1 ಮಂಗ್ ಆನಿ ಯೊಕ್ ಬಳಾಚಾ಼ ದೇವ್ದುತ್ ಸ್ವರ್ಗಾತ್ನಿ ಉತ್ರುನ್ ಯತ್ಯಾಲಾ ಮೀ ಬಗ್ಲಾ. ತ್ಯೊ ಧುತ್ ಢಘಾತ್ ಗುತ್ಪಳ್ಳಾ ಹುತ್ತಾ. ತ್ಯಚೆ ಡುಯಿವ ಧನೊಸ್ಬಾನ್ ಹುತ್ತಾ. ತ್ಯಚ಼ ತ್ವಾಂಡ್ ದಿಸಾಚೆಗತ್ ಪ್ಯಾ ಇಸ್‌ತ್ಯಾಚಾ ಖಾಂಬಾಚೆಗತ್ ಹುತ್ತ. 2 ತ್ಯೊ ದೇವ್ದುತ್ ಯೇಕ್ ಬಾರಿಕ್ ಇಡಿ ದರ‍್ಹುನ್ ಹುತ್ತಾ. ತಿ ಉಗಾಡ್‍ಲ್ಯಾಲಿ ಹುತ್ತಿ. ತ್ಯನಿ ಆಪ್ಲಾ ಉಜ್ವಾ ಪ್ಯಾ ಸಮಿಂದೊರಾವ, ಡಾವಾ ಪ್ಯಾ ಜಿಮ್ನಿವ ಥೆವ್ಲಾ. 3 ಸಿಂವ್ ವರಾಡ್‌ಲ್ಯಾಚೆಗತ್ ಜೊ಼ರಾನಿ ವರಾಡ್ಲಾ. ಮಂಗ್ ಸಾತ್ ತಡಾಸಾಂಚಾ಼ ಆವಾಜ಼್ ಬೊಲ್ಲಾ.

4 ಫನ್ ತ್ಯ ಮೀ ಲಿವಾಯಾ ವ್ಹಯಿ ಮಂತಾನಾ ಸ್ವರ್ಗಾತ್ನಿ ಆಲ್ಯಾಲಾ ಯೊಕ್ ಸಬ್ದ ಮನಾ, “ಸಾತ್ ತಡಾಸಾ ಸಾಂಗತ್ಯಾಲ ತು ಲಿವುನಕೊ. ತ್ಯ ಜಾ಼ಖುನ್ಥೆವ್ ಮನ್ಹುನ್ ಸಾಂಗ್ಲ.

5 ಮಂಗ್ ಜಿಮ್ನಿವ ಆನಿ ಸಮಿಂದೊರಾವ ಉಬಾ ರಾಯ್‌ಲ್ಯಾಲ್ಯಾ ಯಕಾ ದೇವ್ ದುತಾಲಾ ಬಗ್ಲಾ ತ್ಯನಿ ಆಪ್ಲಾ ಉಜ಼್ವಾ ಹಾತ್ ಸ್ವರ್ಗಾಕ್ಡ ಕರುನ್. 6 ಆಬಾಳ್ ಆನಿ ತ್ಯಾತ್ಲ ಸರ್ವ ಜಿಮಿನ್ ಆನಿ ತ್ಯಾತ್ಲ ಸರ್ವ ಸಮಿಂದೊರ್ ಆನಿ ತ್ಯಾತ್ಲ ಸರ್ವ, ಉತ್ಪನ್ ಕೆಲ್ಯಾಲ್ಯಾಚಾ ಬಳಾನಿ ಆಸಿ ಶೆಪ್ಪತ್ ಕರುನ್: “ಆನಿಕ್ ರಾಖಾಚೆ ಆಂದಿ; 7 ಸಾತ್‌ವ್ಯಾ ದೇವ್ದುತಾನಿ ಆಪ್ಲಿ ತುತ್ತುರಿ ವಾಜ್ವಾ಼ಚಾ ದಿಸಾತ್ ಆಡ್‌ಶಾ ಆಸ್‌ಲ್ಯಾಲಿ ದೇವಾಚಿ ಪಾರಕ್ ಪುರಿ ವ್ಹನಾರ. ದೇವಾನಿ ಆಪ್ಲ ಸೇವಕ್ ಜಾ಼ಲ್ಯಾಲ್ಯಾ ಪ್ರವಾದಿನಾ ಸಾಂಗ್‌ಲ್ಯಾಲಿ ಚಾ಼ಂಗ್ಲಿ ಖಬರ್ ಹಿಸ್ ದೇವಾಚಿ ಪಾರಕ್. ”

8 ಮಂಗ್ ಸ್ವರ್ಗಾತ್ನಿ ತ್ಯೊಸ್ ಆವಾಜ಼್ ಮೀ ಐಕ್ಲಾ ತ್ಯೊ ಆವಾಜ಼್ ಮನಾ ಜಾ಼ ದೇವ್ ದುತಾಚಾ ಹಾತಾತ್ಲಿ ಶೊಡ್‌ಲ್ಯಾಲಿ ಇಡಿ ಘೇ. ತ್ಯೊ ದೇವ್ದುತ್ ಸಮಿಂದೊರಾವ ಆನಿ ಜಿಮ್ನಿವ ಉಬಾ ಹಾ” ಮನ್ಹುನ್ ಸಾಂಗ್ತ.

9 ಮನ್ಹುನ್ ಮೀ ತ್ಯಾ ದೇವ್ದುತಾಪ ಜಾ಼ವುನ್ ತೀ ಬ್ಯಾರ್ಕಿ ಇಡಿ ದೇ ಮನ್ಹುನ್ ಮಾಗ್ಲಿ ತ್ಯಾ ದೇವ್ದುತಾನಿ ಮನಾ ಇಡಿ ಗಿಹುನ್ ತೀ ಖಾ. ತೀ ತುಜಾ ಪೊಟಾತ್ ಅಂಬಾಟ್ ವ್ಹನಾರ್ ಖರ ತುಜಾ ತೊಂಡಾತ್ ತೀ ಮವ್ಹಾಚೆಗತ್ ಗೊಡ್ ವ್ಹನಾರ್ ಮನ್ಹುನ್ ಸಾಂಗ್ಲ.

10 ತೀ ಬ್ಯಾರ್ಕಿ ಇಡಿ ದೇವ್ ದುತಾಚಾ ಹಾತಾತ್ನಿ ಗಿಹುನ್ ಮೀ ಖಾಲಿ. ಮಾಜಾ ತೊಂಡಾತ್ ತೀ ಮವ್ಹಾಚೆಗತ್ ಗೊಡ್ ಹುತ್ತಿ ಫನ್ ಮೀ ತೀ ಗಿಳ್ಯಾ ನಂತರ್ ತೀ ಮಾಜಾ ಪೊಟಾತ್ ಅಂಬಾಟ್ ಜಾ಼ಲ್ಹಿ. 11 ತವಾ ತ್ಯನಿ ಮನಾ, “ತು ಆನಿ ಖುಬ್ ಕುಳಾಂಚೆ, ಪರ್ಜೆಂಚೆ, ಭಾಶೆಂಚೆ ಆನಿ ರಾಜಾಂಚೆ ಗುಶ್ಟಿತ್ ಪ್ರವಾದನ್ ಕರಾಯಾ ವ್ಹಯಿಸ್ ಮನ್ಹುನ್ ಸಾಂಗ್ತೊ.