1 ಆಮಿ ತ್ಯನಾ ಸುಡುನ್ ವ್ಹಡಿತ್ ಚ಼ಡುನ್ ನೀಟ್ ಕೊಸ್ ದ್ವೀಪಾತ್ ಯವುನ್. ದುಸ್ರೆದಿಸಿ ರೊದ ದ್ವೀಪಾತ್ ಜಾ಼ವುನ್ ತಿತ್ನಿ ಪತರ್ ಪೆಠತ್ ಗೆಲಾವ್. 2 ತಿಥ ಪೊಯಿನೀಕೆತ್ ಜಾ಼ತ್ಯಾಲಿ ವ್ಹಡಿ ಬಗುನ್, ತ್ಯಾತ್ನಿ ಮೊರ‍್ಹ ಜಾ಼ಯಾಲಾಗ್ಲಾವ್. 3 ಮೊರ‍್ಹ ಕುಪ್ರದ್ವೀಪಾ ಬಗುನ್ ಡಾವ್ಯಾಂಗ್ನಿ ಸುಡುನ್ ಸಿರಿಯಾಕ್ಡ ಜಾ಼ವುನ್ ತುರ್ ಪೆಠತ್ ಯವುನ್ ಉತಾರ್ಲಾವ್. ಕಾ ಮಂಜೆ, ತಿಥ ಸಾಮ್ನ ಉತ್ರಾಚಿ ಹುತ್ತಿತ. 4 ತಿಥ ಇಸ್ವಾಸಿನಾ ಸುದುನ್ ಕಾಡುನ್, ಸಾತ್ರೊಜ಼್ ರಾಯ್ಲಾವ್. ತ್ಯೆ ಪವಿತ್ರ ಆತಮ್ಯಾಚಾ ಸಾಂಗನ್ಯಾನಿ ಪೌಲಾಲಾ; ತು ಯೆರುಸಲೇಮಿತ್ ಜಾ಼ವುನಕೊ ಮನ್ಹುನ್ ಸಾಂಗತ್ಯಾತ. 5 ತೆದಿಸ್ ಸಪ್ವುನ್ ಆಮಿ ಜಾ಼ತಾನಾ ತ್ಯೆ ಸಗ್ಳ ಆಪಲ್ಯಾ ಬ್ಯಾಯ್ಕಾ ಪೊರಾ ಸಾಹಿತ್ ಯವುನ್ ಆಮಾನಾ ಗಾವಾತ್ನಿ ಬಾಹಿರ್ ಲಾವುನ್ ದೆತ್ಯಾತ. ಆಮಿ ಸಂಮೀದೊರಾಪ ನಡ್ಗಟಿಕ್ವುನ್ ಮಾಗ್ನ ಕರುನ್, 6 ಯಕಾಮಕಾಲಾ ಜಾ಼ವುನ್ ಯತಾವ್ ಮನ್ಹುನ್ ಸಾಂಗುನ್ ವ್ಹಡಿತ್ ಚ಼ಡ್ಲಾವ್; ತ್ಯೆ ಮಾಗಾರ ಪರ್ತುನ್ ಆಪ್‍ಲ್ಯಾ ಆಪ್‍ಲ್ಯಾ ಗರಾತ್ನಿ ಗೆಲ.

