1 ಪಾಚ಼ವ್ಯಾ ದೇವ್ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ಯೇಕ್ ಚಾನ್ನಿ ಆಬ್ಳಾತ್ನಿ ದರ್ಥಿವ ಪಡ್‌ಲ್ಯಾಲಿ ಮನಾ ದಿಸ್ಲಿ. ತಿಚಿಪ ಪಾತಾಳಾಚಿ ಕುಲ್ಪಾಚಿ ಚಾವಿ ದಿಲ್ತಿ. 2 ಮಂಗ್ ತೇ ಚಾನ್ನಿನಿ ಪಾತಾಳಾಚ಼ ಕುಲುಪ್ ಉಗಡ್ಲ ತವಾ. ಮೊಟ್ಟೆ ಬಠಿಚಾ ದುರ‍್ಹಾಚೆಗತ್ ತ್ಯಾ ನಳ್ಯಾತ್ನಿ ಧುರ್ ವರ್ ಆಲಾ. ತ್ಯಾ ದುರ‍್ಹಾನಿ ದೀಸ್ ಆನಿ ಆಬಾಳ್ ಕಾಳ ಜಾ಼ಲ್ಹ.

3 ಮಂಗ್ ಟ್ವಾಳ್ ದುರ‍್ಹಾತ್ನಿ ಜಿಮ್ನಿವ ಆಲ ತ್ಯನಾ ಇಚ್ವಾಚೆಗತ್ ಬಳ್ ದಿಲ್ತ. 4 ದರ್ಥಿವ್‌ಲ್ಯಾ ಗವ್ತಾಲಾ ಡಾಳ್ಯಾನಾ ಜಾ಼ಢಾನಾ ನಾಸ್ ಕರುನಾಹಿ ಆಸ ತ್ಯಾ ಟೊಳಾನಾ ಸಾಂಗ್ಲಹುತ್ತ. ಕಚಾಚಾ ಕಪಾಳಾವ ದೇವಾಚಾ಼ ಸಿಕ್ಕಾ ನಾಹಿ ತ್ಯಾ ಲೊಕಾನಾ ತರಾಸ್ ದಿಯಾ ಸಾಂಗ್ಲ ಹುತ್ತ. 5 ಲೊಕಾನಾ ಪಾಚ಼್ ಮೈನ್ಯಾ ಪರತ್ ತರಾಸ್ ದೇತ್ಯಾಲ ಬಳ್ ಹ್ಯಾ ಟೊಳಾನಾ ದಿಲ್ತ. ಖರ ಲೊಕಾನಾ ಮಾರಾಚ಼ ಬಳ್ ತ್ಯನಾ ದಿಲನವ್ಥ. ಹ್ಯಂಚಾನಿ ಚಾವಲ್ಯಾವ ಇಚ್ವಾನಿ ಚಾವಲ್ಯಾಸಾರಾ ಯೊಗ್ ಯಯಿತಾ. 6 ತ್ಯಾ ದಿಸಾತ್ ಲೊಕ ಮರಾಯಾ ಬಗಿತಿತ ತ್ಯನಾ ಗಾವತ್ನಾಹಿ. ತ್ಯಂಚಾನಿ ಮರಾನ್ ಮಾಗ್ಲ ತರಿ ಮರಾನ್ ತ್ಯಂಚಿಪ್ನಿ ದುರ್ ಜಾ಼ಯಿತ.

