Η Καινή Διαθήκη Hebrews 7

Melchizedek, priest and king

1 Οὗτος γὰρ ὁ Μελχισεδέκ—βασιλεὺς Σαλήμ, ἱερεὺς τοῦ Θεοῦ τοῦ* ὑψίστου, ὁ † συναντήσας Ἁβραὰμ ὑποστρέφοντι ἀπὸ τῆς κοπῆς τῶν βασιλέων καὶ εὐλογήσας αὐτόν, 2 ᾧ καὶ δεκάτην ἀπὸ πάντων ἐμέρισεν Ἁβραάμ (πρῶτον μὲν ἑρμηνευόμενος βασιλεὺς δικαιοσύνης, ἔπειτα δὲ καὶ βασιλεὺς Σαλήμ, ὅ ἐστιν βασιλεὺς εἰρήνης), 3 ἀπάτωρ, ἀμήτωρ, ἀγενεαλόγητος· μήτε ἀρχὴν ἡμερῶν μήτε ζωῆς τέλος ἔχων, ἀφωμοιωμένος δὲ τῷ Υἱῷ τοῦ Θεοῦ—μένει ἱερεὺς εἰς τὸ διηνεκές.‡

Melchizedek greater than Abraham

4 Θεωρεῖτε δὲ πηλίκος οὗτος, ᾧ καὶ§ δεκάτην Ἁβραὰμ ἔδωκεν ἐκ τῶν ἀκροθινίων ὁ πατριάρχης· 5 Καί, οἱ μὲν ἐκ τῶν υἱῶν Λευῒ τὴν ἱερατείαν λαμβάνοντες ἐντολὴν ἔχουσιν ἀποδεκατοῦν τὸν λαόν, κατὰ τὸν νόμον—τοῦτ᾿ ἔστιν, τοὺς ἀδελφοὺς αὐτῶν—καίπερ ἐξεληλυθότας* ἐκ τῆς ὀσφύος Ἁβραάμ· 6 ὁ δὲ μὴ γενεαλογούμενος ἐξ αὐτῶν δεδεκάτωκεν τὸν† Ἁβραὰμ καὶ τὸν ἔχοντα τὰς ἐπαγγελίας εὐλόγηκεν. 7 Χωρὶς δὲ πάσης ἀντιλογίας τὸ ἔλαττον ὑπὸ τοῦ κρείττονος εὐλογεῖται. 8 Καί, ὧδε μὲν δεκάτας ἀποθνήσκοντες ἄνθρωποι λαμβάνουσιν, ἐκεῖ δὲ μαρτυρούμενος ὅτι ζῇ 9 —καὶ ὡς ἔπος εἰπεῖν, διὰ‡ Ἁβραὰμ καὶ Λευΐ, ὁ δεκάτας λαμβάνων, δεδεκάτωται, 10 ἔτι γὰρ ἐν τῇ ὀσφύϊ τοῦ πατρὸς ἦν ὅτε συνήντησεν αὐτῷ ὁ § Μελχισεδέκ.

Melchizedek greater than Aaron

11 Εἰ μὲν οὖν τελείωσις διὰ τῆς Λευϊτικῆς ἱερωσύνης ἦν (ὁ λαὸς γὰρ ἐπ᾿ αὐτῇ* νενομοθέτητο),† τίς ἔτι χρεία κατὰ τὴν τάξιν Μελχισεδὲκ ἕτερον ἀνίστασθαι ἱερέα, καὶ οὐ κατὰ τὴν τάξιν Ἀαρὼν λέγεσθαι; 12 (Μετατιθεμένης γὰρ τῆς ἱερωσύνης, ἐξ ἀνάγκης καὶ νόμου μετάθεσις γίνεται.) 13 Ἐφ᾿ ὃν γὰρ λέγεται ταῦτα, φυλῆς ἑτέρας μετέσχηκεν, ἀφ᾿ ἧς οὐδεὶς προσέσχηκεν τῷ θυσιαστηρίῳ. 14 Πρόδηλον γὰρ ὅτι ἐξ Ἰούδα ἀνατέταλκεν ὁ Κύριος ἡμῶν, εἰς ἣν φυλὴν οὐδὲν περὶ ἱερωσύνης‡ Μωϋσῆς§,* ἐλάλησεν. 15 Καὶ περισσότερον ἔτι κατάδηλόν ἐστιν εἰ κατὰ τὴν ὁμοιότητα Μελχισεδὲκ ἀνίσταται ἱερεὺς ἕτερος, 16 ὃς οὐ κατὰ νόμον ἐντολῆς σαρκινῆς† γέγονεν, ἀλλὰ κατὰ δύναμιν ζωῆς ἀκαταλύτου. 17 Μαρτυρεῖ‡ γὰρ ὅτι «Σὺ§ ἱερεὺς εἰς τὸν αἰῶνα κατὰ τὴν τάξιν Μελχισεδέκ.»

18 Ἀθέτησις μὲν γὰρ γίνεται προαγούσης ἐντολῆς διὰ τὸ αὐτῆς ἀσθενὲς καὶ ἀνωφελές 19 (οὐδὲν γὰρ ἐτελείωσεν ὁ νόμος), ἐπεισαγωγὴ δὲ κρείττονος ἐλπίδος, δι᾿ ἧς ἐγγίζομεν τῷ Θεῷ.

