1 ಸೌಲಾ ಆಜು಼ನ್ ಪ್ರಭುಚಾ ಶಿಶಾಂಚಿವ ರಾಗ್‌ ಥಿವುನ್ ದಮಕಿಚಾ ಬೊಲ್ಯಾ ಬೊಲತ್ ತ್ಯನಾ ಮಾರುನ್ ಟಾಕಾಯಾ ಯವಜು಼ನ್ ಮಹಾ ಯಾಜಕಾಪ ಜಾ಼ವುನ್; 2 ಹ್ಯೊ ಮಾರೊಗ್ ದರ್‌ಲ್ಯಾಲ ಗಡಿಮಾನುಸ್ ರಾಹುಂತ, ಬಾಯಿಲ್ಮಾನುಸ್ ವ್ಹವುಂತ ಮೀ ತ್ಯನಾ ಬಾಂದುನ್ ಯೆರುಸಲೆಮಿತ್ ಆನಾಯಾ, ದಮಸ್ಕಾತ್ ಆಸ್‌ಲ್ಯಾಲ ಸಭಾಮಂದಿರಾತ್‍ಲ್ಯಾನಾ ತು, ಪತ್ರ ದಿಯಾ ವ್ಹಯಿ ಮನ್ಲಾ.

3 ತ್ಯೊ ಪ್ರಯಾನ್ ಕರೀತ್ ದಮಸ್ಕಾಚೆ ಜ಼ವಳ್ ಆಲಾ ತವಾ, ಪಾಕನ್ ಆಬ್ಳಾತ್ನಿ ಯೊಕ್ ಉಜಿಡ್ ತ್ಯಚೆ ಬೌತ ಚ಼ಮಾಕ್ಲ. 4 ತ್ಯೊ ಜಿಮ್ನಿವ ಪಡ್ಲಾ ತವಾ, “ಸೌಲಾ, ಸೌಲಾ, ಮನಾ ಕಾ ಜಾ಼ಸ್ ಕರ್ತೊಸ್? ಮನ್ಹುನ್ ಸಾಂಗ್‌ತ್ಯಾಲಾ ಸಬ್ದ ಐಕ್ಲಾ.

5 ತ್ಯಲಾ ಸೌಲಾನಿ; ಪ್ರಭು, ತು ಕೊನ್? ಮನ್ಹುನ್ ಇಚಾರ್ಲ್ಯಾಲ್ಯಾಲಾ ಪ್ರಭುನಿ ಸಾಂಗ್ಲ, ತು ನಿಂದಾ ಕರ್ತ್ಯಾಲಾ ಯೇಸುಸ್ ಮೀ; 6 ಫನ್ ಆತಾ ತು ಉಠುನ್ ಪೆಠತ್ ಜಾ಼, ತು ಕರಾಚ಼ ತಿಥ ತುಲಾ ಸಾಂಗ್ನಾರ್” ಮನ್ಲಾ.

7 ಸೌಲಾಚೆ ಸಂಗ ಜಾ಼ತ್ಯಾಲ್ಯಾಂಚಾನಿ ಸಬ್ದ ತ್ಯವ್ಡಾಸ್ ಐಕುನ್, ಕಾಯ್ಬಗಾಚೆ ಆಂದಿ ಮುಖ್ಯಾಚೆಗತ್ ಗಾಬ್ರುನ್ ಗಪ್ ಉಬ ರಾಯ್ಲ. 8 ಸೌಲಾನಿ ಜಿಮ್ನಿವ್ನಿ ಉಠುನ್ ಡೊಳ ಉಗಡ್ಲ ತವಾ ಕಾಯ್ ದಿಸ್ಲ ನಾಹಿ. ತವಾ ತ್ಯಂಚಾನಿ ತ್ಯಚ಼ಾ ಹಾತ್ ದರುನ್ ದಮಸ್ಕಾತ್ ನೆಲ್ಹಾ. 9 ತ್ಯಲಾ ತೀನ್ ದಿಸಾ ಪರತ್ ಕಾಯ್ ದಿಸ್ಲ ನಾಹಿ. ಆನಿ ತ್ಯೊ ಕಾಯ್ ಖಾಯಾಚೆ ಆಂದಿ ಪಿಯಾಚೆ ಆಂದಿ ಹುತ್ತಾ.

