Η Καινή Διαθήκη John 4

Jesus and the Samaritans

1 Ὡς οὖν ἔγνω ὁ Ἰησοῦς* ὅτι ἤκουσαν οἱ Φαρισαῖοι ὅτι Ἰησοῦς πλείονας μαθητὰς ποιεῖ καὶ βαπτίζει ἢ Ἰωάννης 2 (καίτοιγε Ἰησοῦς αὐτὸς οὐκ ἐβάπτιζεν, ἀλλ᾿ οἱ μαθηταὶ αὐτοῦ), 3 ἀφῆκεν τὴν Ἰουδαίαν καὶ ἀπῆλθεν† εἰς τὴν Γαλιλαίαν.

The setting

4 Ἔδει δὲ αὐτὸν διέρχεσθαι διὰ τῆς Σαμαρείας. 5 Ἔρχεται οὖν εἰς πόλιν τῆς‡ Σαμαρείας λεγομένην Συχάρ, πλησίον τοῦ χωρίου οὗ§ ἔδωκεν Ἰακὼβ* Ἰωσὴφ τῷ υἱῷ αὐτοῦ. 6 Ἦν δὲ ἐκεῖ πηγὴ τοῦ Ἰακώβ. Ὁ οὖν Ἰησοῦς, κεκοπιακὼς ἐκ τῆς ὁδοιπορίας, ἐκαθέζετο οὕτως ἐπὶ τῇ πηγῇ. Ὥρα ἦν ὡσεὶ† ἕκτη.

The woman

7 Ἔρχεται γυνὴ ἐκ τῆς Σαμαρείας ἀντλῆσαι ὕδωρ. Λέγει αὐτῇ ὁ Ἰησοῦς, «Δός μοι πιεῖν.»‡ 8 (Οἱ γὰρ μαθηταὶ αὐτοῦ ἀπεληλύθεισαν εἰς τὴν πόλιν ἵνα τροφὰς ἀγοράσωσιν.) 9 Λέγει οὖν§ αὐτῷ ἡ γυνὴ ἡ Σαμαρεῖτις, «Πῶς σύ, Ἰουδαῖος ὤν, παρ᾿ ἐμοῦ πιεῖν αἰτεῖς,* οὔσης γυναικὸς Σαμαρείτιδος;»† (οὐ γὰρ συγχρῶνται Ἰουδαῖοι Σαμαρείταις).‡ 10 Ἀπεκρίθη Ἰησοῦς καὶ εἶπεν αὐτῇ· «Εἰ ᾔδεις τὴν δωρεὰν τοῦ Θεοῦ, καὶ τίς ἐστιν ὁ λέγων σοι, ‹Δός μοι πιεῖν,›§ σὺ ἂν ᾔτησας αὐτὸν καὶ ἔδωκεν ἄν σοι ὕδωρ ζῶν.» 11 Λέγει αὐτῷ ἡ γυνή·* «Κύριε, οὔτε ἄντλημα ἔχεις, καὶ τὸ φρέαρ ἐστὶν βαθύ· πόθεν οὖν ἔχεις τὸ ὕδωρ τὸ ζῶν; 12 Μὴ σὺ μείζων εἶ τοῦ πατρὸς ἡμῶν Ἰακώβ, ὃς ἔδωκεν ἡμῖν τὸ φρέαρ καὶ αὐτὸς ἐξ αὐτοῦ ἔπιεν, καὶ οἱ υἱοὶ αὐτοῦ καὶ τὰ θρέμματα αὐτοῦ;» 13 Ἀπεκρίθη† Ἰησοῦς καὶ εἶπεν αὐτῇ· «Πᾶς ὁ πίνων ἐκ τοῦ ὕδατος τούτου διψήσει πάλιν, 14 ὃς δ᾿ ἂν πίῃ ἐκ τοῦ ὕδατος οὗ ἐγὼ δώσω αὐτῷ οὐ μὴ διψήσῃ‡ εἰς τὸν αἰῶνα· ἀλλὰ τὸ ὕδωρ ὃ δώσω αὐτῷ γενήσεται ἐν αὐτῷ πηγὴ ὕδατος ἁλλομένου εἰς ζωὴν αἰώνιον.» 15 Λέγει πρὸς αὐτὸν ἡ γυνή, «Κύριε, δός μοι τοῦτο τὸ ὕδωρ, ἵνα μὴ διψῶ μηδὲ ἔρχωμαι§ ἐνθάδε ἀντλεῖν.»

