1 ಮಾಜಾ ಬನ್ಹಿ ಬಾವ್ಹಾನು, ಮೈಮೆಚಾ ಆಮ್‌ಚಾ಼ ಪ್ರಭು ಯೇಸು ಕ್ರಿಸ್ತಾವ ಇಸ್ವಾಸ್ ಥೆವ್‌ಲ್ಯಾಲಿ ತುಮಿ ಬೇದ್ ಬಾವ್ ಕರ್ತ್ಯಾಲಿ ರಾಹುನಾಹಿ. 2 ಕಸ ಮಂಜೆ ಯೊಕ್ ಮಾನುಸ್ ಸೊನ್ಯಾಚಾ ಆಂಕ್‌ಟ್ಯಾ ಆನಿ ಚಾ಼ಂಗ್ಲ ಕಪ್ಡ ಗಾಲುನ್ ತುಮ್ಚೆ ಮಂಡಳಿತ್ ಆಲಾಕಿ ಆನಿ ಯೊಕ್ ಗರಿಬ್ ಮಾನುಸ್ ಬುರ್ಸ ಕಪ್ಡ ಗಾಲುನ್ ಆಲಾಕಿ, 3 ತುಮಿ ಚಾ಼ಂಗ್ಲ ಕಪ್ಡ ಗಾಲುನ್ ಆಲ್ಯಾಲ್ಯಾಲಾ ಮರೆದಿನಿ ಬಗುನ್ ತ್ಯಲಾ ತುಮಿ ಮರೆದಿಚೆ ಕುರ್ಚಿವ ಬಸಾ ಮನ್ಹುನ್, ತ್ಯಾ ಗರಿಬಾಲಾ ತು ತಿತ್ಥ ಉಬಾರ‍್ಹಾ ನಾಹಿತ ಹಿತ ಪಾಯಾಪಲ್ಯಾ ಬಿಸನ್ಯಾಪ ಬಸ್ ಮನ್ಹುನ್ ಸಾಂಗಲ್ಯಾವ, 4 ತುಮಿ ತುಮ್ಚಾ ತುಮ್ಚಾತ್ ಬೇದ್ ಬಾವ್ ಕರ್ನಾರಿ ವ್ಹವುನ್, ಬುರ್ಶಾ ಇಚಾರಾಚೆಗತ್ ಚಾ಼ಲಾಯಾ ನಿರ್ಧಾರ್ ಕರ್ತಾಸಾ ನವ್ಹ ಕ್ಯಾ?

5 ಮಾಜೆ ಮಾಯೆಚಾ ಬನ್ಹಿ ಬಾವ್ಹಾನು, ಐಕಾ ದೇವ್ ಹೆ ದುನೆತ್ ಗರಿಬಾನಾ ಇಸ್ವಾಸಾತ್ ಸಾವ್ಕಾರ್ ಕರುನ್ ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಆಪ್ನು ಸಬ್ದ ದಿಲ್ಯಾಲ್ಯಾ ರಾಜಾತ್ ವಾರಸ್ದಾರ್ ರಾಹ್ಯಾವ್ಹಯಿ ಮನ್ಹುನ್ ನಿವಡ್ಲ ನಾಹಿ ಕ್ಯಾ? 6 ಫನ್ ತುಮಿ ಗರಿಬಾನಾ ಅವ್ಮಾನ್ ಕೆಲ್ಯಾಸಾ. ತುಮಾನಾ ದರುನ್ ನ್ಯಾಯಿ ಕರ್ತ್ಯಾತ ತಿತ್ಥ ವಡುನ್ ನೆನಾರ ಸಾವ್ಕಾರ್ ನವ್ಹತ ಕ್ಯಾ? 7 ತುಮಿ ಹಾಕಟ್‌ಲ್ಯಾಲ ತ್ಯಾ ಚಾ಼ಂಗಲ್ಯಾ ನಾವಾಚಿ ನಿಂದಾ ಕರ್ನಾರ ತೇಸ್ ನವ್ಹತ ಕ್ಯಾ?

