1 ತ್ಯಚಾ಼ ವಾದ್ ಸೌಲಾಲಾ ಮಾನ್ಯ ಹುತಾ

ತ್ಯಾ ದಿಸಾತ್ ಯೆರುಸಲೆಮಿತ್ ಆಸ್‌ಲ್ಯಾಲ್ಯಾ ಇಸ್ವಾಸಿಂಚಾ ಮೆಳ್ಯಾಲಾ ಜಾ಼ಚ಼್ ಜಾ಼ಲ್ಹಾ ಅಪೊಸ್ತಲಾನಾ ಸುಡುನ್ ಸಗ್ಳ ಯೆಹುದ್ಯ ಆನಿ ಸಮಾರ‍್ಯಾ ಸಿಮತ್ನಿ ಪಗಾಳ್ಳಿತ.

2 ಥೊಡ್ಯಾ ಇಸ್ವಾಸಿಂಚಾನಿ ಸ್ತೆಪಾಚ಼ ಮಡ ನಿಹುನ್ ಪುರ್ಲ. ತ್ಯಚಿಸಾಟಿ ಖುಬ್ ರಡ್ಲ,

3 ಫನ್ ಸೌಲಾನಿ ಸಭೆಚಾ಼ ನಾಸ್ ಕರಾಯಾ ಸುರು ಕೆಲ ಇಸ್ವಾಸಿಂಚಾ ಗರ‍್ಹಾತ್ನಿ ಬರ‍್ಹುನ್ ಗಡ್ಯಾನಾ ಬಾಯಿಲ್ ಮಾನ್ಸಾನಾ ವಡುನ್ ನಿಹುನ್ ತುರುಂಗಾತ್ ಗ್ಯಾತ್ಲಿತ.

4 ಇಸ್ವಾಸಿ ಸಗ್ಳಿಕ್ಡ ಪಗ್ಳುನ್ ಗಿಲಿತ. ಆನಿ ತಿ ಗೆಲ್ಯಾಲ್ಯಾ ಪರತೇಕ್ ಜಾ಼ಗ್ಯಾವ ಲೊಕಾನಾ ಬರಿ ಖಬರ್ ಸಾಂಗ್ಲಿ. 5 ಪಿಲಿಪ್ಪಾನಿ ಸಮಾರ‍್ಯಾ ಪೆಠತ್ ಜಾ಼ವುನ್ ಕ್ರಿಸ್ತಾಚೆ ಗುಶ್ಟಿತ್ ಸಾಂಗ್ಲ. 6 ತ್ಯನಿ ಕೆಲ್ಯಾಲಿ ಚಮತ್ಕಾರಿಚಿ ಕಾಮ ಬಗ್ಲಿತ. ತ್ಯನಿ ಸಾಂಗ್‌ಲ್ಯಾಲ್ಯಾ ಸಗ್‌ಳ್ಯಾ ಗುಶ್ಟಿ ಲೊಕಾಂಚಾನಿ ಧ್ಯಾನ್ ದಿವುನ್ ಐಕ್‍ಲ್ಯಾ. 7 ಕಾ ಮಂಜೆ ಖುಬ್ ಲೊಕಾಂಚೆ ಆತ್ನಿ ಬುಥ ವರ್ಡತ್ ಬಾಹಿರ್ ನಿಗುನ್ ಗಿಲಿತ ತಿಥ ಲುಲ್ಲಿ ಆನಿ ಪಾರ್ಸಿ ಮ್ಯಾರಲ್ಯಾಲಿ ಸಾಹಿತ್ ಬರಿ ಜಾ಼ಲಿತ. 8 ಹ್ಯಚಿಸ್ ಲಾಗುನ್ ಪೆಠತ್ ಆಸ್‌ಲ್ಯಾಲಿ ಲೊಕ ಖುಬ್ ಸಂತೊಶ್ ಜಾ಼ಲಿತ.