7 ಆಮಿ ತುರ್ ಪೆಠತ್ನಿ ನಿಗುನ್ ಪ್ತೊಲೆಮಾಯಾತ್ ಜಾ಼ವುನ್ ಸಮಿಂದೊರಾವ್ನಿ ವ್ಹಡಿತ್ನಿ ಪಾರ್ ಜಾ಼ಲಾವ. ತಿತ್ನಿ ಇಸ್ವಾಸಿನಾ ಬಿಠುನ್ ತ್ಯಂಚಿಪ ಯೆಕ್ದಿಸ್ ರಾಹುನ್, 8 ದುಸ್ರೆದಿಸಿ ನಿಗುನ್ ಕೈಸರಾತ್ ಯವುನ್, ಬರಿ ಖಬರ್ ಸಾಂಗ್‍ತ್ಯಾಲ್ಯಾ ಫಿಲಿಪಾಚಾ ಗರಾತ್ ಜಾ಼ವುನ್ ತ್ಯಂಚಿಪಸ್ ರಾಯ್ಲಾವ್. ಯೆರುಸಲೆಮಿಚೆ ಮಜ಼ತಿಸಾಟಿ ನಿವಡ್‍ಲ್ಯಾಲ್ಯಾ ಸಾತ್‍ ಜ಼ನಾತ್ಲಾ ಹ್ಯೊ ಯೊಕ್ ಜಾ಼ಲ್ತಾ. 9 ತ್ಯಚಾ ಚಾರ್ ಪುರಿ ಹುತ್ಯಾ ತ್ಯಂಚಿ ಲಗ್ನ ಜಾ಼ಲಿ ನವ್ಥಿತ; ತ್ಯಾ ದೆವಾಚಾ ಗುಸ್ಟಿ ಭವಿಸ್ವಾನಿ ಕರಿತ್ಯಾ 10 ಆಮಿ ತಿಥ ಖುಬ್ ದಿಸ್ ರಾಯಲ್ಯಾ ನಂತರ್, ಅಗಬ ನಾವಾಚಾ಼ ಯೊಕ್ ಪ್ರವಾದಿ ಯುದಾಯಾತ್ನಿ ಆಮ್ಚಿಪ ಆಲಾ. 11 ತ್ಯೊ ಆಮಚಿಪ ಯವುನ್ ಪೌಲಾಚೆ ಕಮ್ರತ್ಲಾ ಪಟ್ಟಾ ಗಿಹುನ್, ಆಪ್ಲ ಹಾತ್ ಪ್ಯಾ ಬಾಂದುನ್; “ಹ್ಯೊ ಪಟ್ಟಾ ಕುನಾಚಾ಼ ತ್ಯಲಾ ‘ಯಹುದಿ ಆಸಸ್ ಯೆರುಸಲೇಮಿತ್ ಬಾಂದುನ್ ಯಹುದಿ ನಸಲ್ಯಾಲ್ಯಾಂಚಾ ಹಾತಾತ್ ದೆನಾರ್, ಮನ್ಹುನ್ ಪವಿತ್ರಾತ್ಮ ಸಾಂಗ್ತ ಮನ್ಲಾ.

12 ಕವಾ ತ್ಯಾ ಬೊಲ್ಯಾ ಐಕ್‍ಲ್ಯಾ ತವಾ ಆಮಿ, ಆನಿ ತಿತಲ್ಯಾಂಚಾನಿ; ತು ಯೆರುಸಲೇಮಿತ್ ಜಾ಼ವುಸ್ ನಕೊ ಮನ್ಹುನ್ ಪೌಲಾಪ ಇಂತಿ ಕಿಲಿ. 13 ಫನ್ ಪೌಲ್; “ತುಮಿ ರಡುನ್ ಕಾ ಮಾಜ಼ ಮನ್ ಮ್ಯೊಡ್ತಾಸಾ? ಮೀ ಪ್ರಬು ಯೇಸುಚಾ ನಾವಾಸ್ಲಾಗುನ್ ಯೆರುಸಲೇಮಿತ್ ಬೆಡ್ಯಾ ಗಾಲುನ್ ಗಿಹ್ಯಾ ತ್ಯವ್ಡಸ್ ನವ್ಹ ಮರಾಯಾಬಿ ತಯಾರ್ ಹಾ” ಮನ್ಲಾ.

14 ತ್ಯೊ ಹು ಮನ್ಲಾನಾಹಿ ಮನ್ಹುನ್; “ಪ್ರಭುಚಾ ಮನಾಶಾರ್ಕ ವ್ಹವುನಿ” ಮನ್ಹುನ್ ಸಾಂಗುನ್ ಆಮಿ ಗಪ್‍ ಜಾ಼ಲಾವ್.

