ಯಾಕೊಬನು ಬರೆದ ಪತ್ರಿಕೆ
ಯಾಕೊಬಾನಿ ಲಿವ್‌ಲ್ಯಾಲ ಪತ್ರ
ವಳಕ್
ಯಾಕೊಬಾನಿ ಲಿವ್‌ಲ್ಯಾಲ ಪತ್ರ ಯಾಕೊಬ್ ಮನ್ಹುನ್ ಹಾಕಟ್ಯಾಲ್ಯಾ ಕುನಿ ಯಕಾನಿ ಲಿವ್‌ಲ್ಯಾ. ಖುಬ್ ಕರುನ್ ಹ್ಯೊ ಯೇಸುಚಾ಼ ಬಾಹು ಯಾಕೊಬ್ ಆಸಲ್, ತ್ಯೊ ಸುರ್ವಾತಾಚೆ ಸಭೆಚಾ಼ ಫುಡಾರಿ ಜಾ಼ಲ್ಯಾಲ್ಯಾ ಯೇರುಸಲೆಮಿಚೆ ಮಹಾ ಸಭೆತ್ ಆಸ್‌ಲ್ಯಾಲಾ ಜಾ಼ಲ್ಯಾಅಪೊಸ್ತಲ್ 15:13 ಅಪೊಸ್ತಲ್ ಪೌಲ್ ಸಾಹಿತ್ ಗಲಾತ್ಯಾನಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ ಗಲಾಥ್ಯ 2:9 ಹ್ಯಲಾ ಯೊಕ್ ಸಭೆಚಾ಼ ಖಾಂಬ್ ಮನ್ಹುನ್ ಹಾಕಟೊ. ವಿದ್ವಾಂಸ್ ಯಾಕೊಬಾನಿ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ ಕ್ರಿಸ್ತ್ ಜ಼ಲಾಮ್‌ಲ್ಯಾ ನಂತರ್ ಖುಬ್ ಕರುನ್ 50 ವರ್ಸಾತ್ ಲಿವ್‌ಲ್ಯಾ ಮನ್ಹುನ್ ಇಸ್ವಾಸ್ ಥೆವ್‌ತ್ಯಾತ. ಯಾಹೊಕ್ ಯೆರುಸಲೆಮಿಚೆ ಸಭೆತ್ ಯೊಕ್ ಫುಡಾರಿ ಜಾ಼ಲ್ಥಾ.
ಖುಬ್ ಕರುನ್ ಹ್ಯೊ ತಿಥ ಜೀವ್ನಾಕರ್ತಾನಾ ಹ್ಯ ಪತ್ರ ಲಿವ್ಲ ಆಸಲ್ ಯಾಕೊಬಾನಿ ಹ್ಯ ಪತ್ರ ದುಸ್ರೆ ದುಸ್ರೆ ದೆಶೆತ್ ಪಗಳುನ್ ಗೆಲ್ಯಾಲ್ಯಾ ಬಾರಾ ಕುಳಾಂಚಾ ಉದ್ದೆಶಾನಿ ಲಿವ್‌ಲ್ಯಾ1:1ಯಾಕೊಬಾಚಾ ಪತ್‌ರ‍್ಯಾತ್ ಆಸ್‌ಲ್ಯಾಲ ಸಿಕಿವ್ನ ಸಗ್ಳ ಕ್ರಿಸ್ತಾಚಾ ಇಸ್ವಾಸಿನಾ ಪೈಲ್ಯಾನಿಸ್ ಫನ್ “ಬಾರಾ ಆಳ್” ಮಂಥ್ಯಾಲಾ ಸಬ್ದಾಚಾ಼ ಉಪಯೋಗ್ ಯಾಕೊಬಾನಿ ಶಾರ್ಕಾ ಯೆಹುದಿ ಕ್ರಿಸ್ತಾಚಾ ಇಸ್ವಾಸಿನಾ ಲಿವ್ತೊ ಮನ್ಹುನ್ ದಾವುನ್ ದೆತ. ಕಾ ಮಂಜೆ ಹ್ಯ ಪುಸ್ತಕ್ ಖುಬ್ ವಾಚಿವ್‌ತ್ಯಾಲ್ಯಾನಾ ಪೊಚಾ಼ಯಾ ವ್ಹಯಿ ಜಾ಼ಲ್ಥ. ಹ್ಯಾತ್ ಖುಬ್ ಗುಶ್ಟಿ ಹಾತ್ತಾ. ಯಾಕೊಬಾನಿ ಇಸ್ವಾಸಾಚಾ಼ ಆನಿ ಕಾಮಾಚೆ ಮದ್ದಿ ಅಸ್‌ಲ್ಯಾಲಾ ಸಂಬಂದಾಚೆ ಗುಶ್ಟಿತ್ ಖುಬ್ ದ್ಯಾನ್ ದೆತೊ. ಖರಾ ಇಸ್ವಾಸ್ ಕಾಮಾನಿ ದಾವುನ್ ದೆತೊ 2:17 ತ್ಯನಿ ಸಾವ್ಕರ್ಕಿ ಲೊಕಾನಾ ಆಡ್ವಚಿ ಹುಶಾರ್ಕಿ ದೆತೊ. 2:1-4 ಆನಿ ಆಮಿ ಸಾಂಗ್‌ತ್ಯಾಲ್ಯಾಚೆ ಗುಶ್ಟಿತ್ ಹುಶಾರ್ಕಿ ರಾಹ್ಯಾ ವ್ಹಯಿ ಮನ್ಹುನ್ ಸಾಂಗುನ್ ದೆತೊ 3:1-12
ಪಿಠಿಕೆ
1. ಯಾಕೊಬ್ ವಾಚಿವ್‌ತ್ಯಾಲ್ಯಾನ್ ವಂದನ್ ಕರ್ತೊ 1:1
2. ನಂತರ್ ತ್ಯೊ ಕಷ್ಟ ಯತಾನ್ ಸುಸ್ವುನ್ ಗಿಹ್ಯಾಲಾ ಕ್ರಿಸ್ತಾಚಾ ಇಸ್ವಾಸಿನಾ ಉಮೇದ್ ದೆತೊ1:2-27
3. ನಂತರ್ ತ್ಯೊ ಕಾಮಾನಿ ಇಸ್ವಾಸ್ ದಾವಾಚಾ಼ ಕ್ಯವ್ಡಾ ವ್ಹಯಿ ಜಾ಼ಲ್ಯಾ ಮನ್ಹುನ್ ಸಾಂಗ್ತೊ 2:1-26
4. ಹ್ಯಚೆ ನಂತರ್ ಬೊಲ್ಯಾ ಕ್ಯವಡ್ಯಾ ಬಳಾಚಾ ಆಸ್‌ತ್ಯಾತಾ ಮನ್ಹಾಚ಼ ಸಾಂಗ್ತೊ 3:12
5. ತವಾ ಯಾಕೊಬಾ ದುನೆಚ಼ ಗಿನ್ಯಾನ್ ದೆವಾಚಾ ಗಿನ್ಯಾನ್ಯಾವ್ನಿ ಕ್ಯವ್ಡ ಯಗ್ಳ ಹಾ ಮನ್ಹಾಚ಼ ಫುಡುನ್ ಸಾಂಗ್ತೊ 3:13—4:10
6. ನಂತರ್ ತ್ಯೊ ಬಡಾಯಿ ಕರ್ತ್ಯಾಲ್ಯಾಂಚೆ ಆಡ್ವ ವಾಚಿವ್‌ತ್ಯಾಲ್ಯಾನಾ ಹುಶಾರ್ಕಿ ದೆತೊ 4:11—5:6
7. ವಚನಾತ್ ಥೊಡ್ಯಾ ಬ್ಯಾರ್ಕಾ ಸುಚ಼ನಾ ದಿಯಿತ್ ಪತ್ರ ಸುಪಿವ್ತೊ.5:7-20
1
1 ದೇವಾಲಾಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಲಾಬಿ ಸೇವಕ್ ಜಾ಼ಲ್ಯಾಲಾ ಯಾಕೊಬ್ ದುಸರೆ ದೇಶೆತ್ ಪಗಾಳ್ಯಾಲ್ಯಾ ಇಸ್ರಾಯಲಾಂಚಾ ಬಾರಾ ಕುಳಾತ್‌ಲ್ಯಾನಾ ಲಿವ್‌ಲ್ಯಾಲ ಕ್ಯಾಮಂಜೆ, ತುಮಾನಾ ಬರ ವ್ಹವುನಿ.