9 ಫನ್ ತೇ ಪೆಠತ್ ಸಿಮೊನ್ ಮಂಥ್ಯಾಲಾ ಮಾನುಸ್ ಹುತ್ತಾ. ತ್ಯೊ ಘಾಡ್ಫನ್ ಕರೀತಾ ತ್ಯನಿ ಆಪ್‌ಲ್ಯಾ ಘಾಡ್ಫನಾನಿ ಸಮಾರ‍್ಯಾಚಾ ಸಗ್‌ಳ್ಯಾ ಲೊಕಾನಾ ಆಜಾಬ್ ಕರಿತಾ. ತ್ಯೊ ಆಪ್ನು ಮೊಟಾ ಮಾನುಸ್ ಮನ್ಹಿತಾ. 10 ನ್ಹಾನ್ ಥೊರ್ ಸಗ್ಳಿ ಲೊಕ, ಹ್ಯ ಮೊಟ ಬಳ್ ಮಂತ್ಯಾಲ ದೆವಾಚ಼ ಬಳುಸ್ ಮನ್ಹುನ್ ತ್ಯಚಿಕ್ಡ ಧ್ಯಾನ್ ದಿಯಿತಿತ. 11 ಖುಬ್ ದಿಸಾದರ್ನಿ ತ್ಯಚಾ ಘಾಡ್ಪನಾತ್ ಗಾವಲ್ಯಾಲಿ ಲೊಕ ತ್ಯಚೆ ಬುಲಿಲಾ ಧ್ಯಾನ್ ದಿಯಿತಿತ ಆನಿ ತ್ಯಚೆ ಮಾಗ್ನಿ ಜಾ಼ಯಿತಿತ. 12 ಫನ್ ಪಿಲಿಪಾನಿ ದೇವಾಚಾ ರಾಜಾಚೆ ಗುಶ್ಟಿತ್ ಆನಿ ಯೇಸು ಕ್ರಿಸ್ತಾಚಾ ಬಳಾಚೆ ಗುಶ್ಟಿತ್ ಲೊಕಾನಾ ಬರಿಖಬರ್ ಸಾಂಗ್ಲಿ ಬಾಪಯಿ ಆನಿ ಬಾಯಿಲ್ ಮಾನ್ಸಾಂಚಾನಿ ಪಿಲಿಪ್ಪಾನಿ ಸಾಂಗ್‌ಲ್ಯಾಲ್ಯಾವ ಇಸ್ವಾಸ್ ಥಿವುನ್ ಬಾಪ್ತಿಸ್ಮಾ ಗಿತ್ಲಿ. 13 ಸಿಮೊನಾನಿ ಸಾಹಿತ್ ಇಸ್ವಾಸ್ ಥಿವುನ್ ಬಾಪ್ತಿಸ್ಮಾ ಗಿತ್ಲಿ. ಸಿಮೊನ್ ಪಿಲಿಪ್ಪಾಚೆ ಜ಼ವಳುಸ್ ಹುತ್ತಾ. ಪಿಲಿಪ್ಪಾನಿ ಕೆಲ್ಯಾಲಿ ಚಮತ್ಕಾರಿಚಿ ಕಾಮ ಆನಿ ಅದ್ಬುತ್ಕಾಮ ಸಿಮೊನಾನಿ ಬಗುನ್ ಗಾಭಾರ್ಲಾ.