8 ಫನ್ ಧರ್ಮಶಾಸ್ತಾರಾ ಶಾರ್ಕ, “ತುಜಾ ಸೆಜಾ಼ರ‍್ಯಾಚಿ ತುಜಿಗತುಸ್ ಮಾಯಾ ಕರಾಯಾವ್ಹಯಿ” ಮನ್ಹುನ್ ರಾಜಾಚಾ಼ ಹುಕುಮ್ ಫಾರಿಕ್ ಕೆಲ್ಯಾವ, ತುಮಿ ಬರ ತ್ಯ ಕರ್ತ್ಯಾಲಿ. 9 ಫನ್ ಯೆಕ ಯಳಿ ತ್ಯ ಸುಡುನ್ ತುಮಿ ಬೇದ್ ಬಾವ್ ಕರ್ನಾರಿ ಆಸ್ಲಾಸಾತ ಪಾಪ್ ಕರುನ್ ಗುನದಾರ್ ಮನ್ಹುನ್ ಧರ್ಮಶಾಸ್ತಾರಾಸಾರಿ ತೀರ್ಮಾನ್ ವ್ಹನಾರ್. 10 ಕಾ ಮಂಜೆ ಕುನಿತರಿ ಧರ್ಮಶಾಸ್ತಾರಾಚೆಗತ್ ಚಾ಼ಲುನ್ ತ್ಯಾತ್ಲೆ ಯಕಸ್ ಗುಸ್ಟಿತ್ ಚು಼ಕಲ್ಯಾವ ತಸ್ಲ ಸಗ್‌ಳ್ಯಾ ಗುಸ್ಟಿತ್ನಿ ಗುನ್ನದಾರ್ ವ್ಹತ್ಯಾತ. 11 ಕಾ ಮಂಜೆ ವ್ಯಬಿಚಾರ್ ಕರುನಾಹಿ ಮನ್ಹುನ್ ಸಾಂಗ್‌ಲ್ಯಾಲ್ಯಾನಿಸ್ ಮಾನ್ಸಾಚಾ಼ ಖುನ್ ಕರುನಾಹಿ ಮನ್ಹುನ್ ಸಾಂಗ್ಲ. ತ್ಯಾ ಕಾರ್ನಾನಿ ತು ವ್ಯಬಿಚಾರ್ ಕೇಲಾನಾಹಿತರಿ ಮಾನ್ಸಾಚಾ಼ ಖುನ್ ಕೆಲ್ಯಾವ ಧರ್ಮಶಾಸ್ತಾರ್ ವಲ್ಯಾಂಡಲ್ಯಾಲಾ ವ್ಹತ್ತೊ. 12 ತುಮಿ ಸುಟ್ನುಕ್ ಆಂತ್ಯಾಲ್ಯಾ ಧರ್ಮಶಾಸ್ತಾರಾ ಶಾರ್ಕ ತೀರ್ಪ ಗೆತಲ್ಯಾಲ್ಯಾನಾ ತಸಿಸ್ ಬೊಲಾ ಆನಿ ವಿಧೆಯ್ ವ್ಹವಾ. 13 ತುಮಿ ದುಸ್‌ರ‍್ಯಾನಾ ಕರುನಾ ದ್ಯಾವ್‌ತ್ಯಾಲಿ ರಾಹ್ಯಾ ವ್ಹಯಿಸಾ ನಾಹಿತ ತುಮಾನಾ ದೆವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ಕರುನಾ ದಾವಿತ್ ನಾಯಿ. ಕರುನಾ ದ್ಯಾವ್‍ತ್ಯಾಲಾ ಮಾನುಸ್ ದೇವ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲ್ಯಾ ಯಳಾತ್ ತ್ಯೊ ಜಿತ್ತೊ.

14 ಮಾಜಾ ಬನ್ಹಿ ಬಾವ್ಹಾನು, ಯಕಾನಿ ಆಪ್‍ಲ್ಯಾಲಾ ಇಸ್ವಾಸ್ ಹಾ ಮನ್ಹುನ್ ಸಾಂಗುನ್ ತ್ಯಚಿಗತ್ ಚಾ಼ಲ್ನ, ಕಾಮ ನಸ್‌ಲ್ಯಾಲಾ ಜಾ಼ಲಾತ ಉಪೆಗ್ ಕ್ಯಾ? ತಸ್ಲಾ ಇಸ್ವಾಸ್ ತ್ಯಲಾ ರ‍್ಯಾಕ್ನಾರ್ ಕ್ಯಾ? 15 ತುಮ್ಚಾತ್‌ಲ್ಯಾ ಯಕಾ ಬಾವ್ಹಾಲಾ ನಾಹಿತ ಯಕ ಬನ್ಹಿಲಾ ಗಾಲ್ಹಾಯಾ ಕಪ್ಡ ನಾಹಿತ ತ್ಯಾ ದಿಸಾಚ಼ ಜೇವಾನ್ ವ್ಹಯಿ ಜಾ಼ಲತ, 16 ತುಮ್ಚಾತ್ಲಾ ಯೊಕ್ ತ್ಯನಾ ಶರಿರಾಲಾ ವ್ಹಯಿ ಜಾ಼ಲ್ಯಾಲ ಪುರ್ನ ಕರಾಚೆ ಆಂದಿ ಸಮಾದಾನಾನಿ ಜಾ಼ವಾ, ತಾಪತ್ ಬಸಾ, ಪ್ವಾಟ್ ಬರ‍್ಹುನ್ ಖಾವಾ ಮನ್ಹುನ್ ಸಾಂಗಲ್ಯಾವ ಉಪೇಗ್ ಕ್ಯಾ? 17 ತಸಸ್ ಕಾಮಾಲಾ ನಸ್‌ಲ್ಯಾಲಾ ಇಸ್ವಾಸ್ ಮೆಲ್ಯಾಲಾ ಜಾ಼ಲ್ಯಾ.

