1 Tǝ namǝn nggak chim inchamǝn paɗ wa? Ndu tǝ yahmǝn kǝ yaramǝnchǝ fowun ɗelwer chǝsi kǝthlǝm kǝ ɗiˈǝn kǝmɗiyowun, kǝɗ ǝnɗi thlǝ chǝt fowun wa, ndu thlaˈtǝ mǝɗˈyowun kǝmɗi fowun wa? 2 Kun tǝ indiyowun nggun nech kǝ yara ɗelwer tǝɗi nessiyaˈan, thla yarandǝ fee ha hur wanɗǝkaɗechˈyaˈan, kǝthlǝm kǝ nǝ chǝka wuni tǝ paɗ chǝka wun kǝ chan ngganchi. 3 Pǝnwun hayan wa, kun nech kǝ yara ɗelwer i Kǝristi, tǝmɗi ɓasiyaˈan. Yara ɗelwer tǝɗi paɗ ya yarawu fee ha tǝ ǝna yarata wa, paɗ yaran chǝ fee ha tǝ Shemeta thla chiɗ chiɗ yi Farta thlǝ Shishingnda. Ngga ǝ ɗar ɓohtǝ fera wa, paɗ ǝ hur wanɗǝkaɗati nafcha. 4 Mbuˈchaˈan kǝɗu kǝthlǝm wathlaˈanchǝ ha naa Farta thlǝt ndiktǝyaˈan tǝmɗi Kǝristi. 5 Ənˈyamǝnsi natmǝn mbahan pǝnda wa, ndat wa tǝ mbǝr ǝnˈyamǝn thlǝ natmǝn chǝt tarɗa wa. Mbǝr ǝnˈyamǝn thlaˈchan mǝɗi Farta. 6 Mǝthlan chicha mbahandǝmǝn choktǝ kǝ fǝ tar yuwa ɗǝf mee. Yuwa ɗǝf miɗiya ngga yuwa kusiˈ wa, Shemeta Fartǝ ɓech taˈanchi. Kusiˈ tǝɗi yara ndǝ fee ha ya ndaˈan thlǝ ɓech tǝ mǝrta, paɗ Shemeta thlǝ fǝrchan Shishingnda.

7 Yaran fee kusiˈ i Musa ha ǝ ɗar ɓohtǝ fera, paɗ maandi Farta ǝ pǝntǝ fatˈyan fartǝɗi fǝr tǝ fee. Chǝka nakan wa chǝmǝnɗi fǝ nech ǝ chimandi Musa nan thlǝrǝt tǝ kaɗi, pǝntǝ ɗaˈkǝt kaan, chicha nafchi Israˈilawecha wulandǝ ɗǝpandǝ chimaandi Musa ɗelengnga. Maa chaˈaˈanɗi kaɗ thlǝ ɓech tǝ mǝrta ɓi tǝ maandǝ kǝɗaya, 8 nech tertǝ maan tar thla nech kǝyi Shemet nat wa kǝni? 9 Maa ǝnɗi thlǝ ɓech tǝ mǝrta mbǝstǝ maanda, kittaˈan ǝnɗi thlǝ ɓech tǝ mbǝs kaakǝti Farta pǝɗanchǝ ha tǝ maandǝ langnga. 10 Kittaˈan ɗohtǝ ɗǝf mee maandiyansi nakanya wa, maa ǝ kaɗan fee tǝ maandi yuwa ɗǝf mee. 11 Maa ǝnɗi nech thlǝrǝt tǝ kaɗi ɓi tǝ maanda, nech maandi ǝnɗi nech choktǝ kǝ kwekǝchi nat wa kǝni?

12 Nakan weˈtǝ ɗǝf wanɗǝkaɗaɗiyamǝn siya, ndaˈan chicha thlǝ mbahandǝ ǝn ndikta lekǝtsi wa. 13 Ngga nechamǝn kǝɗ Musa wa, thla chipanchi chimandiyan tǝ ǝna chipta wa, kǝthlǝm kǝ nǝ Israˈilawechǝ ndukwa maanɗi nech thlǝrǝt tǝ kaɗ wa. 14 Paɗaa chǝ hur inchiyandǝ kaɗ kwaˈkwa, kǝthlǝm paˈ kǝ ɓukwiya ǝna chiptaˈan thlǝ nechan ˈyatanda naa kit, maa fee chan nggandǝ ɗohtǝ ɗǝf mee. Mbahan wu fee kǝtandǝ kaɗ wa maangga tǝmɗi Kǝristi ndak wa. 15 Paˈ kǝ ɓukwiya maa fee changga ndǝ kusiˈ i Musa, se maa nggǝlan ǝna chip tǝɗiya wanɗǝkaɗechˈyanda. 16 Paɗaa naa fee mbahan kǝtandǝ kaɗi maa tǝɓǝr nef ha ɓi kǝmɗi Chinda Kǝristi. 17 Chinda mǝthlan nech kǝ Shemeta. Ə mǝɗi naa Shemeti Chindǝ paɗ, ǝ minni naa kumi chok maa fa kǝta. 18 Natˈmǝn tǝɗi chipawaktǝ fee chimaanchi yamǝn, thlǝnechamǝn ɗaˈkǝt maandi Chinda. Paɗ thlǝ nech fee ɓeɗamǝn ndǝ ha kǝ chok mǝn kǝɗ mǝthlan. Mbeɗeɗi thlǝ mbeɗamǝn ndǝ fee ha ya, thlǝ nechan chektǝ hur maanda kǝ maanda. Thleya ɓechan kesh mǝɗi Chinda, thla nech kǝ Shemeta.