14 ಅಪೊಸ್ತಲ್ ಆಜು಼ನ್ ಯೆರುಸಲೆಮಿತ್ ಹುತ್ತ. ಸಮಾರ‍್ಯಾಚಾ ಲೊಕಾಂಚಾನಿ ದೇವಾಚಾ ವಾಕ್ಯಾ ಸ್ವಿಕಾರ್ ಕೆಲ್ಯಾಲ್ಯಾ ತ್ಯನಾ ಸಮಾಜ಼್ಲ. ಮನ್ಹುನ್ ತ್ಯಂಚಾನಿ ಪೇತ್ರಾಲಾ ಆನಿ ಯೊಹಾನಾಲಾ ತ್ಯಂಚಿಪ ಲಾವುನ್ ದಿಲ. 15 ತೇ ತಿಥ ಯವುನ್ ಸಮಾರ‍್ಯಾಚಾ ಇಸ್ವಾಸಿನಾಬಿ ಪವಿತ್ರಾತ್ಮ ಗಾವ್ಹಾಯಾ ವ್ಹಯಿ ಮನ್ಹುನ್ ತ್ಯಂಚಿಸಾಟಿ ಮಾಗ್ನ ಕೆಲ. 16 ಹ್ಯಾ ಲೊಕಾಮಚಾನಿ ಪ್ರಭು ಜಾ಼ಲ್ಯಾಲ್ಯಾ ಯೇಸುಚಾ ನಾವಾನಿ ಬಾಪ್ತಿಸ್ಮಾ ಗೆತ್ಲಿ. ಫನ್ ಪವಿತ್ರಾತ್ಮ ತ್ಯಂಚಿವ ಕುನಾವಸ್ ಆಜು಼ನ್ ಆಲ ನವ್ಥ. 17 ಪೇತ್ರಾನಿ ಆನಿ ಯೊಹಾನಾನಿ ತ್ಯಂಚಿವ ಆಪ್ಲ ಹಾತ್ ಥೆವ್ಲ ತವಾ ತ್ಯನಾ ಪವಿತ್ರಾತ್ಮ ಗಾವ್ಲ.

18 ಅಪೊಸ್ತಲಾಂಚಾನಿ ಲೊಕಾಂಚಿವ ಹಾತ್ ಥೆವ್ಲಾ ತವಾ ಲೊಕಾನಾ ಪವಿತ್ರಾತ್ಮ ಗಾವಲ್ಯಾಲ ಸಿಮೊನಾನಿ ಬಗ್ಲ ಮನ್ಹುನ್ ಸಿಮೊನ್ ಅಪೊಸ್ತಲಾನಾ ಪೈಸ ದಿವುನ್ 19 “ಮಿ ಕುನಾವ ಹಾತ್ ಥೆವ್ತೊ ತ್ಯಲಾ ಪವಿತ್ರಾತ್ಮ ಗಾವಸಾರ ಮನಾ ಬಳ್ ದೆವಾ” ಮನ್ಹುನ್ ಸಾಂಗ್ಲ.

20 ಫನ್ ಪೇತ್ರಾನಿ ಸಿಮೊನಾಲಾ, “ತು ನಾಸ್ ಹೊ! ತುಜ಼ ಪೈಸ ಹಾಳ್ ವ್ಹವುಂತ! ದೇವಾಚ಼ ವರ ಪೈಶಾನಿ ಗಿಹ್ಯಾಚ಼ ಮನ್ಹುನ್ ತು ಯವಜ಼್ಲಸ್. 21 ಹ್ಯಾ ಕಾಮಾತ್ ತು ಆಮ್ಚಿ ಸಂಗ ಮಿಳಾಯಾ ವ್ಹಯಿತ್ನಾಹಿ. ತುಜ಼ ಮನ್ ದೆವಾಚೆ ನದ್ರಲಾ ಶಾರ್ಕ ನಾಹಿ. 22 ತುಜ಼ ಮನ್ ಪರತ್! ತು ಕೆಲ್ಯಾಲ್ಯಾ ಬುರಶಾ ಕಾಮಾತ್ನಿ ಪರಾತ್. ಪ್ರಭುಪ ಮಾಗ್ನ ಕರ್, ತು ಆಸ ಯವಸ್‌ತ್ಯಾಲ ತ್ಯೊ ಮಾಪ್ ಕರೀಲ್. 23 ತುಜಾ ಮನಾತ್ ಖುಬ್ ಕಡು ರಾಗ್ ಬರ್‌ಲ್ಯಾಲಾ ಪಾಪಾಚಾ ಬಾದ್ನಾತ್ ಹಾಸ್. ಮನ್ಹುನ್ ಸಾಂಗ್ಲ.

