ಪೌಲನು ತೆಸಲೊನಿಕದವರಿಗೆ ಬರೆದ ಎರಡನೆ ಪತ್ರಿಕೆ
ಪೌಲಾನಿ ತೆಸಲೊನಿಕಾನಾ ಲಿವ್‌ಲ್ಯಾಲ ದೊನ್ವ ಪತ್ರ
ವಳಕ್
ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೌಲಾನಿ ತೆಸಲೊನಿಕಾತ್ಲ್ಯಾನಾ ಲೀವ್‍ಲ್ಯಾಲ ದೊನ್ವ ಪತ್ರ1:1 1 ತೆಸಲೊನಿಕಾಲಾ ಲಿವಲ್ಯಾಲ್ಯಾ ಥೊಡ್ಯಾ ಯಳಾ ನಂತರ್ ಹ್ಯ ಪತ್ರ ಲಿವ್ಲ. ಯೇಸು ಕ್ರಿಸ್ತ್ ಜ಼ಲ್ಮನು 51 ವರ್ಸ ಜಾ಼ಲ್ಯಾ ನಂತರ್ ಹ್ಯ ಪತ್ರ ಲಿವ್ಲ. ಪೌಲಾನಿ ಹ್ಯ ಪತ್ರ ತೆಸಲೊನಿಕ್ ಸಬೆಲಾ ಲಿವ್ಲ ತವಾ ಪೌಲ್ ಕೊರಿಂತಾತ್ ಹುತ್ತಾ. ಪೌಲ್ ದೊನವ್ಯಾನಿ ಬರಿ ಖಬರ್ ಸಾಂಗಾಯಾ ಜಾ಼ತಾನಾ ಹಿ ಸಬಾ ಬ್ಯಾಂದ್ಲಿಹುತ್ತಿ ಅಪೊಸ್ತಲ್ 17:1-10 ಅಪೊಸ್ತಲಾಂಚ಼ ಪತ್ರ ಆಸ ಸಾಂಗ್ತ ಹೇ ಸಬೆತ್ ಥೊಡ ಯಹುದಿ ಆನಿ ಖುಬ್ ಗ್ರಿಕ್ ಹುತ್ತಿತ. ತೆಸಲೊನಿಕ್ ಸಬೆತ್ಲಿ ಸರ್ತ್ಯಾ ದಿಸಾಚೆ ಗುಸ್ಟಿತ್ ಆನಿ ಕ್ರಿಸ್ತಾಚಾ ದೊನವ್ಯಾ ಯನ್ಯಾಚೆ ಗುಸ್ಟಿತ್ ಕ್ಯಾಳ್ಜಿಚೆ ಗುಸ್ಟಿ ಯವಜ಼ಲ್ಯಾತಾ ಮನ್ಹುನ್ ಪೌಲಾನಿ ಹ್ಯಾ ದೊನವ್ಯಾ ಪತರ‍್ಯಾತ್ ಹ್ಯಚೆ ಗುಸ್ಟಿತ್ ಖುಬ್ ತೆಸಲೊನಿಕಾತ್ಲ್ಯಾನಾ ಲಿವ್‍ಲ್ಯಾ. ತೆಸಲೊನಿಕಾಚ಼ ಜ಼ವಜ಼ವಳ್ ಆರ್ದ್ಯಾ ಪುಸ್ತಕಾತ್ ಸರ್ತ್ಯಾ ದಿಸಾಚೆ ಗುಸ್ಟಿತ್ ಖುಬ್ ಲಿವ್‍ಲ್ಯಾ ಆನಿ ಆರ್ದ ಆಳಸೊಟ್ಯಾ ಫನಾಚೆ ಗುಸ್ಟಿತ್ ಹುಶಾರ್ಕಿ ದಿಲೆ ಸಗಳ್ಯಾಂಚಾನಿ ಆಪಲ್ಯಾ ಆಪಲ್ಯಾ ಆನಾಸಾಟಿ ಕಾಮ್ ಕರಾಯಾ ವ್ಹಯಿ ಮನ್ಹುನ್ ಹುಶಾರ್ಕಿ ದಿಲೆ 3:6-10
ಭಾಗ್