ಇಸ್ವಾಸ್ ಆನಿ ಗಿನ್ಯಾನ್
2 ಮಾಜಾ ಬನ್ಹಿ ಬಾವ್ಹಾನು, ತುಮಿ ನಾನಾ ತರಚ಼ ತರಾಸ್ ಕ್ಯಾಡ್ನಾರ್ ತ್ಯ ನಿಸ್ಥ ಸಂತೊಶಾಚ಼ ಮನ್ಹುನ್ ಸಮಜಾ಼. 3 ಕಾ ಮಂಜೆ ತುಮ್ಚಾ ಇಸ್ವಾಸಾಲಾ ವ್ಹತ್ಯಾಲಿ ಪರೀಕ್ಷೆ ತುಮಾನಾ ಸಮಾದಾನ್ ಕರ್ತಿ ಮನ್ಹುನ್ ತುಮಾನಾ ಸಮಜು಼ನಿ. 4 ತ್ಯೊ ಸಮಾದಾನ್ ಪುರಾ ತುಮ್ಚಿಪ ದಿಸುನಿ, ತವಾ ತುಮಿ ಸರ್ವ್ಯಾ ಗುನಾಚ಼, ನಿರ್ದೊಸಿ, ಕಶಾತ್ ಕಮ್ಮಿ ನಸಲ್ಯಾಲಿ ವ್ಹನಾರ್. 5 ಫನ್ ತುಮ್ಚಿಪ ಕುನಾಪತರಿ ಗಿನ್ಯಾನ್ ಕಮ್ಮಿ ಆಸ್ಲತ ತ್ಯೊ ದೇವಾಪ ಮಾಗುನಿ, ತ್ಯ ತ್ಯಲಾ ಗಾವ್ನಾರ್.
ಕಾಮಂಜೆ ದೇವ್ ದಪಕ್ಯಾವಾಚೆ ಆಂದಿ ಸಗ್‌ಳ್ಯಾನಾ ಪುಕಟ್ ದೆನಾರಾ ಜಾ಼ಲ್ಯಾ. 6 ಫನ್ ದೇವಾಪ ಮಾಗ್ನಾರ‍್ಯಾನಿ ಥೊಡಾಬಿ ಸಂಸೆವ್ ನಸ್ಥಾನಾ ಇಸ್ವಾಸಾನಿ ಮಾಗುನಿ. ಸಂಸೆವ್ ಕರ್ನಾರಾ ವಾರ‍್ಯಾನಿ ಆದ್ಳುನ್ ಸಮಿಂದೊರಾಚಾ ಲಾಟಾಚೆಗತ್ ಹಿಕ್ಡ ತಿಕ್ಡ ಪಿರತ್ಯೊ. 7 ತ್ಯೊ ಮಾನುಸ್ ಆಪ್ನು ಪ್ರಭುಪ್ನಿ ಕಾಯ್ತರಿ ಗಾವ್ನಾರ್ ಮನ್ಹುನ್ ಯವ್‍ಜು಼ನಾಹಿ. 8 ಕಾಮಂಜೆ ತ್ಯೊ ದೊನ್ ಮನಾಚಾ಼, ತ್ಯಚಿ ಚಾ಼ಲ್ನುಕ್ ಶಾರ್ಕಿನಾಹಿ.
ಗರಿಬ್ ಆನಿ ಸಾವ್ಕೊರ
9 ಗರಿಬ್ ಆಸ್‌ಲ್ಯಾಲಾ ಬಾಹು ಆಪ್ನು ಸಾವ್ಕೊರ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ. 10 ಸಾವ್ಕೊರ್ ಆಸ್ನಾರಾ ಆಪ್ನು ಗರಿಬ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ; ಕಾಮಂಜೆ ಸಾವ್ಕೊರ್ ಗವ್ತಾಚಾ ಪುಲಾಚೆಗತ್ ನಾಹಿನಪಟ್ ವ್ಹನಾರ್. 11 ದಿಸ್ ಉಗಾವಲ್ಯಾ ನಂತರ್ ಜ಼ಳ್‌ತ್ಯಾಲ್ಯಾ ಉನಾನಿ ಆಳಿ ವಾಳುನ್, ಪುಲ್ಲ ಜ಼ಡುನ್ ತ್ಯಚಿ ಸೊಬಾ ನಾಹಿವ್ಹತಿ; ತಸಾಸ್ ಸಾವ್ಕೊರ್ ಆಪ್‌ಲ್ಯಾ ಯತ್ನಾತ್ ಪಡುನ್ ನಾಸ್ ವ್ಹವುನ್ ಜಾ಼ನಾರ್.
