1 ಗೊಂದೊಳ್ ಥಾಮ್‌ಲ್ಯಾ ನಂತರ್ ಪೌಲಾನಿ ಇಸ್ವಾಸಿನಾ ಯಕಿಕ್ಡ ಗಿಹುನ್ ದೀರ್ ದಿವುನ್ ಜಾ಼ವುನ್ ಯತೊ ಮನ್ಹುನ್ ಸಾಂಗುನ್ ಮಕೆದೊನ್ಯಾತ್ ನಿಗಾಲಾ. 2 ತ್ಯೆ ಸೀಮತ್ ಪಿರತ್ ತಿತಲ್ಯಾನಾ ಖುಬ್ ಸಂದೇಶಾನಿ ಧಿರ್ ದಿವುನ್ ಗ್ರಿಸ್ ದೆಶಾತ್ ಆಲಾ. 3 ತಿಥ ತೀನ್ ಮೈನ್ಹ ಸರ್ಲ್ಯಾ ನಂತರ್ ಸಿರಿಯಾ ದುನ್ಯಾತ್ ಸಮಿಂದೊರಚೆ ವಾಟನಿ ಜಾಯಾವ್ಹಯಿ ಮಂಥಾನಾ ತ್ಯಂಚೆ ಆಡ್ವಯೆಹುದ್ಯಾಂಚಾನಿ ಪಿತುರಿ ಕೆಲ್ಯಾಲಿ ತ್ಯಲಾ ಸಮಾಜ್ಲಿ ಮನ್ಹುನ್ ತ್ಯನಿ ಮಕೆದೊನ್ಯಾಚೆ ವಾಟನಿ ಮಾಗಾರಾ ಪರ್ತುನ್ ಜಾಯಾ ಇಚಾರ್ ಕೆಲಾ. 4 ಬೆರೊಯಾ ಪೆಟ್ಟಚಾ ಪುರ್ರಾಚಾ಼ ಲ್ಯೊಕ್ ಸೊಪತ್ರಾ, ತೆಸಲೊಕಾತ್ಲಾ ಅರಿಸ್ತಾರ್ಕ್, ಸೆಕುಂದಾ ದೆರ್ಬೆಪೆಟ್ಟತ್ಲಾ ಗಾಯೊಸಾ, ತಿಮೊಥೆ, ಆಸ್ಯಾಸೀಮತ್ಲ ತುಖಿಕ್, ತ್ರೊಫಿಮಾ, ಹೆ ಸಗ್ಳ ತ್ಯಚಿ ಸಂಗ ಹುತ್ತ.

5 ತ್ಯೆ ಆಂದಿಸ್ ಜಾ಼ವುನ್ ಆಮ್ಚಿಸಾಟಿ ತ್ರೊವಾತ್ ರಾಖಿತ 6 ಫುಗತ್ ನಸ್‍ಲ್ಯಾಲ್ಯಾ ಬಾಖ್ರಿಚಾ ಸನಾಚ಼ ದಿಸ್ ಕೆಲ್ಯಾ ನಂತರ್ ಆಮಿ ಫಿಲಿಪಿತ್ನಿ ನಿಗುನ್ ವ್ಹಡಿತ್ ಚ಼ಡುನ್ ಸಮಿಂದೊರಾವ್ನಿ ಪಾಚ್ವೆದಿಸಿ ಯವುನ್ ತ್ಯನಾ ಮಿಳಾಲಾವ್. ತಿಥ ಸಾತ್ರೊಜ಼್ ರಾಯ್‍ಲ್ಯಾವ್.

7 ಸಭತ್ ದಿಸಾದಿಸಿ ಆಮಿ ಬಾಖ್ರಿ ಮೊಡಾಚಾ ನೆಮಾಲಾ ಮಿಳುನ್ ಆಲಾವ್ ತವಾ ಪೌಲ್ ತಿಥ ಜ಼ಮ್‍ಲ್ಯಾಲ್ಯಾ ಇಶ್ವಾಸಿನಾ ಸಿಕಿವ್ತೊ. ದುಸ್ರೆದಿಸಿ ಜಾ಼ಯಾವ್ಹಯಿ ಮಂಥ್ಯಾಲಾ ತ್ಯೊ ತ್ಯನಾ ಸಿಕ್ವಿತ್ ಆರ್ದೆ ರಾತಿ ಪರೆತ್ ರಾಯ್ಲಾ. 8 ಆಮಿ ಜ಼ಮಲ್ಯಾಲೆ ಮಾಳಿವ ಖುಬ್ ದಿವ ಪೆಟತ. 9 ಯುತಿಖ್ ಮಂತ್ಯಾಲಾ ಯೊಕ್ ಪ್ಯೊರ್ಗಾ ಕಿಡಕಿವ ಬಸುನ್ ಜಿಂಘತಾ. ಪೌಲಾ ಸಿಕ್ವಿತ್ ಆಸ್ತಾನಾ ತ್ಯೊ ಪ್ಯೊರ್ಗಾ ಜಿಂಗುನ್ ತೀನವೆ ಮಾಡಿವ್ನಿ ಬುಡಿ ಪಡ್ಲಾ; ತ್ಯಲಾ ಉಠ್ವಾಯಾ ಗೆಲ ತವಾ ತ್ಯೊ ಮೆಲ್ತಾ. 10 ಫನ್ ಪೌಲ್ ಉತ್ರುನ್ ಜಾ಼ವುನ್ ತ್ಯಚಿವ ಪಡುನ್ ಯಾಂಗ್ ಗಾಲ್ಹುನ್; “ಚಿಂತಾ ಕರುನಕೊಸಾ, ತ್ಯೊ ಜೀತಾಹಾ” ಮನ್ಲಾ. 11 ತವಾ ತ್ಯೊ ವರ್ ಜಾ಼ವುನ್ ಬಾಖ್ರಿ ಮುಡುನ್ ಜೆವಾನ್ ಖಾವುನ್ ಖುಬ್ ಯೊಳ್ ಪಾಂಡ್ರವ್ಹಯಿ ಪರೆತ್ ಬುಲುನ್ ಗೆಲಾ. 12 ತ್ಯಂಚಾನಿ ಜೀತಾ ಜಾ಼ಲ್ಯಾಲ್ಯಾ ಪ್ಯೊರ್ಗ್ಯಾಲಾ ಹಾಕ್ಟುನ್ ಗರ‍್ಹಾತ್ ನೆಲ್ಹಾ ತವಾ ತ್ಯನಾ ಖುಬ್ ಆನಂದ್ ಜಾ಼ಲ್ಹಾ.

13 ಆಮಿ ಆಂದಿಸ್ ತಿಥ ಜಾ಼ವುನ್ ಅಸ್ಸೊಸಿತ್ ಪೌಲಾಲಾ ಆಮ್ಚಿ ಸಂಗ ವ್ಹಡಿತ್ ಚ಼ಡ್ವುನ್ ನಿಹ್ಯಾವ್ಹಯಿ ಮನ್ಹುನ್ ಸಮಿಂದೊರಾವ್ನಿ ಗೆಲಾವ್. ಚಾ಼ಲತ್ ಜಾ಼ಯಾವ್ಹಯಿ ಮನ್ಹುನ್ ಆಮಾನಾ ಆಸ ಸಾಂಗ್ಲ. 14 ಅಸ್ಸೊಸಿತ್ ತ್ಯೊ ಆಮಾನಾ ಮಿಳಾಲಾ ತವಾ ಆಮಿ ತ್ಯಲಾ ವ್ಹಡಿತ್ ಗಿಹುನ್ ಮಿತಿಲೇನ್ ಪೆಠತ್ ನಿಗಾಲಾವ್. 15 ತಿತ್ನಿ ನಿಗುನ್ ದಿಸ್ರೆದಿಸಿ ಖೀಯೊಸ್ ದ್ವೀಪಾಚೆ ಮೊರ‍್ಹ ಆಲಾವ್ ದಿಸ್ರೆದಿಸಿ ಸಾಮೊಸಾತ್, ಯವುನ್ ತ್ಯಚೆ ದಿಸ್ರೆದಿಸಿ ಮಿಲೇತಾತ್ ಪೊಚ್ಲಾ಼ವ್. 16 ಪೌಲ್ ಆಪ್‍ಲ್ಯಾಲಾ ಜಾ಼ಲತ ಪಂಚಾಶತ್ತಮಾ ದಿಸಾಚಾ ಸನಾಲಾ ಯೆರುಸಲೇಮಿತ್ ರಾಹ್ಯಾವ್ಹಯಿ ಮನ್ಹುನ್ ಗಾಹಿಕರಿತಾ ಮನ್ಹುನ್ ಆಶಾ ಸೀಮತ್ ದಿಸ್ ಗಾಲ್ವಾಯಾ ಮನ್ ನಸ್ತಾನಾ ಎಫೆಸ್ ಪ್ಯಾಟ್ ವಲ್ಯಾಂಡುನ್ ಜಾ಼ಯಾವಯಿ ಮನ್ಹುನ್ ನಿರ್ದಾರ್ ಕೆಲ್ತಾ.