1. ಪೌಲಾನಿ ಹ್ಯಪತ್ರ ಆಪಲ್ಯಾಲಾ ಆನಿ ಸಂಗಚಾನಾ ವಳಕ್ ಕರುನ್ ದಿಯಿತ್ ಹ್ಯ ಸುರು ಕರ್ತೊ1:1-2
2. ಮಂಗ್ ತೆಸಲೊನಿಕಾ ಸಬೆಚಿ ಯಾದ್ ಕರುನ್ ದೇವಾಲಾ ದನ್ಯವಾದ್ ಸಾಂಗಿತ್ ತ್ಯಂಚಿಸಾಟಿ ಮಾಗ್ನ ಕರ್ತೊ 1:3-12
3. ಪೌಲಾನಿ ಸರ್ತ್ಯಾ ದಿಸಾಚೆ ಗುಸ್ಟಿತ್ ಸಾಂಗಲ್ಯಾ 2
ಮಂಗ್ ಆಳಸೊಟ್ಯಾ ಸ್ವಬಾವಾಚೆ ಆಡ್ವ ಆನಿ ಸಗ್‍ಳ್ಯಾಂಚಾನಿ ಕಾಮ್ ಕರಾಯಾ ವ್ಹಯಿ ಮನ್ಹುನ್ ಸಾಂಗ್ತೊ 3:1-15
4. ಪೌಲಾನಿ ಸಬೆಲಾ ಆನಿ ಯಂಗ್ದಾ ನಮಸ್ಕಾರ್ ಸಾಂಗಿತ್ ಹ್ಯ ಪತ್ರ ಸಪಿವ್ತೊ3:16-18
1
1 ಪೌಲ್ ಜಾ಼ಲ್ಯಾಲಾ ಮೀ ಹ್ಯ ಪತ್ರ ಲಿವ್‌ತ್ಯೊ ಮಾಜಿ ಸಂಗ ಸಿಲ್ವಾನ್ ತಿಮೊಥೆ ಹಾತ್ತ. ಬಾ ದೇವಾಪ ಆನಿ ಪ್ರಬು ಕ್ರಿಸ್ತ ಯೆಸುಪ ರಾಥ್ಯಾಲೆ ಥೆಸಲೊನಿಕಾಚಾ ಮೆಳ್ಯಾತ್‌ಲ್ಯಾ ಲೊಕಾನಾ,
2 ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿಬಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.
ಕ್ರಿಸ್ತ ಆಲಾಕಿ ವ್ಹನಾರಾ ನ್ಯಾಯಿ
3 ಆಮ್ಚಾ ಬನ್ಹಿ ಬಾವ್ಹಾನು, ಆಮಿ ಖಾಯಿಮ್ ತುಮ್ಚೆ ಗುಶ್ಟಿತ್ ದೇವಾಲಾ ದನ್ಯವಾದ್ ಸಾಂಗ್ತಾವ್. ತಸ ಕರಾಯಾಸ್ ವ್ಹಯಿ; ಕಾಮಂಜೆ ತುಮಚಾ಼ ಇಸ್ವಾಸ್ ಆನಿ ಮಾಯಾ ಯಕಾಮಕಾವ ಖುಬ್ ವಾಡ್ತಿ. 4 ಆಸ ಆಸ್ಥಾನಾ ತುಮಾನಾ ಆಸ್‌ಲ್ಯಾಲಾ ಸಗ್ಳಾ ತರಾಸ್ ತುಮಿ ಖಾತ್ಯಾಲ ಕಸ್ಟ ದಿಸುನ್ ಆಲ್ಯಾಲ ತುಮಚ಼ ಥಂಡ್ಫನ್ ಇಸ್ವಾಸ್ ಯಾದ್ ಕರುನ್ ತುಮ್ಚೆ ಗುಶ್ಟಿತ್ ಆಮಿಸ್ ದೇವಾಚಾ ಮೇಳ್ಯಾತ್ ಮರೆದಿನಿ ಸಾಂಗ್ತಾವ್.