10 ದಮಸ್ಕಾತ್ ಅನನಿಯಾ ಮಂಥ್ಯಾಲಾ ಯೊಕ್ ಇಸ್ವಾಸಿ ಹುತ್ತಾ; ಪ್ರಭುಚಾ ದರ್ಶನಾತ್, ಅನನೀಯಾ, ಮನ್ಹುನ್ ತ್ಯಲಾ ಹಾಕಟ್‌ಲ್ಯಾಲ್ಯಾಲಾ ತ್ಯೊ; ಪ್ರಭು, ಹಬೊಕ್, ಹಾ ಮನ್ಲಾ.

11 ಪ್ರಭು ತ್ಯಲಾ, ತು ಉಠುನ್ ನಿಟಪಾಂದಿ ಮಂಥ್ಯಾಲೆ ಪಾಂದಿತ್ ಜಾ಼. ತಿಥ ಯುದಾಚ಼ ಘರ್ ಬಗುನ್ ತಾರ್ಸಾಚಾ ಸೌಲ್ ಮಂಥ್ಯಾಲ್ಯಾಚೆ ಗುಶ್ಟಿತ್ ಇಚಾರ್, ಕಾ ಮಂಜೆ ತ್ಯೊ ತಿಥ ಮಾಗ್ನ ಕರತ್ಯೊ. 12 ಅನನಿಯಾ ಮಂಥ್ಯಾಲಾ ಯೊಕ್ ತ್ಯಚೆ ಜ಼ವಳ್ ಯವುನ್ ಆಪ್ಲ ಹಾತ್ ತ್ಯಚಿವ ಥೆವ್ನಾರ್ ತವಾ ತ್ಯಲಾ ಆನಿಕ್ ನದಾರ್ ಯನಾರ್. ಹ್ಯಸ್ ತ್ಯ ದರ್ಶಾನ್ ಮನ್ಹುನ್ ಸಾಂಗ್ಲ.

13 ತವಾ ಅನನಿಯಾ, ಪ್ರಭು ಯೇರುಸಲೆಮಿತ್ ಆಸ್‌ಲ್ಯಾಲ್ಯಾ ತುಜಾ ಲೊಕಾನಾ ಹ್ಯಾ ಮಾನ್ಸಾನಿ ಕೆಲ್ಯಾಲಿ ಬುರಶಾ ಕಾಮಾಂಚೆ ಗುಶ್ಟಿತ್ ಲೊಕ ಮನಾ ಸಾಂಗ್‌ತ್ಯಾತ. 14 ತವಾ ತ್ಯೊ ದಮಸ್ಕಾತ್ ಆಲ್ಯಾ, ತುಜ಼ ನಾವ್ ಸಾಂಗ್‌ತ್ಯಾಲ್ಯಾನಾ ಗೆತ್ಯಾಲ್ಯಾ ಸಗ್‌ಳ್ಯಾ ಲೊಕಾನಾ ಕ್ಯೊಂಡ್‌ತ್ಯಾಲಾ ಅಧಿಕಾರ್ ಮುಖ್ಯ ಯಾಜಕಾಂಚಾಪ್ನಿ ಗೆತಲ್ಯಾ” ಮನ್ಹುನ್ ಸಾಂಗ್ಲ.

15 ಫನ್ ಪ್ರಭು ಅನನೀಯಾಲಾ, “ಜಾ಼! ಮುಖ್ಯ ಕಾಮಾಸಾಟಿ ಮಿ ಸೌಲಾಲಾ ನಿವಡ್‌ಲ್ಯಾ. ತ್ಯನಿ ಮಾಜೆ ಗುಶ್ಟಿತ್ ರಾಜಾನಾ ಯೆಹುದಿ ನಸ್‌ಲ್ಯಾಲ್ಯಾನಾ ಆನಿ ಇಸ್ರಾಯಲ್ ಲೊಕಾನಾ ಸಾಂಗ್‌ಲ್ಯಾ. 16 ತ್ಯೊ ಮಾಜಾ ನಾವಾನಿ ಕರಾಯಾ ವ್ಹಯಿ ಮಂಥ್ಯಾಲಾ ತರಾಸ್ ತ್ಯಲಾ ಮೀ ದ್ಯಾವ್ತೊ” ಮನ್ಲಾ.