15 ತ್ಯೆ ದಿಸ್ ಜಾ಼ಲ್ಯಾ ನಂತರ್ ಆಮಿ ತಯಾರ್ ವ್ಹವುನ್ ಯೆರುಸಲೇಮಿತ್ ನಿಗಾಲಾವ್. 16 ಕೈಸರೈತ್ನಿ ಥೊಡ ಶಿಶಾ ಆಮ್ಚೆ ಸಂಗ ಯವುನ್ ಆಮಿ ಜಾ಼ಯಾ ವ್ಹಯಿತ್ಯಾ ಗರ‍್ಹಾಪರೆತ್ ಆಮಾನಾ ಹಾಕ್ಟುನ್ ಗಿಹುನ್ ಗೆಲ. ತ್ಯಾ ಗರಾತ್ಲಾ ಪೈಲ್ಯಾ ಶಿಶಾತ್ಲಾ ಯೊಕ್ ಕ್ರುಪಾತ್ಲಾ ಮ್ನಾಸೊನ್ ಮಂತ್ಯಾಲಾ ಹುತ್ತಾ.

17 ಆಮಿ ಯೆರುಸಲೇಮಿತ್ ಆಲಾವ್ ತವಾ ಇಸ್ವಾಸಿಂಚಾನಿ ಆಮಾನಾ ಸಂತೊಶಾನಿ ಸ್ವಾಗತ್ ಕೆಲಾ. 18 ದುಸ್ರೆದಿಸಿ ಪೌಲ್ ಆಮಾನಾ ಹಾಕ್ಟುನ್ ಗಿವುನ್ ಯಾಕೊಬಾಲಾ ಬೆಠಾಲಾ ಗೆಲಾ. ತವಾ ಸಬೆಚ಼ ಜಾಂತ ಸಗ್ಳ ತಿಥ ಹುತ್ತ. 19 ಪೌಲಾನಿ ತ್ಯನಾ ಸ್ವಾಗತ್ ಕರುನ್ ದೇವಾನಿ ಯಹುದಿ ನಸಲ್ಯಾಲ್ಯಾ ಲೊಕಾತ್ನಿ ಕೆಲ್ಯಾಲ ಕಾಮ್ ಯಾಕ್ ಯಾಕ್ ಉಗ್ಡುನ್ ಸಾಂಗ್ಲಿತ. 20 ತ್ಯಂಚಾನಿ ತ್ಯ ಐಕುನ್ ದೇವಾಲಾ ವವ್ಯಾಳಾ. ತವಾ ತೆ ತ್ಯಲಾ ಮನ್ಲ; “ಬಾವ್ಹಾ, ಯೆಹುದ್ಯಾತ್ಲ ಯೇಸುವ ಇಸ್ವಾಸ್ ಥೆವ್ನಾರ ಹಾಜಾ಼ರ್ಜಾ಼ನ್ ಆಸ್‍ಲ್ಯಾಲ ಬಕ್ಷಿಲ್. ತ್ಯನಾ ಸಗ್‍ಳ್ಯಾನಾ ಧರ್ಮಶಾಸ್ತಾರ್ ಬಕ್ತಿನಿ ಪಾಳಾಚ಼ ಮಹತ್ವಾಚ಼ ವಾಟ. 21 ಯಹುದಿ ನಸಲ್ಯಾಲ್ಯಾ ಲೊಕಾಂಚೆ ಮದ್ದಿ ರಾನ್ಹಾರ‍್ಯಾ ಯೆಹುದ್ಯಾನಾ; ‘ಯಹುದಿ ನಸಲ್ಯಾಲ್ಯಾ ತುಮ್ಚಾ ಪೊರಾನಾ ಮುಂಜಿ ಕರುನಕೊಸಾ, ತ್ಯಂಚಾ ಆಚಾರಾಚೆಗತ್ ಚಾ಼ಲು ನಕೊಸಾ ದರ್ಮಶಾಸ್ತಾರ್ ಪಾಳುನಕೊಸಾ ಮನ್ಹುನ್ ಶಿಕಿವತೊಸ್’ ಆಸ ತುಜೆ ಗುಸ್ಟಿತ್ ಯಹುದಿ ಲೊಕಾಂಚಾನಿ ಸಾಂಗ್‍ಲ್ಯಾ. 22 ತು ಆಲ್ಯಾಲಾ ತ್ಯನಾ ಕಸಾ ಸಮಾಜ್ನಾ಼ರ್. ಆತಾ ಆಮಿ ಕ್ಯಾ ಕರಾಯಾ ವ್ಹಯಿ? 23 ತವಾ ಆತಾ ಆಮಿ ತುಲಾ ಸಾಂಗತಾವ್ ತಸ ಕರ್. ಆಮ್ಚಿಪ ಶಪತ್ ಕೆಲ್ಯಾಲ ಚಾರ್ಜಾ಼ನ್ ಹಾತ. 24 ತು ತ್ಯನಾ ಹಾಕ್ಟುನ್ ನಿಹುನ್ , ತ್ಯಂಚಿ ಸಂಗ ಶುದ್ ಕರುನ್ ಘೆ ತ್ಯೆ ಆಪಲ್ಯಾ ಆಪಲ್ಯಾ ಶಪ್ತಿ ಫಿಡುಂತ, ತ್ಯಂಚಾ಼ ಕರ್ಚ಼ ತು ದೆ. ಆಸ ಕೆಲ್ಯಾವ ಸಗ್ಳಿ ತುಜೆ ಗುಸ್ಟಿತ್ ಆಪ್ನು ಐಕ್ಯಾಲ್ಯಾಲ ಖರನವ್ಹ ಮನ್ಹುನ್, ತು ದರ್ಮಶಾಸ್ತಾರಾಚೆಗತ್ ಚಾ಼ಲ್ತೊಸ್, ಮನ್ಹುನ್ ಸಮಜು಼ನ್ ಗಿಥಿಲ. 25 ಯಹುದಿ ನಸಲ್ಯಾಲ್ಯಾಂಚಾನಿ ಯೇಸುವ ಇಸ್ವಾಸ್ ತೆವಲ್ಯಾಲ್ಯಾಂಚೆ ಗುಸ್ಟಿತ್, ಪಾಶಾನಾನಾ ಥೆವಲ್ಯಾಲಾ ನಿವದ್, ರಗಾತ್, ಮಾನ್ ಆವ್ಳುನ್ ಮ್ಯಾರ್ಲ್ಯಾಲ ಜ಼ನಾವಾರಾಚ಼ ಮಾಸ್ ಖಾವುನಾಹಿ ವ್ಯಬಿಚಾರ್ ಆನಿ ಅನಿತಿಕ್ ಸಮಂದ್ ಸುಡುನ್ ದುರ್ ವ್ಹಯಾವ್ಹಯಿ ಮನ್ಹುನ್ ಆಮಿ ನಿರ್ಧಾರ್ ಕೆಲ್ಯಾಲಾ ನೆಮ್ ಲಿವುನ್ ಲಾವುನ್ ದಿಲ್ಯಾನವ್ಹ” ಮನ್ಹುನ್ ಸಾಂಗತ್ಯಾತ.

