54
Xoossay Ta Shempuwa Naagees
Dawiti Zammaareta Halaqaas Diithan Yexida Akeeka Ginxo
Ziifa asati Saa7olako bidi, “Dawiti nu biittan qosetis” yaagidi odin, Dawiti xaafida mazmure
1 Abeeti Xoossaw, ne sunthan tana ashsha;
ne wolqan taw pirda.
2 Abeeti Xoossaw, ta woosa si7a;
ta doona qaala hayza.
3 Allaga asati ta bolla dendidosona;
daganthiya asati tana wodhanaw koyoosona;
enti Xoossaa qopokona.
Salaha
4 Xoossay taw maade;
Goday taw zempo.
5 Abeeti Xoossaw, ta morketa iitatethaa enta bolla zaara;
ne tumatethaa gisho enta dhaysa.
6 Abeeti Godaw, taani ta dosan new yarshana;
ne keeha gidiya gisho ne sunthaa galatana.
7 Ne tana, ta meto ubbaafe ashshadasa;
ta morketa xoonetethaa ta ayfen be7as.