17 ಆನಿ ಅನನಿಯ ತಿತ್ನಿ ಯುದಾಚಾ ಗರ‍್ಹಾತ್ ಗೆಲಾ. ತ್ಯನಿ ಸೌಲಾವ ಆಪ್ಲ ಹಾತ್ ಥಿವುನ್ “ಸೌಲಾ ಮಾಜಾ ಬಾವ್ಹಾ ಪ್ರಭು ಯೇಸುನಿ ಮನಾ ಲಾವುನ್ ದಿಲ್ಯಾ. ತು ಹಿತ್ನಿ ಯತಾನಾ ವಾಟವ ಬಗ್‌ಲ್ಯಾಲಾ ತ್ಯಲಾಸ್ ತು ಆನಿಕ್ ನದಾರ್ ಗಿಹ್ಯಾ ವ್ಹಯಿ ಮನ್ಹುನ್ ಪವಿತ್ರಾತ್ಮಾನಿ ಬರ್‌ಲ್ಯಾಲಾ ವ್ಹಯಾ ವ್ಹಯಿ ಮನ್ಹುನ್ ಯೇಸುನಿ ಮನಾ ಲಾವುನ್ ದಿಲ್ಯಾ. ಮನ್ಲಾ. 18 ತವಾಸ್ ತ್ಯಚಾ ಡೊಳ್ಯಾತ್ನಿ ಖಪಲಿಚೆಗತ್ ಕ್ಯಾ ಪಡ್ಲ ಸೌಲಾಲಾ ದಿಸಾಯಾ ಲಾಗ್ಲ! ವರ್ ಉಠುನ್ ತ್ಯನಿ ಬಾಪ್ತಿಸ್ಮಾ ಗಿತ್ಲಿ. 19 ನಂತರ್ ತ್ಯನಿ ಖಾವುನ್ ಬಳ್ ಗೆತ್ಲ. ಸೌಲಾಚಾ ದಮಸ್ಕಾತ್ ಶಿಶಾಂಚಿಪ ಥೊಡ ದೀಸ್ ರಾಯ್ಲಾ.

20 ತ್ಯನಿ ತವಾಸ್, ಸಭಾಸ್ಥಾನಾತ್ನಿ ಜಾ಼ವುನ್ ಯೆಸುಚೆ ಗುಶ್ಟಿತ್ ತ್ಯೊಸ್ ದೇವಾಚಾ಼ ಲ್ಯೊಕ್ ಮನ್ಹುನ್ ಸಾಂಗಾಯಾ ಸುರು ಕೆಲ.

21 ಐಕ್‌ಲ್ಯಾಲಿ ಲೊಕ ಸಗ್ಳಿ ಆಜಾಬ್ ವ್ಹವುನ್; ಯೇಸು ಕ್ರಿಸ್ತಾಚ಼ ನಾವ್ ಸಾಂಗ್‌ತ್ಯಾಲ್ಯಾನಾ ಯೆರುಸಲೆಮಿತ್ ನಾಸ್ ಕರ್ತ್ಯಾಲಾ ಹ್ಯೊಸ್! ನವ್ಹ ಕ್ಯಾ? ತಸ್‌ಲ್ಯಾನಾ ಕುಂಡುನ್ ಮುಖ್ಯ ಯಾಜಕಾಂಚಿಪ ನಿಹ್ಯಾವ್ಹಯಿ ಮನ್ಹುನ್ ಹಿತ್ತ ಆಲ್ಯಾಲಾ ನವ್ಹಕ್ಯಾ? ಮನ್ಹುನ್ ಬೊಲತಿತ.

22 ಫನ್ ಸೌಲ್ ಆಜು಼ನ್ಬಿ ಖುಬ್ ಬಳಾಚಾ಼ ವ್ಹವುನ್ ಯೇಸುಸ್ ಕ್ರಿಸ್ತ ಮನ್ಹುನ್ ಖರ ಕರಿತ್. ದಮಸ್ಕಾತಲ್ಯಾ ಯೆಹುದ್ಯಾಂಚಾನಿ ತ್ಯಚಿ ಸಂಗ ವಾದ್ ಕರುನಾಹಿ ಆಸ ಕೆಲ.