5 ದೇವ್ ನ್ಯಾಯಿ ನಿವಡ್‌ತ್ಯಾಲಾ ಶಾರ್ಕ ಹಾ ಮನ್ಹುನ್ ದಾವುನ್ ದೆತ. ಆನಿ ಹ್ಯಚಾ ಪ್ಯಾಯ್‌ದ್ಯಾಸಾಟಿ ಕಚಾಸಾಟಿ ತುಮಿ ಕಶ್ಟ ಖಾತಾಸಾ ತ್ಯಾ ರಾಜಾಲಾ ತುಮಿ ಚಾ಼ಂಗ್ಲಿ ಹಾಸಾ. 6 ದೇವ್ ಲೆಖ್ಯಾತ್ ಆಸ್‌ಲ್ಯಾಲ ಕರ್ತೊ ತುಮಾನಾ ಕೊನ್ ತರಾಸ್ ದೆತೊ ತ್ಯನಾ ದೇವ್ ಪರ್ತುನ್ ತರಾಸ್ ದೆತೊ. ತ್ಯೊ ನಿಂದಾ ಕರ್ತ್ಯಾಲ್ಯಾನಾ ನಿಂದಾ ಕರ್ತೊ, 7 ಆನಿ ತ್ಯೊ ತರಾಸ್ ಅನ್ಭವಸ್‌ತ್ಯಾಲ್ಯಾ ಆಮಾನಾ ಆನಿ ತುಮಾನಾ ತ್ಯೊ ಪರಿಹಾರ್ ದೆತೊ. ಹ್ಯ ತ್ಯೊ ಪ್ರಭು ಜಾ಼ಲ್ಯಾಲಾ ಕ್ರಿಸ್ತ ಯೇಸು ಮೊಟ್ಯಾ ದೆವ ದುತಾ ಸಂಗ ಸ್ವರ್ಗಾತ್ನಿ ದಿಸ್ಥಾನಾ ಕರ್ನಾರ್. 8 ತ್ಯೊ ಇಸ್‌ಥ್ಯಾಚೆ ಜೊ಼ತಿ ಸಂಗ ಕೊನ್ ದೇವಾಲಾ ನಕ್ವಾಟ್ ಕರ್ತೊ ಆನಿ ಆಮ್ಚಾ ಪ್ರಭು ಯೇಸುಚೆ ಬರೆ ಖಬರಿಚೆಗತ್ ಚಾ಼ಲತ್ ನಸ್‌ಲ್ಯಾಲ್ಯಾನಾ ಸಿಕ್ಷಾ ದಿಯಾ ಯತೊ. 9 ಪ್ರಭುಚೆ ಮೊರ್ನಿ ಆನಿ ಆಪ್ಲೆ ಮೊಟೆ ಮೈಮೆನಿ ದೇವ್ ತ್ಯನಾ ಯಗಳುನ್ ಖಾಯಿಮ್ಚಾ ನಾಶಾತ್ ಗ್ಯಾಲ್ಥೊ. 10 ಕವಾ ತ್ಯನಿ ತ್ಯಾ ದಿಸಾ ದಿಸಿ ಆಪ್‌ಲ್ಯಾ ಲೊಕಾಂಚಿಪ್ನಿ ಮೈಮೆ ಆನಿ ಇಸ್ವಾಸಾತ್ ಆಸ್‌ಲ್ಯಾಲ್ಯಾ ಸಗ್‌ಳ್ಯಾಂಚಿಪ್ನಿ ಮರ‍್ಯಾದ್ ಗಿಹ್ಯಾ ಯತೊ. ತ್ಯಾ ಲೊಕಾಂಚೆ ಮದ್ದಿ ತುಮಿಬಿ ರಾನ್ಹಾರ್, ಕಾ ಮಂಜೆ ಆಮಿ ತುಮಾನಾ ಸಾಂಗ್‌ಲ್ಯಾಲೆ ಖಬರಿವ ತುಮಿ ಇಸ್ವಾಸ್ ಥೆವ್ಲಾಸಾ. 11 ತ್ಯಾಸ್ ಕಾರ್ನಾನಿ ಕವಾಬಿ ತುಮ್ಚಿಪ ಮಾಗ್ನ ಕರ್ತಾವ್ ಕಚ಼ ಚಾಂಗಲ್ಯಾ ಮಾರ್ಗಾತ್ ತುಮಿ ಜೀವ್ನಾ ಕರಾಯಾ ವ್ಹಯಿ ಮನ್ಹುನ್ ದೇವಾನಿ ತುಮಾನಾ ಹಾಕಟ್ಲ ತ್ಯಾ ಮಾರ್ಗಾನಿ ಜೀವ್ನಾ ಕರಾಯಾ ಮಾಗ್ತಾವ್. ತ್ಯೊ ಆಪ್‌ಲ್ಯಾ ಪುರ‍್ಯಾ ಬಳಾನಿ ತುಮ್ಚಾ ಚಾ಼ಂಗಲ್ಯಾ ಆಶಾ ಪುರಿ ಕರುನ್ ಆನಿ ತುಮ್ಚಾ ಇಸ್ವಾಸಾಚಾ ಆಶಾ ಪುರಿ ಕರುನಿ. 12 ಆಸ ಜಾ಼ಲ್ಯಾವ ಆಮ್ಚಾ ದೇವಾಚೆ ಆನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಕ್ರಪೆನಿ ತುಮ್ಚಿಸ್ ಲಾಗುನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸುಚಾ ನಾವಾಲಾ ಮೈಮಾ ವ್ಹಯಿಲ್ ತ್ಯಚಿಪ್ನಿ ತುಮಾನಾಬಿ ಗಾವ್ಹಲ್.