10
1 Ta ishato, ta kumetha wozanan ta amotteynne Xoosse woossey Isra7eeley attana melasa. 2 Enti Xoossaas mishetoosonashin, tuma eratethan mishetonnaysa ta markatayis. 3 Enti Xoossaa xillotethaa ogiya eronna ixidi, banta huuphe xillotethaa kaallidosonape attishin, Xoossaa xillotethaa koybookona. 4 Asi ubbay ammanon xillana mela Kiristoosi higgiya polis.
Atotethi Ubbaasa
5 Asi higge naagidi ekiya xillotethabaa Musey xaafishe, “Higge naagiya oonika he higgiya naagida mela de7ees”Leewe 18:5. yaagis. 6 Shin ammanon ekiya xillotethabaa geetetiday haysa: “Ne wozanan, ‘Ooni salo keyanee?’ yaagopa; hessi Kiristoosa wodhisanaasa.Zaare 30:12-14. 7 Woyko, ‘Duge sa7a garsi wodhanay oonee?’ goopa; hessi Kiristoosa duufope kessanaasa. 8 Shin yaagidi xaafetis: ‘Xoossaa qaalay ne matana; ne doonaninne ne wozanan de7ees’ Nuuni hintew odiya ammano qaalay haysa.
9 “Yesuusi Godaa” gada ne doonan markatikonne Xoossay iya hayqope denthidaysa ne wozanan ammaniko, ne attana. 10 Asi ba wozanan ammanidi xillees; ba doonan markatidi attees. 11 Geeshsha Maxaafay, “Iyan ammaniya oonika yeellatenna”Isa 28:16. yaagees. 12 Issi Xoossay ubbaa Godaa gidiya gisho, Ayhudeta giddoninne Ayhude gidonna asaa giddon dummatethi baawa. I bana xeegiya ubbaas daro keeha. 13 Geeshsha Maxaafay, “Godaa sunthaa xeegiya oonika attana”Iyyu 2:32. yaagees.
14 Yaatin, enti ammanonna de7ishe waanidi iya xeeganaw danda7onna? Enti iyabaa si7onna de7ishe waatidi iya ammananaw danda7onna? Qassi entaw qaala odiya asi bayna de7ishin, waanidi si7anaw danda7oona? 15 Kiitetida asi bayna de7ishin, qaalay waanidi odetanaw danda7ii? Geeshsha Maxaafan, “Ufaysa Wongela odiya asaa tohoti waanidi lo77oona!”Isa 52:7. yaagidi xaafetis.
16 Shin Isayaasi, “Godaw, nu markatethaa ooni ammanidee?”Isa 53:1. yaagidaysada, ubbay Wongela ammanibookona. 17 Hessa gisho, ammanoy sissafe yees; sissi Kiristoosa qaalape yees.
18 Gidoshin, Isra7eele asay qaala si7ibookona guusseyee? Akay, si7idosona. Geeshsha Maxaafan,
“Enta qaalay biitta ubban si7etis,
enta oday sa7aa gaxa gakis”Maz 19:4.
yaagetis. 19 Shin Isra7eele asay eribookona guusseyee? Musey kase,
“Taani hintena leqetida asan qiiroysana;
qassi eeya asan hintena yiloyana”Zaare 32:21. yaagis.
20 Qassi Isayaasi,
“Tana koyiboona asaas bentas;
tana oychiboona asaas qoncas”Isa 65:1.
yaagidi yayyonna odis.
21 Shin Isayaasi Isra7eeletaba odishe,
“Ubbaa gallas kiitetonna asaasinne
tana ixiya asaas ta kushiya miccas”Isa 65:2. yaagees.