ಅಪೊಸ್ತಲ್ 15:29 26 ತವಾ ಪೌಲ್ ದುಸ್ರೆದಿಸಿ ತ್ಯಾ ಚಾರ್ ಜ಼ನಾಸಂಗ್ನಿ ಜಾ಼ವುನ್ ಶುದ್ ಕರಾಚಾ಼ ನೆಮ್ ಕೆಲಾ. ನಂತರ್ ಶುದ್ ಕರುನ್ ಸಪ್ವಾಚ಼ ದಿಸ್ ಸಮಜಾ಼ಯಾ ಸಾಟಿ ದೇವ್ಳಾತ್ ಗೆಲಾ. ತ್ಯಂಚಾತ್ ಪರ್ತೆಕಾಲಾ ಜ಼ನಾವರ ಕವಾ ಮಾರಾಚಿ ಮನ್ಹುನ್ ಸಾಂಗ್ತೊ.

27 ತ್ಯೆ ಸಾತ್ ದಿಸ್ ಸರ್ತ್ಯಾತ ಮಂಜೆ ಆಶಾ ಸೀಮತ್ನಿ ಆಲ್ಯಾಲ್ಯಾ ಯೆಹುದ್ಯಾಂಚಾನಿ ಪೌಲಾಲಾ ದೇವ್ಳಾತ್ ಬಗುನ್ ಹಿಂಡಾತಲ್ಯಾ ಲೊಕಾನಾ ಸಗಳ್ಯಾ ಪಾಕುನ್ ತ್ಯಲಾ ದರ್ಲಾ; 28 “ಇಸ್ರಾಯೇಲ್ ಲೊಕಾನು, ಆಮಾನಾ ಮಜ಼ತ್ ಕರಾ, ಆಮ್ಚಾ ಲೊಕಾನಾಬಿ, ಧರ್ಮಶಾಸ್ತಾರಾಲಾ, ಹ್ಯಾ ದೇವ್ಳಾಚೆ ಆಡ್ವ ಕುಠಬಿ, ಸಗಳ್ಯಾನಾ ಶಿಕಿವ್ನಾರಾ ತ್ಯೊ ಮಾನುಸ್ ಹ್ಯೊಸ್. ಯವ್ಡಸ್ ನವ್ಹ ಹ್ಯೊ ಗ್ರೀಕಾನಾ ದೇವ್ಳಾತ್ ಹಾಕ್ಟುನ್ ಆನುನ್ ಹ್ಯೊ ಪವಿತ್ರ ಜಾ಼ಗಾ ಬಾಟಿವಲ್ಯಾ” ಮನ್ಹುನ್ ವರಾಡ್ಲ. 29 ಆಂದಿ ತೆ ಎಫೆಸಾಚಾ ತೊಪ್ರಿಮಾಲಾ ತ್ಯಂಚಿ ಸಂಗ ಪೆಠತ್ ಬಗ್ಲಾ ಮನ್ಹುನ್ ತ್ಯಲಾ ಪೌಲಾನಿ ದೇವ್ಳಾತ್ ಹಾಕ್ಟುನ್ ಆನ್ಲಾ ಮನ್ಹುನ್ ಸಮಜು಼ನ್ ಗೆತ್ಯಾತ.

30 ತವಾ ಪೆಠತ್ ಸಗ್ಳಿಕ್ಡ ಗೊಂದೊಳ್ ಜಾ಼ಲ್ಹಾ, ತವಾ ಲೊಕ ಸಗ್ಳಿಕ್ನಿ ಪಳತ್ ಯವುನ್ ಯಕಿಕ್ಡ ಜ಼ಮ್ಲಿತ. ಆನಿ ಪೌಲಾಲಾ ದರುನ್, ದೇವ್ಳಾತ್ನಿ ಬಾಹಿರ್ ವಡುನ್ ಆನಲ್ಯಾ ಬರ್ಬರ್ ದಾರ ಜಾ಼ಖ್ಲಿತ. 31 ತೆ ತ್ಯಲಾ ಮಾರುನ್ ಟಾಕಾಯಾ ಯತ್ನ ಕರ್ತಾನಾ ಯೆರುಸಲೇಮಿತ್ ಸಗ್ಳಿಕ್ಡ ಗೊಂದೊಳ್ ಉಟ್ಲಾ ಮನ್ಹುನ್ ಪಟಾಲಮಿಚಾ ಸರದಾರಾಲಾ ಬಾತ್ನಿ ಪುಚ್ಲಿ಼. 32 ತ್ಯೊ ತಾಬಡ್ತೊಬ್ ಸಿಪಾಯಿನಾ, ಶತಾದಿಪತಿನಾ ಅದಿಕಾರ‍್ಯಾನಾ ಗಿಹುನ್ ತಿಥ ಪಳತ್ ಆಲಾ. ತವಾ ತ್ಯಂಚಾನಿ ತ್ಯನಾ ಬಗುನ್ ಪೌಲಾಲಾ ಮಾರಾಚ಼ ಥಾಂಬಿವ್ಲ. 33 ಮಂಗ್ ಸರದಾರ್ ಪೌಲಾಪ ಯವುನ್ ತ್ಯಲಾ ದರಲ್ಯಾಲ್ಯಾಲಾ ದೊನ್ ಸಾಕಳ್ಯಾಂಚಾನಿ ಬಾಂದಾಯಾ ಸಾಂಗ್ಲ; ಆನಿ ಹ್ಯೊ ಮಾನುಸ್ ಕೊನ್? ಹ್ಯನಿ ಕ್ಯಾ ಚು಼ಕ್ ಕೆಲೆ? ಮನ್ಹುನ್ ಇಚಾರ್ಲ 34 ತವಾ ಗರ್ದಿತ್ನಿ ಥೊಡ್ಯಾಚಾಂನಿ ಆಸ, ಥೊಡ್ಯಾಚಾಂನಿ ತಸ ಮನ್ಹುನ್ ವರಾಡ್ತಾನಾ ಗೊಂದ್ಳಾಸ್ಲಾಗುನ್ ಖರ ಸಮಜಾ಼ಚೆ಼ ಆಂದಿ ತ್ಯಲಾ ಕೊಟೆತ್ ಗಿಹುನ್ ಜಾ಼ವಾ ಮನ್ಹುನ್ ಹುಕುಮ್ ದೆತೊ. 35 ಪೌಲ್ ಪ್ಯಾಯರ‍್ಯಾಂಚಿವ ಆಸ್ತಾನಾ ಸಿಪಾಯಿಂಚಾನಿ ತ್ಯಲಾ ಉಚ಼ಲುನ್ ನೆಲಾ. ಕಾಮಂಜೆ ಹಿಂಸಕ್ ಲೊಕ ಖುಬ್ ಜ಼ಮ್ಲಿಹುತ್ತಿತ 36 ಮಿಳುನ್ ಆಲ್ಯಾಲಿ ಲೊಕ ಮಾಗ್ನಿ ಯವುನ್; “ತ್ಯಲಾ ಮಾರುನ್ಟಾಕಾ” ಮನ್ಹುನ್ ವರ್ಡತಿತ.