24 ಸಿಮೊನಾನಿ, “ತ್ಯನಾ ದೊಗಾನಾ ಮಾಜಿ ಸಾಟಿ ಪ್ರಭುಪ ಮಾಗ್ನ ಕರಾ. ತುಮಿ ಸಾಂಗ್‌ಲ್ಯಾಲ್ಯಾ ಗುಶ್ಟಿ ಮನಾ ವ್ಹಯಾಚೆ ಆಂದಿ ಮಾಗ್ನ ಕರಾ!” ಮನ್ಲಾ.

25 ನಂತರ್ ಪೇತ್ರಾ ಆನಿ ಯೊಹಾನಾನಿ ಆಪ್ನು ಬಗ್‌ಲ್ಯಾಲಿ ಯೇಸುಚಿ ಕಾಮ ಲೊಕಾನಾ ಸಾಂಗ್ಲಿತ. ತವಾ ತ್ಯಂಚಾನಿ ಲೊಕಾನಾ ಪ್ರಭುಚಾ಼ ಸಂದೆಶ್ ಸಾಂಗ್ಲಾ. ತ್ಯಾ ನಂತರ್ ತೇ ಯೆರುಸಲೆಮಿಕ್ಡ ಮಾಗಾರ ಆಲ. ವಾಟವ ತೇ ಸಮಾರ‍್ಯಾಚಾ ಖುಬ್ ಗಾವಾತ್ನಿ ಜಾ಼ವುನ್ ಬರಿ ಖಬರ್ ಸಾಂಗ್ಲಿ.

26 ಪ್ರಭುಚಾ಼ ದೇವ್ ದುತ್ ಯೊಕ್ ಪಿಲಿಪ್ಪಾಲಾ, “ತು ತಯಾರ್ ವ್ಹವುನ್ ದಕ್ಷನಾಕ್ಡ ಮಂಜೆ ಯೆರೆಸಲೆಮಿತ್ನಿ ಗಾಜಾಕ್ಡ ಜಾ಼ತ್ಯಾಲ್ಯಾ ರಾನಾಕ್ಡ ಜಾ಼” ಮನ್ಹುನ್ ಸಾಂಗ್ಲ. 27 ಮನ್ಹುನ್ ಪಿಲಿಪ ನಿಗುನ್ ಜಾ಼ತಾನಾ ಗರ‍್ಹಾತ್. ಇಥಿಯೊಪಿಚಾ ಯಕಾಲಾ ತ್ಯನಿ ವಾಟವ ಬಗುನ್. ಹ್ಯೊ ಮಾನುಸ್ ನೆಪೊಸಿ ಹುತ್ತಾ. ಇಥಿಯೊಪಿಚಿ ರಾನಿ ಜಾ಼ಲ್ಯಾಲಿ ಕಂದಾಕಿಪ ಹ್ಯೊ ಮುಖ್ಯ ಅಧಿಕಾರಿ ಜಾ಼ಲ್ಥಾ. ಪೈಸ ಸಗ್ಳ ಬಗಾಚಿ ಜವಾಬ್ದಾರಿ ಹ್ಯಚಿಸ್ ಜಾ಼ಲ್ಥಿ. ಹ್ಯೊ ಮಾನುಸ್ ವವ್ಯಾಳಾಯಾ ಸಾಟಿ ಯೆರುಸಲೆಮಿತ್ ಗೆಲ್ತಾ. ಆನಿ ಆತಾ ತ್ಯೊ ಆಪ್‌ಲ್ಯಾ ಗರ‍್ಹಾತ್ ಪರ್ತುನ್ ಜಾ಼ಯಿತಾ. 28 ತ್ಯೊ ಆಪ್‌ಲ್ಯಾ ರಥಾವ ಬಸುನ್ ಜಾ಼ತಾನಾ ಯೆಶಾಯಾ ಪ್ರವಾದಿ ಗ್ರಂಥ ವಾಚ್ವಿತಾ. 29 ಪವಿತ್ರಾತ್‌ಮ್ಯಾನಿ ಪಿಲಿಪಾಲಾ, “ರಥಾಪ ಜಾ಼ವುನ್ ತ್ಯಚೆ ಜ಼ವಳ್ ರ‍್ಹಾ” ಮನ್ಹುನ್ ಸಾಂಗ್ಲ. 30 ತಸಾಸ್ ಪಿಲಿಪ್ ರಥಾಪ ಗೆಲಾ. ತ್ಯೊ ಮಾನುಸ್ ವಾಚಿವ್‌ತ್ಯಾಲಾ ತ್ಯಲಾ ಐಕು ಆಲ. ತ್ಯೊ ಯೆಶಾಯಚ಼ ಪ್ರವಾದನ್ ವಾಚ್ವಿತಾ. ಪಿಲಿಪ್ಪಾನಿ ತ್ಯಲಾ, “ತು ವಾಚಿವ್‌ತ್ಯಾಲ ತುಲಾ ಸಮಾಸ್‌ತ್ಯಾ ಕ್ಯಾ? ಮನ್ಹುನ್ ಇಚಾರ್ಲ.