23 ಖುಬ್ ದೀಸ್ ಜಾ಼ಲ್ಯಾ ನಂತರ್ ಯೆಹುದ್ಯಾಂಚಾನಿ ಸೌಲಾಲಾ ಮಾರಾಯಾ ಯವಜ್ನಾ಼ ಕಿಲಿ. 24 ಯೆಹುದಿ ಸೌಲಾಲಾ ಬಗಿತ್ ಪೆಠಚಿ ದಾರ ರ‍್ಯಾತ್ ದಿಸಿ ರಾಕಿತ. ಫನ್ ತೀ ಯವಜ್ನಾ಼ ಸೌಲಾಲಾ ಸಮಾಜ಼್ಲ. 25 ಯಕಸಿ ರ‍್ಯಾಚ಼, ಸೌಲಾಲಾ ಥೊಡ ಶಿಶಾ ಪೆಠತ್ನಿ ಬಾಹಿರ್ ಲಾವುನ್ ದಿಯಾಸಾಟಿ ಯಕ ಬುಟ್ಟಿತ್ ಬಸ್ವುನ್, ಬಿಥಿ ಬರ‍್ಬರ‍್ನಿ ಖಾಲ್ ಉತ್ತರ್ಲಾ.

26 ಸೌಲ್ ಯೆರುಸಲೆಮಿತ್ ಗೆಲಾ. ತ್ಯನಿ ಇಸ್ವಾಸಿಂಚ಼ ಸಮುದಾಯತ್ ಮಿಳಾಯಾ ಯತ್ನ ಕಿಲಿತ. ಫನ್ ತೇ ಸಗ್ಳ ತ್ಯಲಾ ಬಿಹ್ಯಾಲ. ಸೌಲಾ ಖರ‍್ಯಾನಿಸ್ ಯೇಸುಚಾ಼ ಶಿಶಾ ಮನ್ಹುನ್ ಇಸ್ವಾಸ್ ನವ್ಥಾ. 27 ಫನ್ ಬಾರ್ನಬ ತ್ಯಚೆ ಮಜ಼ತಿಲಾ ಯವುನ್ ಸೌಲಾಲಾ ಅಪೊಸ್ತಲಾಂಚಿಪ ಗಿಹುನ್ ಆಲಾ. ತ್ಯನಿ ದಮಸ್ಕಾಚೆ ವಾಟವ ಪ್ರಭುಲಾ ಬಗ್‍ಲ್ಯಾಲ ಪ್ರಭುನಿ ತ್ಯಚಿ ಸಂಗ ಬೊಲ್ಯಾಲ ತ್ಯನಾ ಸಾಂಗ್ಲ. ಆನಿ ತ್ಯನಿ ದಮಸ್ಕಾತ್ ಲೊಕಾನಾ ಯೇಸುಚಾ ನಾವಾನಿ ಭೆ ನಸ್ತಾನಾ ಸಾಂಗಿತಾ. 28 ತವಾಚಾನ್ ಸೌಲ್ ಇಸ್ವಾಸಿಂಚೆ ಸಂಗ ಹುತ್ತಾ. ತ್ಯನಿ ಪ್ರಭುಚಾ ನಾವಾನಿ ಯೆರುಸಲೆಮಿತ್ ದಿರ‍್ಹಾನಿ ಸಾಂಗ್ಲ. 29 ಗ್ರೀಕ್ ಬೊಲ್‌ತ್ಯಾಲ್ಯಾ ಯೆಹುದ್ಯಾಂಚಿ ಸಂಗ ಬೊಲತ್ ಸೌಲ್ ವಾದ್ ಗಾಲ್ಹಿತಾ. ಫನ್ ತೆ ತ್ಯಲಾ ಮಾರುನ್ ಟಾಕಾಯಾ ಯತ್ನ ಕರಿತ. 30 ಹ್ಯ ಇಸ್ವಾಸಿನಾ ಸಮಾಜ಼್ಲ ತವಾ ತ್ಯಂಚಾನಿ ಸೌಲಾಲಾ ಸೆಜರೆಯ ಪೆಠತ್ ನೆಲಾ. ತಿತ್ನಿ ತಾರ್ಸತ್ ಪೆಠತ್ ಲಾವುನ್ ದಿಲ.