Our eternal High Priest represents us eternally

20 Καί, καθ᾿ ὅσον οὐ χωρὶς ὁρκωμοσίας 21 —οἱ μὲν γὰρ χωρὶς ὁρκωμοσίας εἰσὶν ἱερεῖς γεγονότες, ὁ δὲ μετὰ ὁρκωμοσίας διὰ τοῦ λέγοντος πρὸς αὐτόν· «Ὤμοσεν Κύριος καὶ οὐ μεταμεληθήσεται· σὺ ἱερεὺς εἰς τὸν αἰῶνα κατὰ τὴν τάξιν Μελχισεδέκ»*— 22 κατὰ τοσοῦτον† κρείττονος‡ διαθήκης γέγονεν ἔγγυος Ἰησοῦς. 23 Καί, οἱ μὲν πλείονές εἰσιν γεγονότες ἱερεῖς διὰ τὸ θανάτῳ κωλύεσθαι παραμένειν· 24 ὁ δέ, διὰ τὸ μένειν αὐτὸν εἰς τὸν αἰῶνα, ἀπαράβατον ἔχει τὴν ἱερωσύνην. 25 Ὅθεν καὶ σῴζειν εἰς τὸ παντελὲς δύναται τοὺς προσερχομένους δι᾿ αὐτοῦ τῷ Θεῷ, πάντοτε ζῶν εἰς τὸ ἐντυγχάνειν ὑπὲρ§ αὐτῶν.

26 Τοιοῦτος γὰρ ἡμῖν* ἔπρεπεν ἀρχιερεύς—ὅσιος, ἄκακος, ἀμίαντος, κεχωρισμένος ἀπὸ τῶν ἁμαρτωλῶν, καὶ ὑψηλότερος τῶν οὐρανῶν γενόμενος— 27 ὃς οὐκ ἔχει καθ᾿ ἡμέραν† ἀνάγκην, ὥσπερ οἱ ἀρχιερεῖς, πρότερον ὑπὲρ τῶν ἰδίων ἁμαρτιῶν θυσίας ἀναφέρειν, ἔπειτα τῶν τοῦ λαοῦ· τοῦτο γὰρ ἐποίησεν ἐφάπαξ ἑαυτὸν ἀνενέγκας. 28 Ὁ νόμος γὰρ ἀνθρώπους καθίστησιν ἀρχιερεῖς ἔχοντας ἀσθένειαν, ὁ λόγος δὲ τῆς ὁρκωμοσίας, τῆς μετὰ τὸν νόμον, Υἱὸν εἰς τὸν αἰῶνα τετελειωμένον.

*7:1 του rell ¦ — CP

†7:1 ο f35 𝕻46vC [92%] RP,HF,OC,TR,NU ¦ ος ℵA,B,I [8%] ¦ ω CP

‡7:3 διηνεκες rell ¦ 1 εν ω οτι και του αβρααμ προετιμηθη CP

§7:4 και f35 ℵA,C [98%] RP,HF,OC,TR,CP[NU] ¦ — 𝕻46B [2%]

*7:5 εξεληλυθοτας rell ¦ εξεληλυθοτες CP

†7:6 τον f35 A [96%] RP,HF,OC,TR,CP ¦ — 𝕻46ℵB,C [4%] NU

‡7:9 δια f35 A,C [92%] RP,HF,OC,TR,CP ¦ δι 𝕻46ℵB [8%] NU

§7:10 ο f35 A [92%] RP,HF,OC,TR,CP ¦ — 𝕻46ℵB,C [8%] NU

*7:11 αυτη f35 [90%] RP,HF,OC,TR,CP ¦ αυτης 𝕻46ℵA,B,C [5%] NU ¦ αυτην [5%]

†7:11 νενομοθετητο f35 [94%] RP,HF,OC,TR,CP ¦ νενομοθετηται 𝕻46ℵA,B,C [6%] NU

‡7:14 ιερωσυνης f35 (90.4%) RP,HF,OC,TR,CP ¦ ιεροσυνης (6.4%) ¦ ιερεων 𝕻46ℵA,B,C (3.1%) NU (Wherever ιερωσυνης occurs, the alternate spelling also occurs, its attestation not exceeding 10%.)

§7:14 μωυσης f35 𝕻46ℵA,B,C (75.3%) RP,HF,OC,CP,NU ¦ μωσης (24.7%) TR

*7:14 ουδεν περι ιερωσυνης μωυσης f35 (95.1%) RP,HF,OC,TR,CP ¦ ~ 2314 A,B,C (1.7%) NU ¦ ~ 2341 𝕻46ℵ (1.9%) ¦ ~ 1423 (1.2%)

†7:16 σαρκινης f35 𝕻46ℵA,B,C [50%] NU ¦ σαρκικης [50%] RP,HF,OC,TR,CP

‡7:17 μαρτυρει f35 C [97%] RP,HF,OC,TR,CP ¦ μαρτυρειται 𝕻46ℵA,B [3%] NU

§7:17 συ f35 ℵA,B,C [70%] RP,HF,OC,TR,CP,NU ¦ 1 ει 𝕻46 [29%] ¦ — [1%]

*7:21 κατα την ταξιν μελχισεδεκ f35 A (97.9%) RP,HF,OC,TR,CP ¦ — 𝕻46B,C (1.9%) NU ¦ ℵ omits whole quote

†7:22 τοσουτον f35 [94%] RP,HF,OC,TR,CP ¦ τοσουτο 𝕻46ℵA,B,C [5%] NU ¦ τοσουτω [1%]

‡7:22 κρειττονος f35 𝕻46A [96%] RP,HF,OC,TR,CP ¦ και 1 ℵB,C [3%] [NU] ¦ — [1%]

§7:25 εντυγχανειν υπερ rell ¦ ~ 21 CP

*7:26 ημιν f35 ℵC [98%] RP,HF,OC,TR,CP ¦ 1 και 𝕻46A,B [2%] NU

†7:27 καθ᾿ ἡμεραν rell ¦ καθημέραν f35 [30%] (I include this for the record, and so as not to lose sight of it, but since there is evidently no difference in meaning I stay with the conventional pointing. Because of the theta there is no ambiguity.)