarata, 53 Baqibuuqa yarata, Haqufa yarata, Harhura yarata, 54 Baasilota yarata, Mahida yarata, Harsha yarata, 55 Barqoosa yarata, Sisaara yarata, Teema yarata, 56 Nasiya yaratanne Haxifa yarata.
57 Haysafe kaallidi de7eysati Solomone aylleta yarata;
Soxaya yarata, Sofeereta yarata, Parida yarata, 58 Ya7ila yarata, Darqoona yarata, Gidela yarata, 59 Safaaxa yarata, Haxila yarata, Pokereet-Haxabayma yaratanne Amoone yarata.
60 Di7etethaafe simmida Xoossa keethan ootheysatinne solomone aylleta tayboy 392.
61 Talmela, Telharsha, Karuba, Adaananne Imera katamatape Yerusalaame simmidosona. Shin enti woyko enta aawati Isra7eele sheeshi gideysa erisanaw danda7ibookona. 62 Enti Dalaya, Xoobbiyanne Naqooda yarata; enta tayboy 642.
63 Kahinetape Hobaya yarati, Haqooxa yaratinne Barzile yarati Yerusalaame simmidosona. Barzile geysi Galada biitta asi gidida Barzile na7iw ekidi, ba bolluwa sunthaa ekis. 64 Enti banta yeletaa susa eranaw yeleta maxaafan koydosona, shin demmibookona. Hessa gisho, enti tunada taybetidi kahinetethan oothonna mela digetidosona. 65 Uriimeninne Tumiimen shaakidi pirdiya kahiney dendana gakanaw enti geeshsha kathaafe maanaw danda7onnaysa Yihuda haareysi entaw odis.
66-67 Di7etethaafe Yihuda biitta simmida 7,337 addenne macca aylleta gujonna de7ishin, kumetha asaa tayboy 42,360. Qassi entara 245 addenne macca zammaareti simmidosona. 68 Parata tayboy 736; baqulota tayboy 245; 69 gimaleta tayboy 435; hareta tayboy 6,720.
70 Yarata halaqatape guuthati oosuwas imota immidosona. Biittaa haareysi 8 kilo giraame worqa, 50 distenne 530 kahine ma7ota immis. 71 Yarata halaqati 168 kilo giraame worqanne 1,250 kilo giraame bira immidosona. 72 Attida asay 168 kilo giraame worqa, 140 kilo giraame biranne 67 kahine ma7ota immidosona.
73 Hessafe guye kahineti, Leeweti, naageysati, zammaareti, asaape issoti issoti, Xoossa keetha oosanchotinne hara Isra7eele asay banta kataman kataman uttidosona.