31 ಆಸ ಆಸ್ಥಾನಾ ಯುದಾಯ್ ಗಲಿಲಾಯ್ ಆನಿ ಸಮಾರ‍್ಯಾ ಪೆಠತ್ ಆಸ್‌ಲ್ಯಾಲ್ಯಾ ಸಬೆ ಸಮಾದಾನ್ ಜಾ಼ಲತ್ಯಾ. ಪವಿತ್ರಾತ್ಮಾಚೆ ಮಜ಼ತಿನಿ ಸಬೆ ಬಕ್ತಿತ್ ಬಳಕಾಟುನ್ ದೆವಾಲಾ ಬಿಹುನ್ ಚಾ಼ಲತ್ಯಾ.

32 ಪೇತ್ರಾ ಸಗ್‌ಳ್ಯಾ ಗಾವಾತ್ನಿ ಫಿರತ, ಯಕಾ ಯಳಾತ್ ಲುಧಾತ್ ರಾಥ್ಯಾಲ್ಯಾ ದೇವಾಚಾ ಲೊಕಾನಾ ಭೆಟ್ ಜಾ಼ಲ್ಹಾ. 33 ತಿಥ ಪಾರ್ಶ್ವವಾಯ್ ರೊಗಿ ವ್ಹವುನ್ ಆಟ್ ವರ್ಸಾನಿ ಹಾತ್ರುನಾವ ಪಡ್‌ಲ್ಯಾಲಾ ಐನೆಯ ಮಂಥ್ಯಾಲ್ಯಾ ಯಕಾ ಮಾನ್ಸಾಲಾ ಬಗ್ಲಾ. 34 ಪೇತ್ರಾನಿ ತ್ಯಲಾ, “ಐನೇಯಾ, ಯೇಸು ಕ್ರಿಸ್ತ ತುಲಾ ಬರ ಕರ‍್ನಾರ್; ಉಠುನ್ ತುಜ಼ ಹಾತ್ರುನ್ ಕಾಡುನ್ ಥೆವ್!” ಮನ್ಹುನ್ ಸಾಂಗ್ಲ ತವಾಸ್ ಐನೆಯ ಉಬಾ ರಾಯ್ಲಾ. 35 ಲುಧಾತ್ ಆನಿ ಸಾರೊನಿಪ ರಾಥ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚಾನಿ ತ್ಯಲಾ ಬಗುನ್ ಪ್ರಭು ಯೇಸುವ ಇಸ್ವಾಸ್ ಥೆವ್ಲಾ.