17 ಪೌಲಾನಿ ಮಿಲೇತಾತ್ನಿ ಎಫೆಸಾತಲ್ಯಾ ಜಾಂತ್ಯಾನಾ ಆಪಲ್ಯಾಲಾ ಭೆಟ್ ವ್ಹಯಾ ಸಾಂಗುನ್ ಲಾವುನ್ ದಿಲ. 18 ತ್ಯೆ ತ್ಯಚಿಪ ಆಲ ತವಾ ತ್ಯನಾ ತ್ಯನಿ ಸಾಂಗ್ಲ್ಯಾಲ ಕ್ಯಾ ಮಂಜೆ; “ಮೀ ಆಶಾಸೀಮತ್ ಪ್ಯಾ ಥೆವಲ್ಯಾದರ್ನಿ ತುಮ್ಚೆ ಮದ್ದಿ ಸಗ್ಳ ದಿಸ್ ಕಸಾ ಚಾ಼ಲ್ಲೊ ಮನ್ಹುನ್ ತುಮಾನಾಸ್ ಠಾವಾ ಹಾ. 19 ಯೆಹುದ್ಯಾಂಚೆ ಪೀತುರಿನಿ ಜಾ಼ಲ್ಯಾಲ್ಯಾ. ತರಾಸಾತ್, ಮೀ ಖುಬ್ ಥಂಡ್ ಪನಾನಿ, ರಡುನ್ ಪ್ರಬುಚಿ ಸೇವಾ ಕರ್ತ್ಯೊ. 20 ಮೀ ತುಮಾನಾ ಸಗಳ್ಯಾಂಚೆ ಮೊರ‍್ಹ ಆನಿ ತುಮಚಾ ಗರ‍್ಹಾ ಗರ‍್ಹಾತ್ನಿ ಯವುನ್ ತುಮನಾ ಮಜ಼ತ್ ಕರಾಯಾ ವ್ಹಯಿಜಾ಼ಲ್ಯಾಲ ತುಮಾನಾ ಶಿಕ್ವಾಯಾ ಮಾಗಸರ್ಲೊನಾಹಿ ಹ್ಯ ತುಮಾನಾ ಠಾ ಹಾ 21 ಯೆಹುದ್ಯಾನಾ, ಗ್ರೀಕಾನಾ ತ್ಯಂಚಾನಿ ಪಾಪಾಲಾ ಸುಡುನ್ ದೇವಾಕ್ಡ ಪರ್ತಾಯಾವ್ಹಯಿ ಮನ್ಹುನ್, ಆಮ್ಚಾ ಪ್ರಬು ಯೇಸುವ ಇಸ್ವಾಸ್ ತೆವಾಯಾವ್ಹಯಿ ಮನ್ಹುನ್ ಮಿ ಸಾಂಗಲ್ಯಾ, 22 ಆತಾ ಮೀ ಪವಿತ್ರಾತಮ್ಯಾಚಾ ಸಾಂಗನ್ಯಾನಿ ಯೆರುಸಲೇಮಿತ್ ಜಾ಼ತೊ. ತಿಥ ಕ್ಯಾ ಗಢ್ನಾರ್ ಮನಾ ಠಾವನಾಹಿ. 23 ತುರುಂಗ್, ಆನಿ ಸಂಕಟ್ ತುಜಿ ವಾಟ್ ಬಗತ್ಯಾತ ಮನ್ಹುನ್ ಪವಿತ್ರಾತ್ಮ ಪರ್ತೆಕ್ ಪೆಟ್ಟತ್ ಮನಾ ಹುಶಾರ್ಕಿ ದೆತ್ಯೊ ಮನ್ಹುನ್ ಠಾವ ಹಾ. 24 ಮಿ ಮಾಜಾ ಜೀವ್ನಾಚಿ ಚಿಂತಾ ಕರಿತ್ನಾನಿ ಪ್ರಭು ಯೆಸು ಕ್ರಿಸ್ತಾನಿ ಮನಾ ದಿಲ್ಯಾಲ್ಯಾ ಕಾಮಾಚ಼ ಪಳ್ನ ಪಳುನ್ ಸಪ್ವಾಚ಼ ಮಾಜಾ಼ ಯೊಕುಸ್ ಮುಜ಼್ರಾ ಜಾ಼ಲ್ಯಾ ತ್ಯೊ ದೆವಾಚೆ ಕ್ರುಪೆಚೆ ಬರೆ ಖಬ್ರಿಲಾ ವಳ್ಕಿಚ಼ ಕಾಮ್ ಜಾ಼ಲ್ಯಾ.

