1 चौदा साल का बाद मे बरनबास का साथ फिर यरुशलेम खे गयो, अरु तीतुस खे भी साथ ली गयो. 2 मी यो गयो, अरु मे ने गैरयहूदीहोन का बीच मे जो सुसमाचार को प्रचार करस हइ ओका सुसमाचार खे मे ने एक नीजी सभा क बीच मंडली का मुखीया खे सुनायो मी येका लिये गयो थो कि परमेश्वर ने मेखे दर्शयो थो कि मेखे यो जानो चास ताकि जो काम मे ने दुसरा दिन कऱ्यो थो जो मी अभी भी करी रोस हइ बेकार नी जाये. 3 पन तीतुस खे भी जो मरा सहयोगी हइ अरु जो यूनानी हइ, खतनो करणा का लिये विकुल नी कऱ्यो गयो. 4 यो उ झुठो भैइ का कारण हुयो जो चोरी से घुसी आयो थो की उ स्वतंत्रता को जो मसीह यीशु मे हम खे मील्यो हइ, भेद लिखे हम खे दास बनाये. 5 एक घडी भर का लिये भी हम ने उनको अधीन होनु स्वीकार नी कऱ्यो, येका लिये सुसमाचार की सच्चीचाइ तुम मे बनी ऱ्हेस.

6 फिर जो दुन्या महत्व पुर्ण लगस हइ यो चाये जो भी हुये, मेके येका से कुछ काम नी पडस परमेश्वर कोय को बाहरी रुप देख कोय न्याय नी करस ओकासे जो अपना पान को महत्व पुर्ण दुन्या था का मे खे ओमे कुछ भी फायदो नी हुयो. 7 पन येका विपरीत ओने देख्यो की जसो खतना कऱ्यो हुया दुन्या का लिये सुसमाचार को काम पतरस खे सोपी गयो, वसो ही गैरयहूदिहोन का लिये मे सुसमाचार सुनानो सोपी गयो. 8 क्युकी जेने पतरस से खतना कऱ्यो हुयो मे प्रेरिताइ कार्य बडो प्रभाव शाहीत करवायो, ओ ने मरा से भी गैरयहूदीहोन मे शक्तीशाली कर्य कऱ्यो 9 अरु जब ओने उ अनुग्रह खे जो मेखे मील्यो थो जानी लियो, ते याकूब, अरु कैफा, अरु यहून्ना ने जो मंडली का खम्भा समझी जाता था, मेखे अरु बरनबास का संगती को डाखोऱ्यो हात दियो की हम गैरयहूदीहोन का पास जास अरु वे खतना कऱ्यो हुया दुन्याहोन का पास; 10 फक्त यो बोलो की हम गरीबहोन कि याद ली, अरु यो काम खे कारन को मी खुद भी यत्न करी रो हइ.

11 पर जब कैफा पतरस अन्ताकिया मे आयो ते मे ने ओका मुडा पर ओको सामनो कऱ्यो, क्युकी उ दोषी थो. 12 येका लिये की याकूब का वजेसे भेज्यो हुयो कुछ दुन्या ह्या आना से पैयले पतरस गैरयहूदिहोन विश्वासीहोन से दुर हुयो अरु उनका साथ खायो पियो करतो थो, पन जब वे दुन्या पोच्यो ते पतरस गैरयहूदिहोन विश्वासीहोन से दुर हुयो अरु उनका साथ खानो पिनो बन्द करी दियो यो ओने वे दुन्याहोन का डर से असो कऱ्यो जो चातो थो कि गैरयहूदीयाहोन को भी खतनो होनो चातो थो. 13 दुसरा यहूदीया दुन्या ने भी येका बताना मे भी पतरस खे साथ दियो ह्या तक भी यो पाखंड कारण बरनबास भी भटकी गयो. 14 पर जब मे ने देख्यो कि वे सुसमाचार की सच्चाइ पर सीधी चाल नी चली, ते मे ने सब का सामने कैफा से बोल्यो, “जब तू यहूदी हुइ खे गैरयहूदीहोन का जसो चलस हइ अरु यहूदीयाहोन का जसो नी ते तु गैरयहूदीयाहोन खे यहूदीयाहोन का जसो चलन खे क्यु बोलस हइ?”

15 हम तो जन्म से यहूदीया हइ, अरु पाप गैरयहूदीहोन मे से नी. 16 तेभी यो जानीखे की इन्सान व्यवस्थाकाम से नी, पर फक्त यीशु मसीह पर विश्वास करणा का वजेसे धर्मी ठहरानो हइ, हम ने खुद भी मसीह यीशु पर विश्वास कऱ्यो की हम व्यवस्था काम से नी पर मसीह पर विश्वास करणा से धर्मी रुख्यो. येका लिये कि व्यवस्था का काम से कोय जनवर धर्मी नी ठैरायो. 17 हम जो मसीह मे धर्मी ठहरनो चास हइ, अगर तु हि गैरयहूदीया जसो पापी निकल्यो ते का मसीह पाप को सेवक हइ? कभी नी! 18 क्युकी जो कुछ मे ने गिरय दियो अगर ओखे फिर बनास हुयो, ते अपना आप खे अपराधी ठहरास हइ. 19 क्युकी व्यवस्था का वजेसे मी मरी चुक्यो थो ताकी परमेश्वर का लिये जीयु मी मसीह का साथ क्रुस पर चेडी गयो हइ. 20 अब मी मसीह मे जिन्दो नी ऱ्हे, पर काम मसीह मरा मे जिन्दो हइ, अरु मी आंग मे अब जो जिन्दो हुयो ते फक्त उ विश्वास से जिन्दो हुयो जो परमेश्वर का बेटा पर हइ, जेने मरा से प्रेम कऱ्यो अरु मरा लिये अपना आप खे दि दीयो. 21 मी परमेश्वर को अनुग्रह नी ठुकरुस. पन अगर कोय व्यवस्था का वजेसे न्यायी ठैरायो जास ते ये को अर्थ यो हइ की मसीह को मरनो व्यर्थ होस.