Η Καινή Διαθήκη 2 Corinthians 9

A little precaution

1 Περὶ μὲν γὰρ τῆς διακονίας τῆς εἰς τοὺς ἁγίους, περισσὸν μοί ἐστιν τὸ γράφειν ὑμῖν· 2 οἶδα γὰρ τὴν προθυμίαν ὑμῶν, ἣν ὑπὲρ ὑμῶν καυχῶμαι Μακεδόσιν, ὅτι Ἀχαΐα παρεσκεύασται ἀπὸ πέρυσι, καὶ ὁ * ἐξ† ὑμῶν ζῆλος ἠρέθισεν τοὺς πλείονας. 3 Ἔπεμψα δὲ τοὺς ἀδελφοὺς ἵνα μὴ τὸ καύχημα ἡμῶν τὸ ὑπὲρ ὑμῶν κενωθῇ ἐν τῷ μέρει τούτῳ, ἵνα καθὼς ἔλεγον, παρεσκευασμένοι‡ ἦτε 4 —μή πως, ἐὰν ἔλθωσιν σὺν ἐμοὶ Μακεδόνες καὶ εὕρωσιν ὑμᾶς ἀπαρασκευάστους, καταισχυνθῶμεν ἡμεῖς (ἵνα μὴ λέγωμεν§ ὑμεῖς) ἐν τῇ ὑποστάσει ταύτῃ τῆς καυχήσεως.* 5 Ἀναγκαῖον οὖν ἡγησάμην παρακαλέσαι τοὺς ἀδελφούς, ἵνα προέλθωσιν εἰς ὑμᾶς καὶ προκαταρτίσωσιν τὴν προκατηγγελμένην† εὐλογίαν ὑμῶν, ταύτην ἑτοίμην εἶναι, οὕτως ὡς εὐλογίαν καὶ μὴ ὡς‡ πλεονεξίαν.

Kingdom economics

6 Τοῦτο δέ, ὁ σπείρων φειδομένως φειδομένως καὶ θερίσει, καὶ ὁ σπείρων ἐπ᾿ εὐλογίαις ἐπ᾿ εὐλογίαις καὶ θερίσει. 7 Ἕκαστος καθὼς προαιρεῖται§ τῇ καρδία, μὴ ἐκ λύπης ἢ ἐξ ἀνάγκης, ἱλαρὸν γὰρ δότην ἀγαπᾷ ὁ Θεός. 8 Δυνατὸς* δὲ ὁ Θεὸς πᾶσαν χάριν περισσεῦσαι εἰς ὑμᾶς, ἵνα ἐν παντὶ πάντοτε πᾶσαν αὐτάρκειαν ἔχοντες περισσεύητε εἰς πᾶν ἔργον ἀγαθόν— 9 καθὼς γέγραπται· «Ἐσκόρπισεν, ἔδωκεν τοῖς πένησιν· ἡ δικαιοσύνη αὐτοῦ μένει εἰς τὸν αἰῶνα»— 10 ὁ δὲ ἐπιχορηγῶν σπέρμα† τῷ σπείροντι καὶ ἄρτον εἰς βρῶσιν χορηγῆσαι,‡ καὶ πληθῦναι§ τὸν σπόρον ὑμῶν καὶ αὐξῆσαι* τὰ γενήματα† τῆς δικαιοσύνης ὑμῶν· 11 ἐν παντὶ πλουτιζόμενοι εἰς πᾶσαν ἁπλότητα, ἥτις κατεργάζεται δι᾿ ἡμῶν εὐχαριστίαν τῷ Θεῷ. 12 Ὅτι ἡ διακονία τῆς λειτουργίας‡ ταύτης οὐ μόνον ἐστὶν προσαναπληροῦσα τὰ ὑστερήματα τῶν ἁγίων, ἀλλὰ καὶ περισσεύουσα διὰ πολλῶν εὐχαριστιῶν τῷ Θεῷ 13 —διὰ τῆς δοκιμῆς τῆς διακονίας ταύτης, δοξάζοντες τὸν Θεὸν ἐπὶ τῇ ὑποταγῇ τῆς ὁμολογίας ὑμῶν εἰς τὸ εὐαγγέλιον τοῦ Χριστοῦ, καὶ ἁπλότητι τῆς κοινωνίας εἰς αὐτοὺς καὶ εἰς πάντας— 14 καὶ αὐτῶν δεήσει ὑπὲρ ὑμῶν, ἐπιποθούντων ὑμᾶς διὰ τὴν ὑπερβάλλουσαν χάριν τοῦ Θεοῦ ἐφ᾿ ὑμῖν.

15 Χάρις δὲ§ τῷ Θεῷ ἐπὶ τῇ ἀνεκδιηγήτῳ αὐτοῦ δωρεᾷ.

*9:2 ο f35 C [99%] RP,HF,OC,TR,CP ¦ το 𝕻46ℵB [1%] NU

†9:2 εξ f35 [97%] RP,HF,OC,TR,CP ¦ — 𝕻46ℵB,C [3%] NU

‡9:3 παρεσκευασμενοι rell ¦ παρασκευασμενοι [20%] ¦ παρασκευασαμενοι [3%]

§9:4 λεγωμεν f35 ℵB [93%] RP,HF,OC,TR,CP ¦ λεγω 𝕻46C [1%] NU ¦ λεγομεν [2%] ¦ omit whole clause [4%] [homoioteleuton]

*9:4 της καυχησεως f35 (96.3%) RP,HF,OC,TR,CP ¦ — 𝕻46ℵB,C (3.7%) NU

†9:5 προκατηγγελμενην f35 [96%] RP,HF,OC,TR,CP ¦ προεπηγγελμενην 𝕻46ℵB,C [3%] NU ¦ κατηγγελμενην [1%]

‡9:5 ως f35 𝕻46ℵB,C [95%] RP,HF,OC,CP,NU ¦ ωσπερ [4%] TR ¦ — [1%]

§9:7 προαιρειται f35 [95%] RP,HF,OC,TR,CP ¦ προηρηται ℵB,C [1%] NU ¦ προειρηται [2%] ¦ four other variants [2%]

*9:8 δυνατος f35 [98%] RP,HF,OC,TR,CP ¦ δυνατει 𝕻46ℵB,C [2%] NU

†9:10 σπερμα f35 ℵC [99%] RP,HF,OC,TR,CP ¦ σπορον 𝕻46B [1%] NU

‡9:10 χορηγησαι f35 (95%) RP,HF,OC,TR,CP ¦ χορηγησει 𝕻46ℵB,C,048 (5%) NU (This form, and the next two, have usually been taken as Optative, but I understand them to be Aorist Infinitive.)

§9:10 πληθυναι f35 (95.5%) RP,HF,OC,TR,CP ¦ πληθυνει 𝕻46ℵB,048 (4.5%) NU ¦ πληθυνη C

*9:10 αυξησαι f35 𝕻46 (95.8%) RP,HF,OC,TR,CP ¦ αυξησει ℵB,C,048 (4.2%) NU

†9:10 γενηματα f35 𝕻46ℵB,C [94%] RP,HF,OC,CP,NU ¦ γεννηματα [6%] TR

‡9:12 λειτουργιας rell ¦ λειτουργειας C [2%] CP

§9:15 δε f35 [98%] RP,HF,OC,TR,CP ¦ — 𝕻46ℵB,C [2%] NU