37 ಶಿಪಾಯಿಂಚಾನಿ ಪೌಲಾಲಾ ಕೊಟೆತ್ ಗಿಹುನ್ ಜಾ಼ಯಾಚೆ ಆಂದಿ ತ್ಯನಿ ತ್ಯಾ ಸರದಾರಾಲಾ, “ಮಿ ಜ಼ರಾ ಬುಲು ಕ್ಯಾ? ಮನ್ಹುನ್ ಇಚಾರ್ಲ ತವಾ ತ್ಯನಿ; “ತುಲಾ ಗ್ರೀಕ್ ಬಾಶೆ ಯತಿಕ್ಯಾ? 38 ಥೊಡ್ಯಾ ದಿಸಾಚೆ ಮಾಗ ದಂಗಾ ಉಟ್ವುನ್ ತ್ಯೆ ಚಾರ್ ಹಾಜಾ಼ರ್ ಜಾ಼ನ್ ಖುನ್ಸಿನಾ ರಾನಾತ್ ಹಾಕ್ಟುನ್ ನೆಲ್ಯಾಲಾ ತ್ಯೊ ಐಗುಪ್ತ್ ತುಸ್ ನವ್ಹಸ್ ಕ್ಯಾ? ಮನ್ಹುನ್ ಇಚಾರ್ತೊ.

39 ತ್ಯಲಾ ಪೌಲಾನಿ ಉತ್ತರ್ದಿಲಾ; “ಮೀ ಯೆಹುದ್ಯಿ, ತಾರ್ಸಸಾತ್ ಜ಼ಲಾಮಲ್ಯಾಲೊ, ನಾವ್ ವಾಜ಼ಲ್ಯಾಲೆ ಪೆಠಚಾ ಕಿಲಿಕ್ಯಾ ಸಿಮತ್ಲಾ. ದಯೆಥಿವುನ್ ಹ್ಯಾ ಲೊಕಾಂಚಿಸಂಗ ಜ಼ರಾ ಬೊಲಾಯಾ ಮನಾ ಹುಕುಮ್ ದೆ”

40 ಸರದಾರಾನಿ ಹುಕುಮ್ ದಿಲಾ, ಪೌಲ್ ಪ್ಯಾಯರ‍್ಯಾವ್ನಿ ಉಬಾರಾಹುನ್, ಲೊಕಾನಾ ಹಾತಾನಿ ಸುಸ್ನಾ ಕರ್ತೊ. ಗೊಂದೊಳ್ ಖುಬ್ ಶಾಂತ್ ಜಾ಼ಲ್ಯಾ ನಂತರ್ ತ್ಯೊ ಇಬ್ರಿಯಾ ಬಾಶೆತ್ ಬೊಲಾಯಾ ಲಾಗ್ಲಾ.