1 Boo7ezi pude katama pengiya matan de7iya dabaaban keyidi uttis. I yan uttidashin kase I odida mata dabboy he bessa yin, Boo7ezi iyako, “La, ha shiiqada haysan utta” yaagis. Ika, shiiqidi uttis.

2 Boo7ezi he katama cimatape tammu asata dooridi, “Haysan uttite” yaagis. Entika uttidosona. 3 Boo7ezi ba mata dabbuwako “Moo7abe biittafe simmada yida Nuhaama, nu isha Abemeleke gadiya bayzana gawusu. 4 Hessa gisho, haysan uttida asa sinthaninne ta katama cimata sinthan, woza gada ta new odanaw qopas. Neepe hari maati bayna gisho neeni wozanaw koyiko woza; ixiko, neepe kaalliya maata dabboy tana gidiya gisho tana erisa” yaagis.

I “Taani wozana” yaagis.

5 Boo7ezi, “Nuhaamipenne Moo7abe Uruutipe gadiya ne shammiya gallas am7iw Uruutoka woza; yaatiko hayqidaysa sunthay iya laata gadiyan xeegetana” yaagis.

6 Ha mata dabboy, “Hessa gidiko, taani wozanaw danda7ike; ayis giiko, hessi ta buzo laata qohees. Hessa gisho, neeni woza, taani danda7ike” yaagis.

7 Beni wode Isra7eele biittan wozuwanne laata duuthanaw bayziya woyko laatisiya baggay ba caammaa tohuwape kessidi, hanko shammiya woyko laattiya baggaas immees. Isra7eele biittan zal7esinne laatas maaray haysa.

8 Hessa gisho, he mata dabboy Boo7ezako, “Neeni woza” gidi, ba caammaa tohuwape kessidi immis.

9 Yaatin, Boo7ezi cimatanne asa ubba, “Taani Abemelekes, Keliwoonasinne Mahiloonas de7iyaba ubba Nuhaamipe shammidaysas hachi hinte marka. 10 Qassi hayqidaysa sunthay enta soo asaa suntha giddofe woyko katama asaa taybuwape dhayonnaada iya suntha iya laata gadiyan xeegisanaw kase Mahiloona machiw Uruutoka taani wozeysas hachi hinte ubbay marka” yaagis.

11 Katama pengiya dabaaban de7iya cimatinne asa ubbay, “Ee, haysas nuuni marka! Goday hanno ne ekiya maccasiw, Isra7eele asa mayza aayeta gidida Raheelidanne Liyada ootho. Neenika Efraatan dure gida, ne sunthay Beetelemen ereto. 12 Ne keethay, Goday, ha na7atetha maccaseepe new immiya zerethan Timaara Yihudas yelida Faaresa keethada ootho” yaagis.

13 Hessadaka oothidi, Boo7ezi Uruuto ekis iyaka iyaw macho gidasu. Goday iyo qanthatana mela oothin adde na7a yelasu. 14 Maccasati Nuhaamo, “Hachi nena heemmana asi dhaysiboonna Goday galatetto! Iya sunthay Isra7eelen dhoqu go! 15 Iyan new sa7i simmana, ne cimiya wode I nena heemmana. Ayis giiko, laapun adde naytapeka aathada nena siiqiyaranne new keehiyara, ne na7a machiya new na7a yelasu” yaagidosona.

16 Nuhaama na7aa idimmasu; loytha dichasu. 17 I shooro maccasati, “Nuhaamis adde na7i yeletis” yaagidi iya sunthaaka Yoobeda gidoosona. Yoobedi Dawita aawa Isseye yelidaysa.

18 Faaresa yeletethay haysafe kaallidi xaafetidaysa;