31 ತವಾ ತ್ಯೊ“ಮನಾ ಕಸ ಸಮಜ಼ಲ್? ದುಸ್‌ರ‍್ಯಾನಿ ಕಚಾನಿತರಿ ತ್ಯ ಮನಾ ಸಾಂಗಾಯಾ ವ್ಹಯಿ!”ಮನ್ಲಾ. ಆನಿ, ರಥಾವ ಚ಼ಡುನ್ ಆಪ್ಲಿಪ ಭಸ್ ಎ ಮನ್ಹುನ್ ತ್ಯನಿ ಪಿಲಿಪಾಲಾ ಹಾಕಟ್ಲಾ. 32 ತ್ಯೊ ವಾಚಿವ್‌ತ್ಯಾಲ ಪವಿತ್ರ ಗ್ರಂಥ ಆಸ ಹಾ: ತೊಡಾಯಾ ನೆಥ್ಯಾಲ್ಯಾ ಬಕರ‍್ಯಾಚೆಗತ್ ತ್ಯಲಾ ನೆಲ್ಹಾ; ಆನಿ ಕ್ಯಾಸ್ ಕಾತರತ್ಯಾಲ್ಯಾಚೆ ಮೊರ‍್ಹ ಮೆಂಡ್ರಾಚೆಗತ್ ಕಾಯ್ ಬೊಲಾಚೆ ಆಂದಿ ಗಪ್ ಹುತಾ.

33 ತ್ಯಲಾ ನಿಂದಾ ಕಿಲಿತರಿ. ತ್ಯಲಾ ನ್ಯಾಯಿ ಗಾವ್ಲಾ ನಾಹಿ. ತ್ಯಚೆ ಪಿಳ್ಗಿಚಾ಼ ವರ್ನನ್ ಕೊನ್ ಕರ‍್ನಾರ್? ಕಾ ಮಂಜೆ ದರ್ಥಿವ್ಲಾ ತ್ಯಚಾ಼ ಜೀವ್ನಾ ಸಪ್ಲಾ. ಯೆಶಾಯ್ 53:7-8