12 ಪರಿಕ್ಷೆ ಸುಸುನ್ ಗೆನ್ಹಾರಾ ಬರಾ. ತ್ಯೊ ಪರಿಕ್ಷೆತ್ ಘಟ್ ರಾಹುನ್ ಪ್ರಭು ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಸಬ್ದ ದಿಲ್ಯಾಸಾರಾ ಶಾಶ್ವತ್ ಜೀವಾಚ಼ ಕಿರಿಟ್ ಗೆನ್ಹಾರ್.
ಪರಿಕ್ಶಾ ಆನಿ ತರಾಸ್
13 ಕೊನ್ತರಿ ಪರಿಕ್ಶೆತ್ ಪಡ್‌ಲ್ಯಾ ನಂತರ್ ಹೀ ಪರಿಕ್ಶೆ ಆಪ್‌ಲ್ಯಾಲಾ ದೇವಾನಿ ದಿಲಿ ಮನ್ಹುನ್ ಸಾಂಗುನಾಹಿ. ಕಾಮಂಜೆ ದೇವ್ ಬುರ್ಶಾನಿ ಪರಿಕ್ಶೆ ದಿಯಿತ್ನಾಹಿ. ಆನಿ ತ್ಯೊ ಕುನಾಲಾಸ್ ಪರಿಕ್ಶೆ ಕರಿತ್ನಾಹಿ. 14 ಫನ್ ಪರ್ತೆಕ್ ಯೊಕ್ ಬುರ್ಶೆ ಆಶೆತ್ ಗಾಹುನ್ ಖುಳಾ ವ್ಹವುನ್ ಪರಿಕ್ಶೆತ್ ಗಾವ್ತೊ. 15 ತ್ಯಾ ನಂತರ್ ಬುರ್ಶಿ ಆಶಾ ಗರ್ವಾರ್ ರಾಹುನ್ ಪಾಪ್ ಜ಼ಲಾಮ್ತ. ಪಾಪ್ ಪುರ ವಾಡುನ್ ಮರಾನ್ ಆನ್ತ.
16 ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ಪಸುನಕೊಸಾ. 17 ಸಗ್ಳಿ ಚಾ಼ಂಗ್ಲಿ ವರ ಆನಿ ಉತ್ತಮ್ ವರ್ದಾನ ವೈನಿ ಮಂಜೆ ದೇವಾಪ್ನಿ ಯತ್ಯಾತ ತ್ಯನಿ ಆಬ್ಳಾಚ಼ ದಿವ ಉತ್ಪನ್ ಕೆಲ, ತ್ಯೊ ಬಧಾಲ್ನಾರ್ ನಾಹಿ. ಆನಿ ಕಚಾಸ್ ಕಾರ್ನಾಲಾ ಬದ್ಲಾವನೆಚಿ ಸಾವುಟ್ ಸಾಹಿತ್ ತ್ಯಚಿವ ಪಡತ್ ನಾಹಿ. 18 ದೇವಾನಿ ಆಪ್‌ಲ್ಯಾ ಮನಾಸಾರ ಖರ‍್ಯಾ ವಾಕ್ಯಾಸ್ ಲಾಗುನ್ ಜೀವ್ ದಿಲಾ ಮನ್ಹುನ್ ಆಮಿ ತ್ಯಚೆ ಸರ್ವೆ ಉತ್ಪತ್ಥಿತ್ ಪೈಲ ಫಳ್ ಜಾ಼ಲ್ಯಾವ್.
ಐಕಾಚ಼ ಆನಿ ಕರಾಚ಼
19 ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ತುಮಿ ಹ್ಯ ಶಾರ್ಕ ಸಮಜು಼ನ್ ಗೆವ್ಹಾ, ಪರ್ತೆಕ್ ಯೊಕ್ ಐಕಾಯಾ ಚು಼ರುಕ್ ರಾಹುನಿ, ಬೊಲ್‌ನ್ಯಾತ್ ಆನಿ ರಾಗಾತ್ ಥಂಡ್ಫನಾನಿ, ಸಮಾದಾನಾನಿ ರಾಹುನಿ. 20 ಕಾಮಂಜೆ ಮಾನ್ಸಾಲಾ ರಾಗ್ ಆಲಾಕಿ ದೇವ್ ಮಂತ್ಯಾಲ್ಯಾ ನೀಯತಿಚ಼ ಕಾಮ್ ಕರಾಯಾ ವ್ಹಯಿತ್ನಾಹಿ. 21 ಮನ್ಹುನ್ ಸಗ್ಳ ನೀಚ಼ಫನ್, ಸಗ್ಳ ಬುರ್ಸಫನ್ ಕಾಡುನ್ ಮನಾತ್ ಆಸ್ಲ್ಯಾಲ್ಯಾ ದೇವಾಚಾ ವಾಕ್ಯಾ ಮಾಯೇನಿ ಗೆವ್ಹಾ. ತ್ಯನಾ ತುಮ್‌ಚಾ಼ ಜೀವ್ ರಾಕಾಯಾವ್ಹತೊ.