7 ಟ್ವಾಳ್ ಲಡಾಯಿಲಾ ತಯಾರ್ ಕೇಲ್ಯಾಲ್ಯಾ ವಾರ್ವಾಂಚೆಗತ್ ದಿಸತ. ತ್ಯಂಚೆ ಡುಯಿವ ಸೊನ್ಯಾಚಾ ಕಿರಿಟಾಚೆಗತ್ ಕ್ಯಾ ಹುತ್ತ. ತ್ಯಂಚಿ ತೊಂಡ ಮಾನ್ಸಾಚಾ ತೊಂಡಾಚೆಗತ್ ಹುತ್ತಿತ. 8 ತ್ಯಂಚೆ ಡುಯಿಚ಼ ಕ್ಯಾಸ್ ಬ್ಯಾಯ್ಕಾಮಾನ್ಸಾಂಚಾ ಕೇಸಾಚೆಗತ್ ಹುತ್ತ ದಾತ್ ಸಿವಾಂಚಾ ದಾತಾಂಚೆಗತ್ ಹುತ್ತ. 9 ತ್ಯಂಚೆ ಶಾತಿಂಚಿವ ಲೊಖಾಂಡಾಚಾ ಕವ್ಚಾಚೆಗತ್ ಹುತ; ಪಖೊಟ್ಯಾಂಚಾ಼ ಆವಾಜ಼್ ಲಡಾಯಿತ್ ಪಳ್‌ತ್ಯಾಲ್ಯಾ ಖುಬ್ ವಾರ್ವಾಂಚಾ ಆನಿ ರಥಾಂಚಾ ಸಬ್ದಾಂಚೆಗತ್ ಹುತ್ತಾ. 10 ತ್ಯನಾ ಇಚ್ವಾಚೆಗತ್ ಶೆಪ್‌ಟ್ಯಾ ಆನಿ ನೆಂಗ ಹುತ್ತ; ಲೊಕಾನಾ ಪಾಚ಼್ ಮೈನ್ಯಾಪರತ್ ತರಾಸ್ ದಿಯಾಚ಼ ಬಳ್ ತ್ಯಂಚೆ ಶಿಪ್ಟಿತ್ನಿ ಹುತ್ತ. 11 ಟೊಳಾನಾ ಯೊಕ್ ರಾಜಾ಼ ಹುತ್ತಾ. ಪಾತಾಳಾಚಾ಼ ಧುತ್ ತ್ಯಂಚಾ಼ ರಾಜಾ಼ ಜಾ಼ಲ್ಥಾ ತ್ಯಲಾ ಹಿಬ್ರು ಭಾಶೆತ್ “ಅಬದ್ದೊನ್ ಮನ್ಹುನ್ ನಾವ್ ಹುತ್ತ. ಗ್ರೀಕ್ ಬಾಶೆತ್ “ಅಪೊಲ್ಲುವೊನ್” ತ್ಯಚಾ಼ ಅರ್ಥ ನಾಸ್ ಕರ್ನಾರಾ ಮನ್ಹುನ್ ನಾವ್ ಹುತ್ತ.

12 ಪೈಲಾ ಮೊಟಾ ತರಾಸ್ ಮಾಗ ಸರ್ಲಾ. ಆನಿ ದೊನ್ವಾ ಮೊಟಾ ತರಾಸ್ ಯಯಾಚಾ಼ ಹುತ್ತಾ.

13 ಸಾವ್ಯಾ ದೇವ್‍ ದುತಾನಿ ಆಪ್ಲಿ ತುತ್ತುರಿ ವಾಜಿವ್ಲಿ. ತವಾ ದೇವಾಪ ಆಸ್‌ಲ್ಯಾಲ ಸೊನ್ಯಾಚಾ ಯಜ್ಞವೆದಿಚಾ ಚಾರಿ ಕೊನ್ಯಾತ್ನಿ ಮಿ ಯೊಕ್ ಆವಾಜ಼್ ಐಕ್ಲಾ. 14 ತ್ಯೊ ಆವಾಜ಼್ ತುತ್ತುರಿ ಆಸ್‌ಲ್ಯಾಲ್ಯಾ ಸಾವ್ಯಾ ದೇವ್‍ ದುತಾಲಾ, “ಯುಫ್ರಟೀಸ್ ಮೊಟೆ ನ್ಹಪ ಬಾಂದುನ್ ಗ್ಯಾತ್‌ಲ್ಯಾಲ್ಯಾ ಚಾರ್ ದೇವ್ದುತಾನಾ ಶೊಡ್ ಮನ್ಹುನ್ ಸಾಂಗ್ಲ. 15 ತ್ಯಾ ಚಾರ್ಜಾ಼ನ್ ದೇವ್ದುತಾನಾ ಹೇಸ್ ವರೀಸ್ ಹ್ಯಾಸ್ ಮೈನ್ಯಾತ್ ಹ್ಯಾಸ್ ದೀಸಾತ್ ಹ್ಯಾಸ್ ಯಳಾತ್ ದರ್ಥಿವ ಆಸ್‌ಲ್ಯಾಲ್ಯಾ ಲೊಕಾನಾ ತಿನವ್ಯಾತ್ಲಾ ಯೊಕ್ ಭಾಗ್ ನಾಸ್ ಕರಾಯಾ ಶೊಡ್ಲ ಹುತ್ತ. 16 ತ್ಯಂಚಾತ್‌ಲ್ಯಾ ವಾರ್ವಾಂಚಾ ಸೈನಿಕಾಂಚಿ ಸಂಖ್ಯಾ ಈಸ್ ಕುಠಿ ಮನ್ಹುನ್ ಮನಾ ಐಕು ಆಲಿ.

