1 सब चुगी लेनवाला अरु पापी दुन्या मसीह यीशु को जब कि वचन सुन्हे. 2 अरु फरीसी अरु नीयम शास्त्री खुसुर मसुर बोलन लग्या. यो तो पापीहोन से मीलस हइ अरु उनका सात खातो भी हइ. 3 तब यीशु ने उनका से यो दृष्‍टान्‍त बोल्यो:

4 “तुम मे से कोन हइ जोकी सौव मेडा होन.अरु ओमे से एक गमी जाह्ये ते नन्यानवे खे मैदान मे छोडीखे. वा गमी हुइ खे जब तक मीली नी जाह्ये ढुडते नी र्‍हिया? 5 अरु जब मीली जास ते बडी खुशी से ओखे खादा पर उठय लेस हइ. 6 अरु घर मे अयखे दोस्त अरु बाजुआला खे जमा करीखे बोलस हइ ‘मरा सात खुसी कर. क्युकी मरा गम्या आला मेडा मीली गयस हइ.’ 7 मी तुम खे बोलुस हय. कि या रिती से एक मन फिराव आलो न्यायी, बारे मे भी स्वर्ग मे येत्तोय खुशी हुये. जोतनाकी नव्यानव असो न्यायीहोन, बारे नी होतो. जिनने मन फिरान कि जरुरत नी.

8 “या कोन असी एक बय हुये. जेका पास दस चादी, दस सिक्काको हुये अरु ओमेसे एक गमी जाह्ये. ते व्हा दिवो जलय खे अरु घर झाडि झुडुप तक मीली नी जाह्ये. मन लगय खे ढुडती नी र्ही? 9 अरु जब मीली जास हइ. ते व्हा अपना दोस्तहोन अरु बाजु आलाहोन खे जमा करीखे बोलस हइ. कि ‘मरा सात खुशी कर. क्युकी मरो गम्यो आलो सिक्काको मीली गयोस हइ.’ 10 मी तुमसे बोलुस हय. कि या रीति से एक मन फिरानआलो पापी का बारे मे परमेश्वर को स्वर्गदूतहोन, सामने खुशी होस हइ.”

11 फिर ओने बोल्यो. कोय इन्सान, दो बेटा था. 12 उनमे से छोटा ने बाप से बोल्यो हे बाप. दौलत मे से भाग मरो हय. व्हा मेख दे दिदिह्ये. यीशु ने उनखे अपनी दौलत बाटी दी. 13 अरु भोत दिन नी बित्यो थो कि छोटो बेटो सब कुछ जमा करीखे एक दुर देस खे चली दियो अरु व्हा बुरोकरम मे अपनी दौलत उडय दी. 14 जब उ सब कुछ खर्चो करी चुक्यो. ते उ देस मे बडो एकलो हुयगयो. अरु उ गरीब हुय गो. 15 अरु उ देस का र्‍हेनाना मे से एक, ह्या गयो. यीशु ने उनका से अपना खेत मे डुक्कर चरान का लिये भेज्हे. 16 अरु उ चाहतो थो. कि वे फिल्लिहोन से जो डुक्कर खाता था अपनो पेट भर्‍हे. क्युकी ओखे कोय कुछ नी देतो थो. 17 जब व्हा अपना आप मे आयो. तब बोलन लग्या. मरा बाप का केतना य मजूरहोन खे खाना से जादा रोटी मीलस हइ. अरु मी ह्या भुको मरी रोस हय. 18 मी आब उठीखे बाप का पास जाह्यु अरु ओकासे बोल्यु कि बाप जो मे ने स्वर्ग का खीलाप अरु तरा नजर मे पाप कर्योस हइ. 19 आब यो योग्य नी र्‍हियो कि तरो बेटो बोल्यो. मेखे एक का जसो रखीले. 20 तब व्हा उठीखे. अपना बाप खे पास चला उ अभी दुर री थो. कि ओको बाप ने ओखे देखीखे दया खै. अरु भागीखे ओखे गल्ला से लगायो. अरु खुप प्पपी ली. 21 बेटा ने उकासे बोल्यो. दादा. मेने स्वर्ग का खीलाप मे अरु तरी नजर मे पाप कर्‍योस हइ. अरु आब यो योग्य नी र्‍हियो. कि तरो बेटो बोल्हे. 22 पन बाप ने अपना सेवक से बोल्यो. झल्दी से अच्छा कपडा पेनय खे नीकलीखे ओखे. अरु ओका हात मे मुद्दी. अरु पाय मे जुता पेनाव. 23 अरु बडो खानो तय्यार कर जब की हम खाया अरु खुसी मनाव. 24 क्युकी मरो यो बेटो मरी गयो थो. आब मीली गयो हइ. अरु वे खुशी मनान लगीगा.

25 पन ओको बडो बेटो खेत मे थो. अरु जब व्हा आते हुयो घर का नजीक पहुच्यो. ते ओने गानो बजानो अरु नाचन को अवाज सुन्यो. 26 अरु ओने एक सेवक खे बुलय खे पुच्छो. यो का हुय रोस हइ? 27 सेवक ने बडा भैइ बोल्यो. तरो भैइ आयोस हइ. अरु तरा बाप ने अच्छो खानो तैयार कऱ्यो हइ. क्युकी ओखे अच्छो अच्छो दिख्यो हइ. 28 यो सुनीखे उ घुस्सा से भरी गयो अरु अंदर जानो नी चायो पन ओको बाप बाहेर येखे ओखे मनान लग्यो. 29 ओने अपना बाप खे उत्तर दियो. देक. मी येतना साल से तरी सेवा करी रो थो. अरु कभी भी तरी आज्ञा नी टाली. फिर भी तोने मेखे कभी एक बकरी को बच्चो भी नी दियो. की मी अपना दोस्तहोन का सात खुशी करु. 30 पन जब तरो यो बेटो. जेने तरी पुरी दौलत वेश्याहोन मे लुटय दिये हइ. अरु उ घर मे आयो. ते ओका लिये तोने बडो खानो तैयार कऱ्यो हइ. 31 ओने ओकासे बोल्यो बेटा. तू हमेशा मरा सात हइ. अरु जो कुछ मरो हइ उ सब तरो हइ. 32 पन अभी खुशी करणो अरु मगन होनो चास क्युकी यो तरो भैइ मरी गयो थो फिर जिन्दो हुय गयो हइ. फिर उ गमी गयो थो. अभी मीली गयो.