25 ಬಗಾ, ಯವ್ಡ ದಿಸ್ ತುಮ್ಚಿಪ ಫಿರತ್ ದೇವಾಚಾ ರಾಜಾಚ಼ ಸಾಂಗ್‍ಲ್ಯಾ ಮಾಜ಼ ತ್ವಾಂಡ್ ಆನಿ ಯಂಗ್ದಾ ತುಮ್ಚಾತ್ಲಾ ಯೊಕ್ಬಿ ಬಗ್ನಾರ್ನಾಹಿ ಮನ್ಹುನ್ ಮನಾ ಠಾವಹಾ. 26 ಮನ್ಹುನ್ ಮೀ ಆಜ಼್ ಖರ‍್ಯಾನಿ ಸಾಂಗ್ತೊ, ತುಮ್ಚಾತ್ ಕೊನ್ತರಿ ಹಾಳ್ ಜಾ಼ಲತ ತ್ಯ ಮಾಜೆ ಚು಼ಕಿನಿ ನವ್ಹ. 27 ಕಾ ಮಂಜೆ ಯಾಕ್ಬಿ ಚು಼ರುನ್ ಥೆವಾಚೆ ಆಂದಿ ದೇವಾಚಿ ಪಾರಕ್ ತುಮಾನಾ ಸಾಂಗಾಯಾ ಮಾಗ ಸರ್ಲೊನಾಹಿ. 28 ಸ್ವತಾ ತುಮಾನಾ ಆನಿ ದೇವಾಚೆ ಸಬೆಲಾ ಬಾಳ್ಗಾಯಾ ದೇವಾನಿ ತುಮಾನಾ ಸಾಂಗ್‌ಲ್ಯಾ ತ್ಯಚಿ ಕ್ಯಾಳ್ಜಿ ಕರಾ ತ್ಯ ಕಾಮ್ ಪವಿತ್ರಾತ್ಮಾನಿ ತುಮನಾ ದಿಲ್ಯಾ ತುಮಿ ಸಬೆಲಾ ಗುರಿಕ್ಯಾ ಶಾರ್ಕ ರಾಹ್ಯಾ ವ್ಹಯಿಸಾ ಹಿ ಸಬಾ ದೇವಾನಿ ಆಪ್‍ಲ್ಯಾ ಲೇಕಾಚ಼ ರಗಾತ್ ದಿವುನ್ ಇಕತ್ ಗೆತ್ಲೆ. 29 ಮೀ ಸುಡುನ್ ಗೆಲ್ಯಾ ನಂತರ್ ಕುಳಿಸ್ನ ತುಮ್ಚಿಪ ಯನಾರ್ ಮನ್ಹುನ್ ಮನಾ ಠಾವ ಹಾ; ತೆ ಹಿಂಡಾಲಾ ಶೊಡ್ನಾರ್ನಾಹಿತ. 30 ಯವ್ಡಸ್ ನವ್ಹ ತುಮ್ಚಾತ್ ಥೊಡಜಾ಼ನ್ ಉಠುನ್ ನಕೊತಸ್ಲ ಸಿಕ್ವುನ್ ಇಸ್ವಾಸಿನಾ ಆಪ್ಲಿಕ್ಡ ವಳವುನ್ ಗೆನಾರ್. 31 ಮನ್ಹುನ್ ಮೀ ರಡತ್ ತೀನ್ ವರ್ಸ ರ‍್ಯಾತ್ ದಿಸ್ ಚು಼ಕ್ವಾಚೆ ಆಂದಿ ಪರ್ತೆಕಾಲಾ ಸಿಕಿವ್‍ಲ್ಯಾ ಮನ್ಹುನ್ ತುಮಿ ಯಾದ್ ಕರುನ್ ಹುಶಾರ್ ರಾವ್ಹಾ.