22 ದೇವಾಚಾ ವಾಕ್ಯಾಸಾರಿ ಚಾ಼ಲಾ, ತ್ಯ ನಿಸ್ಥ ಐಕ್ನಾರಿ ತ್ಯವ್ಡಿಸ್ ವ್ಹವುನ್ ತುಮಾನಾಸ್ ತುಮಿ ಪಸ್ವುನ್ಗಿಹುನಕೊಸಾ. 23 ಕೊನ್ತರಿ ವಾಕ್ಯಾ ಐಕುನ್ ತ್ಯಚೆಗತ್ ಚಾ಼ಲ್ಯಾನಸ್‌ಲ್ಯಾವ ತ್ಯೊ ಆರ್ಶಾತ್ ಆಪ್ಲ ತ್ವಾಂಡ್ ಬಗ್‌ಲ್ಯಾಲ್ಯಾ ಮಾನಸಾಚೆಗತ್ ರಾನ್ಹಾರ್. 24 ಕಾಮಂಜೆ ಹ್ಯೊ ಆಪ್‌ಲ್ಯಾಲಾ ಆಪನುಸ್ ಬಗುನ್ ನಂತರ್ ಆಪ್ನು ಆಸಾಹಾ ಮನ್ಹುನ್ ತವಾಸ್ ಇಸಾರ‍್ನಾರ್. 25 ಫನ್ ಸುಟ್ನುಕ್ ದೇನಾರ ಪುರ ಧರ್ಮಶಾಸ್ತಾರ್ ದ್ಯಾನ್ ದಿವುನ್ ವಾಚ಼ವುನ್, ಇಚಾರ್ ಕರುನ್ ತ್ಯಚೆಗತ್ ಚಾ಼ಲ್ನಾರಾ ವಾಕ್ಯಾ ಐಕುನ್ ಇಸರುನ್ ಜಾ಼ಯಾಚೆ ಆಂದಿ ತ್ಯಚೆಗತ್ ಚಾ಼ಲತ್ ಆಪ್ಲೆ ಚಾ಼ಲ್ನುಕಿನಿ, ಕಾಮಾನಿ ಆಶೀರ್ವಾದ್ ಗೆನ್ಹಾರ್.
26 ಆಪ್‌ಲ್ಯಾಲಾ ಬಘತ್ ಮಂಥ್ಯಾಲಾ ಕೊನ್ತರಿ ಆಪ್ಲಿ ಜೀಬ್ ಆಪ್‌ಲ್ಯಾ ತಾಬ್ಯಾತ್ ದರ‍್ಹಾಚೆ ಆಂದಿ ಆಪಲ್ಯಾ ಮನಾಲಾ ಫಸಿವತ್ಯಾಲಾ ಜಾ಼ಲ್ಯಾವ ತ್ಯಚಿ ಬಕ್ತಿ ಫುಕಟ್ ಜಾ಼ಲೆ. 27 ತರಾಸಾತ್ ಆಸ್ಲ್ಯಾಲ್ಯಾ ಗತಿ ನಸಲ್ಯಾಲ್ಯಾನಾ, ವಿದ್ವೆಂಚಿ ಕ್ಯಾಳ್ಜಿಕರಾ ಆಸ್‌ಲ್ಯಾಲಾ ಹೆ ದುನೆಚಾ಼ ದೊಸ್ ಲಾಗುನಾಹಿ ಆಸಾ ಆಪ್‌ಲ್ಯಾಲಾ ಆಪ್ನು ರಾಕಾಚ಼ ಬಾ ಜಾ಼ಲ್ಯಾಲ್ಯಾ ದೇವಾಚೆ ಮೊರ‍್ಹ ಚಾ಼ಂಗ್ಲ, ನಿರ್ಮಳ್ ಜಾ಼ಲ್ಯಾಲಿ ಬಕ್ತಿ.