18 ತರಿಬಿ ಯೊಕ್; ತುಲಾ ಇಸ್ವಾಸ್ ಹಾ ಆನಿ ಮನಾ ಕಾಮ ಹಾತ್ತ ತು ಕಾಮ್ ನಸ್ಥಾನಾ ತುಜಾ಼ ಇಸ್ವಾಸ್ ಮನಾ ದ್ಯಾವ್. ಮೀ ಮಾಜಾ ಕಾಮಾನಿ ಮಾಜಾ಼ ಇಸ್ವಾಸ್ ದ್ಯಾವ್ತೊ ಮನ್ಹುನ್ ಸಾಂಗನಾರ್ ನವ್ಹ. 19 ದೇವ್ ಯಕ್ಲಾಸ್ ಮನ್ಹುನ್ ತು ಇಸ್ವಾಸ್ ಥೆವ್ತೊಸ್. ತ್ಯ ಬರ ಫನ್ ಲಾಗಿರ್ ಸಾಹಿತ್ ತಸಿಸ್ ಇಸ್ವಾಸ್ ಕರುನ್ ವಾಡ್‌ತ್ಯಾತ. 20 ಬುದ್ದಿ ನಸ್‌ಲ್ಯಾಲಾ ಕಾಮ ನಸ್‌ಲ್ಯಾಲಾ ಇಸ್ವಾಸ್ ಉಪೆಗ್ ನಸ್‌ಲ್ಯಾಲಾ ಮನ್ಹುನ್ ತುಲಾ ಸಾಬಿತ್ ಕರಾಯಾ ವ್ಹಯಿ ಕ್ಯಾ? 21 ಆಮಚಾ಼ ವಡಿಲ್ ಜಾ಼ಲ್ಯಾಲ್ಯಾ ಅಬ್ರಹಾಮಾನಿ ಆಪ್ಲಾ ಲ್ಯೊಕ್ ಜಾ಼ಲ್ಯಾಲ್ಯಾ ಇಸಾಕಾಲಾ ಯಜ್ಞವೇದಿವ ದಿಲಾತವಾ ನೀಯತಿಚಾ಼ ಮನ್ಹುನ್ ತಿರ್ಮಾನ್ ಜಾ಼ಲ್ಯಾಲಾ ಇಸ್ವಾಸಾಚಾ ಕಾಮಾನಿಸ್ ನವ್ಹ ಕ್ಯಾ? 22 ತ್ಯಚಾ ಇಸ್ವಾಸಾನಿ ಕಾಮ್ ಕೆಲ ಆನಿ ತ್ಯಾ ಕಾಮಾನಿಸ್ ತ್ಯಚಾ಼ ಇಸ್ವಾಸ್ ಪುರ್ನ ಜಾ಼ಲ್ಹಾ. 23 “ಅಬ್ರಹಾಮಾನಿ ದೇವಾವ ಇಸ್ವಾಸ್ ಥೆವ್ಲಾ ಆನಿ ತ್ಯಚಾ಼ ಇಸ್ವಾಸ್ ತ್ಯಚಾ ಲೆಖ್ಯಾತ್ ನೀಯತಿಚಾ಼ ಮನ್ಹುನ್ ಮನ್‌ಲ್ಯಾಲ ಧರ್ಮಶಾಸ್ತಾರಾಚ಼ ಬೊಲ್ನ ಆಸ ಜಾ಼ಲ್ಹ”. ಉತ್ಪತಿ 15:6 ಮನ್ಹುನ್ ಅಬ್ರಾಹಾಮಾಲಾ ದೇವಾಚಾ಼ ಸುಪ್ತಿ ಮನ್ಹುನ್ ಹಾಕಟ್ಲಾ. 24 ಮನ್ಹುನ್ ಮಾನ್ಸಾಚಾ ಕಾಮಾನಿ ನೀಯತಿಚಾ಼ ಮನ್ಹುನ್ ತಿರ್ಮಾನ್ ವ್ಹತ್ತೊ ತ್ಯ ಸುಡುನ್ ನಿಸ್‌ತ್ಯಾ ಇಸ್ವಾಸಾನಿ ನವ್ಹ ಮನ್ಹುನ್ ಬಗ್‌ತ್ಯಾಸಾ.

25 ತೇಸ್ ತರನಿ ವೆಬಿಚಾರಿ ಜಾ಼ಲ್ಯಾಲಿ ರಾಹಾಬ್ ಗುಡಾಚಾರಿನಾ ಆಪ್‌ಲ್ಯಾ ಗರ‍್ಹಾತ್ ಹಾಕ್ಟುನ್ ಗಿಹುನ್, ದುಸ್ರೆ ವಾಟನಿ ತ್ಯನಾ ಲಾವುನ್ ದಿಲ್ಯಾಲ್ಯಾ ಕಾಮಾನಿಸ್ ನೀಯತಿಚಿ ಮನ್ಹುನ್ ಗೆತಲ್ಯಾಲಿ ನವ್ಹ ಕ್ಯಾ?

26 ಆತ್ಮ ನಸ್‌ಲ್ಯಾಲ ಧಡ್ ಮೆಲ್ಯಾಲಸ್ ತಸಸ್ ಕಾಮಲಾ ನಸ್‌ಲ್ಯಾಲಾ ಇಸ್ವಾಸ್ ಮೆಲ್ಯಾಲಾ ಜಾ಼ಲ್ಯಾ.