34 ಅಧಿಕಾರಿ ಪಿಲಿಪಾಲಾ, “ದಯಾ ಥಿವುನ್ ಮನಾ ಸಾಂಗ್ ಕಚಾ ಪ್ರವಾದಿಚೆ ಗುಶ್ಟಿತ್ ಹಿತ್ತ ಸಾಂಗ್‌ತ್ಯೊ? ತ್ಯೊ ಆಪ್ಲೆ ಗುಶ್ಟಿತ್ ಸಾಂಗ್‌ತ್ಯೊ ಕ್ಯಾ? ದುಸರ‍್ಯಾಚ಼ ಸಾಂಗತ್ಯೊ” ಮನ್ಹುನ್ ಇಚಾರ್ಲ. 35 ಪಿಲಿಪಾನಿ ಪವಿತ್ರ ಗ್ರಂಥಾಚಾ ಹ್ಯಾ ಭಾಗಾನಿಸ್ ಯೆಸುಚೆ ಗುಸ್ಟಿತ್ ಬರಿ ಖಬರ್ ತ್ಯಲಾ ಸಾಂಗ್ಲಿ. 36 ತೇ ಜಾ಼ತಾನಾ ಪಾನಿ ಆಸ್‌ಲ್ಯಾಲ್ಯಾ ಯಕಾ ತಳ್ಯಾಪ ಆಲ. ತವಾ ಅಧಿಕಾರಿ, “ಬಗ್! ಹಿತ್ತ ಪಾನಿ ಹಾ. ಮಿ ಬಾಪ್ತಿಸ್ಮಾ ಗಿಹ್ಯಾ ಕಾಯ್ತರಿ ಆಡ್ಚ಼ನ್ ಹಾ ಕ್ಯಾ? ಮನ್ಹುನ್ ಪಿಲಿಪ್ಪಾಲಾ ಮನ್ಲಾ. 37 ತವಾ ಪಿಲಿಪ್ ತ್ಯಲಾ ತು ಪುರ‍್ಯಾ ಮನಾನಿ ಇಸ್ವಾಸಾನಿ ರಾಯ್ಲಾಸ್ತ ತು ಬಾಪ್ತಿಸ್ಮಾ ಗಿಹ್ಯಾ ವ್ಹಯಿಲ್. ತವಾ ಅಧಿಕಾರಿ, “ಯೇಸು ಕ್ರಿಸ್ತ್ ದೇವಾಚಾ಼ ಲ್ಯೊಕ್ ಮನ್ಹುನ್ ಮಿ ಇಸ್ವಾಸ್ ಥೆವ್ತೊ” ಮನ್ಲಾ. *ಥೊಡ್ಯಾ ಪ್ರತಿತ್ 37 ವಚನ್ ನಾಹಿ.

38 ನಂತರ್ ತ್ಯನಿ ರಥ್ ಉಬಕರ್ ಮನ್ಹುನ್ ಆಜ್ಞಾ ದಿಲಿ. ತೆ ದೊಗ ಪಾನ್ಯಾತ್ ಉತಾರ್ಲ, ಪಿಲಿಪ್ಪಾನಿ ತ್ಯಲಾ ಬಾಪ್ತಿಸ್ಮಾ ದಿಲಿ. 39 ತೆ ಪಾನ್ಯಾತ್ನಿ ವರ್ ಆಲ ತವಾ ಪ್ರಭುಚಾ ಆತ್ಮಾನಿ ಪಿಲಿಪ್ಪಾಲಾ ನೆಲ್ಹಾ. ತ್ಯನಿ ಪಿಲಿಪ್ಪಾಲಾ ಆನಿ ಕಂದಿಸ್ ಬಗ್ಲಾ ನಾಹಿ. ಫನ್ ತ್ಯೊ ಖುಬ್ ಸಂತೊಶಾನಿ ಮೊರ‍್ಹ ಗೆಲಾ. 40 ಫನ್ ಪಿಲಿಪ್ಪ ಅಜೊತ್ ಮಂಥ್ಯಾಲೆ ಪೆಠತ್ ದಿಸ್ಲಾ ತಿತ್ನಿ ಕೈಜ಼ರಾಪರೆತ್ ಸಗ್‌ಳ್ಯಾ ಗಾವಾತ್ನಿ ಬರಿ ಖಬರ್ ಸಾಂಗಿತ್ ಗೆಲಾ.