36 ಯೊಪ್ಪ ಪೆಠತ್ ತಬಿಥಾ ಮಂಥ್ಯಾಲಿ ಯೆಕ್ ಇಸ್ವಾಸಿ ಹುತ್ತಿ. ಗ್ರೀಕ್ ಬಾಶೆತ್ ತಿಚ಼ ನಾವ್ ದೊರ್ಕಾ ಮಂಜೆ ಚಿ಼ತ್ತಾಳ್. ತೀ ಲೊಕಾನಾ ಕವಾಬಿ ಚಾ಼ಂಗ್ಲ ಕಾಮ್ ಕರಿತಿ. ತೀ ಗರೀಬ್ ಲೊಕಾನಾ ಮಜ಼ತ್ ಕರೀತಿ. 37 ಪೆತ್ರಾ ಲುಧಾತ್ ಆಸ್ಥಾನಾ ಸೀಕ್ ಯವುನ್ ಮರುನ್ ಗಿಲಿ. ಲೊಕಾಂಚಾನಿ ತಿಚ಼ ಮಡ ದುಹುನ್ ವೈಲೆ ಮಾಳಿವಲ್ಯಾ ಯಕ ಖುಲಿತ್ ಥೆವ್ಲ. 38 ಪೇತ್ರಾ ಲುಧಾತ್ ಹಾ ಮನ್ಹುನ್ ಬಾತ್ನಿ ಇಸ್ವಾಸಿ ಲೊಕಾನಾ ಯೊಪ್ಪಾತ್ ಸಮಾಜ಼್ಲ. ಲುಧಾ ಯೊಪ್ಪಾಚೆ ಕಡಸ್ ಹಾ. ಮನ್ಹುನ್ ತ್ಯಂಚಾನಿ ದೊಗಾನಾ ಪೆತ್ರಾಪ ಲಾವುನ್ ದಿಲ. ತ್ಯಂಚಾನಿ “ಥಾಂಬಾಚೆ ಆಂದಿ ಆಮ್ಚಿಪ ಎ” ಮನ್ಹುನ್ ಬಾತ್ನಿ ಲಾವುನ್ ದಿಲಿ. 39 ಪೇತ್ರಾ ತಯಾರ್ ವ್ಹವುನ್ ತ್ಯಂಚಿ ಸಂಗ ಗೇಲಾ. ತ್ಯೊ ತಿಥ ಪೊಚ಼್ಲಾ ತವಾ. ತ್ಯಂಚಾನಿ ತ್ಯಲಾ ವರ್ ಮಾಳಿಚಾ ಯಕಾ ಸೊಪ್ಯಾತ್ ಗಿಹುನ್ ಗೆಲ. ವಿದ್ವಾ ಸಗ್‌ಳ್ಯಾ ರಡತ್ ಪೇತ್ರಾಚೆ ಸರ್ಬೌತ್ಯಾ ಆಲ್ಯಾ. ಜಿತ್ತಿ ಆಸ್ತಾನಾ ಆಪ್ಲಿಸಾಟಿ ತಯಾರ್ ಕರಾಯಾ ಕೆಲ್ಯಾಲಾ ಜ಼ಘಾ ಅನಿ ಪೊಶಕ್ ತ್ಯಂಚಾನಿ ಪೇತ್ರಾಲಾ ದ್ಯಾವ್ಲ. 40 ಪೇತ್ರಾನಿ ಸಗ್‌ಳ್ಯಾ ಲೊಕಾನಾ ಖುಲಿತ್ನಿ ಬಾಹಿರ್ ಗಾಲುನ್ ಡೊಗ್ಲ ಮುಡುನ್ ಮಾಗ್ನ ಕೆಲ.

ನಂತರ್ ತ್ಯೊ ಮಡ್ಯಾಕ್ಡ ಪರ್ತುನ್ ತಬಿಥಾ ವರ್ ಉಟ್ ಮನ್ಲಾ. ತಿನಿ ಆಪ್ಲ ಡೊಳ ಉಗ್ಡುನ್ ಪೆತ್ರಾಲಾ ಬಗುನ್ ಉಠುನ್ ಬಸ್ಲಿ. 41 ತ್ಯನಿ ಹಾತ್ ದಿವುನ್ ಉಠುನ್ ಉಬಿ ರಾಹ್ಯಾ ತಿಲಾ ಮಜ಼ತ್ ಕಿಲಿ. ನಂತರ್ ತ್ಯನಿ ಆಪ್‌ಲ್ಯಾ ಇಸ್ವಾಸಿನಾ ಆನಿ ವಿದ್ವಾನಾ ಖುಲಿತ್ ಹಾಕ್ಟುನ್ ತ್ಯನಾ ತಭಿಥಳಾಲಾ ದ್ಯಾವ್ಲಿ. ತೀ ಜಿಥಿ ಜಾ಼ಲ್ಥಿ. 42 ಯೊಪ್ಪಾತ್ ಸಗ್ಳಿಕ್ಡ ಆಸ್‌ಲ್ಯಾಲ್ಯಾ ಲೊಕಾನಾ ಹಿ ಬಾತ್ನಿ ಸಮಾಜ್ಲಿ. ಆನಿ ಖುಬ್ ಜ಼ನಾಂಚಾನಿ ಪ್ರಭುವ ಇಸ್ವಾಸ್ ಥೆವ್ಲಾ. 43 ಪೇತ್ರಾ ಖುಬ್ ದಿಸಾ ಪರತ್ ಯೊಪ್ಪಾತ್ ಹುತ್ತಾ. ಚ಼ಮ್‌ಡ್ಯಾಚ಼ ಕಾಮ್ ಕರತ್ಯಾಲ್ಯಾ ಸಿಮೊನ ನಾವಾಚಾ ಚಾ಼ಂಬಾರಾಚಾ ಗರ‍್ಹಾತ್ ತ್ಯೊ ಖುಬ್ ದಿಸ್ ರಾಯಲಾ.