32 ಮೀ ಆತಾ ತುಮಾನಾ ದೇವಾಚಾ, ಆನಿ ತ್ಯಚಾ ಕ್ರಪೆಚಾ ಸಂದೆಸಾಚಾ ತಾಬ್ಯಾತ್ ದೆತೊ. ತ್ಯಚಿಪ ತುಮಾನಾ ಬಾಂದಾಚ಼ ಬಳ್ ಹಾ, ಆನಿ ತುಮಾನಾ ದೆವ್ ಆಪ್‍ಲ್ಯಾ ಸಗ್‍ಳ್ಯಾ ಲೊಕಾನಾ ದೆತ್ಯಾಲಾ ಆಶಿರ್ವಾದ್ ದೆನಾರ್. 33 ಮೀ ಕುನಾಚಾ ಸೊನ ಚಾಂದಿಲಾ ವ್ಹವುನಿ, ಆಯಾರಾಲಾ ವ್ಹವುನಿ ಮನ್ ಕೆಲನಾಹಿ. 34 ಮಿ ಮಾಜಾ ಹ್ಯಾ ಹಾತಾನಿಸ್ ಕಾಮ್ ಕರುನ್, ಮಾಜಿ ಗರಜ಼್ ಆನಿ ಮಾಜೆ ಸಂಗ ಆಸಲ್ಯಾಲ್ಯಾಂಚಿ ಗರಜ಼್ ಕ್ಯಾಡಲ್ಯಾಲಿ ತುಮಾನಾಸ್ ಠಾವಿ ಹಾ. 35 ಸಗ್‍ಳ್ಯಾ ಗುಸ್ಟಿತ್ನಿ ಮೀ ತುಮಾನಾ ಮಾದರಿ ದ್ಯಾವಲೆ. ತುಮಿಬಿ ತಸಿಸ್ ರಾಬುನ್ ಬಳ್ ನಸ್‍ಲ್ಯಾಲ್ಯಾನಾ ಮಜ಼ತ್ ಕರಾಯಾವ್ಹಯಿಸಾ; ಆನಿ; ‘ಗಿಹ್ಯಾಚಾವ್ನಿ ದಿಯಾಚಾತುಸ್ ಖುಬ್ ಆಶೀರ್ವಾದ್ ಹಾ ಮನ್ಹುನ್’ ಪ್ರಭು ಯೇಸುನಿ ಸಾಂಗ್‍ಲ್ಯಾಲಾ ಸಬ್ದ ಯದತ್ ಥೆವಾ” ಮನ್ಲಾ.

36 ಹ್ಯಾ ಬೊಲ್ಯಾ ತ್ಯನಿ ಸಾಂಗ್‍ಲ್ಯಾ ನಂತರ್ ನಡ್ಗ ಮುಡುನ್ ತ್ಯಂಚೆ ಸಗ್‍ಳ್ಯಾಂಚೆ ಸಂಗ ಮಾಗ್ನ ಕರ್ತೊ. 37 ನಂತರ್ ತೀ ಸಗ್ಳಿ ದುಃಖಾನಿ ರಡತ್, ತ್ಯಲಾ ಯಾಂಗ್ ಗಾಲ್ಹುನ್ ಮುಖ ದಿಲ ಜಾ಼ವುನ್ ಎ ಮನ್ಹುನ್ ಸಾಂಗ್ಲ. 38 ತ್ಯನಿ ನಂತರ್ ಆನಿ ಮನಾ ಬಗ್ನಾರ್ನಾಹಿಸಾ ಮನ್ಹುನ್ ಸಾಂಗ್‍ಲ್ಯಾಲ್ಯಾಲಾ ತ್ಯನಾ ಖುಬ್ ದುಃಖ್ ಜಾ಼ಲ್ಹ ಆನಿ ತ್ಯಚಿ ಸಂಗ ವ್ಹಡಿಪರೆತ್ ಗಿಲಿತ ಆನಿ ತ್ಯಲಾ ಲಾವುನ್ ದಿಲಾ.