17 ಆನಿ ಮೀ ದರ್ಶನಾತ್ ವಾರು ಚಾ಼ಲಿವತ್ಯಾಲ್ಯಾನಾ ಬಗ್ಲ ತೆ ಆಸ ದಿಸತ ತೇ ಇಸ್‌ಥ್ಯಾಚೆಗತ್ ತಾಂಬ್ಡ ಕಾಳ ಸಪೆರ್*ಯಕತರಚಾ಼ ಕಿಮ್ತಿಚಾ ಜಾ಼ಂಬ್ಳಾ ದೊಂಢಾ ಜಾ಼ಂಬ್ಳ ಆನಿ ಗಂಧಾಚೆಗತ್ ಹಳದ ಕವ್ಚಾ ಗಾಲ್ಹುನ್ ಹುತ್ತ. ವಾರ್ವಾಂಚಾ ಡೊಯಾ ಸಿವಾಂಚೆ ಡುಯಿಂಚೆಗತ್ ದಿಸತ್ಯಾ ವಾರ್ವಾಂಚಾ ತೊಂಡಾತ್ನಿ ಇಸ್ಥು ಧುರ್ ಆನಿ ಗಂಧಕ್ ಬಾಹಿರ್ ಯಯಿತ. 18 ದರ್ಥಿವ ಆಸ್‌ಲ್ಯಾಲ್ಯಾ ಲೊಕಾತ್ನಿ ತಿನವ್ಯಾತ್ಲಾ ಯೊಕ್ ಭಾಗ್ ವಾರ್ವಾಂಚಾ ತೊಂಡಾತ್ನಿ ಬಾಹಿರ್ ಆಲ್ಯಾಲ್ಯಾ ಪಿಡಾ ಧುರ್ ಆನಿ ಗಂಧಕಾನಿ ಮಾರುನ್ ಟ್ಯಾಕ್ಲಿತ. 19 ವಾರ್ವಾಂಚ಼ ಬಳ್ ತ್ಯಂಚಾ ತೊಂಡಾತ್ ಆನಿ ಶಿಪ್ಟಿತ್ ಹುತ್ತ. ತ್ಯಂಚಾ ಶೆಪ್‌ಟ್ಯಾ ಸಾಪಾಂಚೆ ಡುಯಿಚೆಗತ್ ಹುತ್ಯಾ ತ್ಯಂಚಾನಿ ಮಾನ್ಸಾಂಚಾ಼ ನಾಸ್ ಕರಿತಿತ.

20 ಹ್ಯಾ ತರಾಸಾನಿ ಮರಾಚೆಆಂದಿ ರಾಯ್‌ಲ್ಯಾಲಿ ಲೊಕ ಆಪ್‌ಲ್ಯಾ ಪಾಪಾಂಚೆ ಸಾಟಿ ಪಶ್ಚಾತಾಪ್ ಪಡುನ್ ದೇವಾಕ್ಡ ಪರಾತ್ಲಿ ನಾಹಿತ. ಆಪ್‌ಲ್ಯಾ ಸ್ವತಾಚಾ ಹಾತಾನಿ ಕೆಲ್ಯಾಲಿ ಪಾಶಾನ ಕ್ಯಾಡ್ಲಿ ನಾಹಿತ. ತ್ಯಂಚಾನಿ ಭುಥಾಲಾ ವವ್ಯಾಳಾಚ಼ ಥಾಂಬಿವ್ಲನಾಹಿ ಸೊನ, ಚಾ಼ಂದಿ, ತಾಂಬ ದೊಂಢ, ಆನಿ ಲಾಕ್ಡಾಂಚಾನಿ ಕೆಲ್ಯಾಲ್ಯಾ, ಚಾ಼ಲನಸ್ನಾರ‍್ಯಾ ಬಗಿನಸ್ನಾರ‍್ಯಾ ಐಕಿ ನಸ್ನಾರ‍್ಯಾ ಪಾಶಾನಾನಾ ಪುಜಾ಼ಚ಼ ಥಾಂಬಿವ್ಲ ನಾಹಿ. 21 ಹ್ಯಾ ಲೊಕಾಂಚಾನಿ ಆಪ್ಲಿ ಮನ ಆನಿ ಜೀವ್ನಾ ಬದಲ್ಲಾ ನಾಹಿ. ಆನಿ ದುಸ್‌ರ‍್ಯಾನಾ ಮಾರುನ್ ಟಾಕಾಚ಼ ಶೊಡ್ಲ ನಾಹಿ. ತ್ಯಂಚಾನಿ ಆಪ್ನು ಕರತ್ಯಾಲ ಘಾಡ್ಫನ್ ಚೊ಼ರಿ ಶುಡ್ಲಿ ನಾಹಿ.