16 Λέγει αὐτῇ ὁ Ἰησοῦς,* «Ὕπαγε, φώνησον τὸν ἄνδρα σου καὶ ἐλθὲ ἐνθάδε.» 17 Ἀπεκρίθη ἡ γυνὴ καὶ εἶπεν,† «Οὐκ ἔχω ἄνδρα.» Λέγει αὐτῇ ὁ Ἰησοῦς· «Καλῶς εἶπας ὅτι ‹Ἄνδρα οὐκ ἔχω›· 18 πέντε γὰρ ἄνδρας ἔσχες, καὶ νῦν ὃν ἔχεις οὐκ ἔστιν σου ἀνήρ· τοῦτο ἀληθὲς εἴρηκας.» 19 Λέγει αὐτῷ ἡ γυνή· «Κύριε, θεωρῶ ὅτι προφήτης εἶ σύ. 20 Οἱ πατέρες ἡμῶν‡ ἐν τῷ ὄρει τούτῳ§ προσεκύνησαν, καὶ ὑμεῖς λέγετε ὅτι ἐν Ἱεροσολύμοις ἐστὶν ὁ τόπος ὅπου δεῖ προσκυνεῖν.»* 21 Λέγει αὐτῇ ὁ Ἰησοῦς· «Γύναι, πίστευσόν μοι† ὅτι ἔρχεται ὥρα ὅτε οὔτε ἐν τῷ ὄρει τούτῳ οὔτε ἐν Ἱεροσολύμοις προσκυνήσετε τῷ Πατρί. 22 Ὑμεῖς προσκυνεῖτε ὃ οὐκ οἴδατε· ἡμεῖς προσκυνοῦμεν ὃ οἴδαμεν, ὅτι ἡ σωτηρία ἐκ τῶν Ἰουδαίων ἐστίν. 23 Ἀλλ᾿‡ ἔρχεται ὥρα, καὶ νῦν ἐστιν, ὅτε οἱ ἀληθινοὶ προσκυνηταὶ προσκυνήσουσιν τῷ Πατρὶ ἐν πνεύματι καὶ ἀληθείᾳ· καὶ γὰρ ὁ Πατὴρ τοιούτους ζητεῖ τοὺς προσκυνοῦντας αὐτόν. 24 Πνεῦμα ὁ Θεός, καὶ τοὺς προσκυνοῦντας αὐτὸν ἐν πνεύματι καὶ ἀληθείᾳ δεῖ προσκυνεῖν.»

25 Λέγει αὐτῷ ἡ γυνή· «Οἶδα ὅτι Μεσίας§ ἔρχεται» (ὁ λεγόμενος Χριστός). «Ὅταν ἔλθῃ ἐκεῖνος, ἀναγγελεῖ ἡμῖν πάντα.»* 26 Λέγει αὐτῇ ὁ Ἰησοῦς, «Ἐγώ εἰμι, ὁ λαλῶν σοι.»

The disciples

27 Καὶ ἐπὶ τούτῳ ἦλθον† οἱ μαθηταὶ αὐτοῦ, καὶ ἐθαύμασαν‡ ὅτι μετὰ γυναικὸς ἐλάλει· οὐδεὶς μέντοι εἶπεν, «Τί ζητεῖς;» ἢ «Τί λαλεῖς μετ᾿ αὐτῆς;» 28 Ἀφῆκεν οὖν τὴν ὑδρίαν αὐτῆς ἡ γυνὴ καὶ ἀπῆλθεν εἰς τὴν πόλιν, καὶ λέγει τοῖς ἀνθρώποις· 29 «Δεῦτε, ἴδετε ἄνθρωπον ὃς εἶπέν μοι πάντα ὅσα ἐποίησα· μήτι οὗτός ἐστιν ὁ Χριστός;» 30 Ἐξῆλθον§ ἐκ τῆς πόλεως καὶ ἤρχοντο πρὸς αὐτόν.

31 Ἐν δὲ* τῷ μεταξὺ ἠρώτων αὐτὸν οἱ μαθηταὶ αὐτοῦ† λέγοντες, «Ῥαββί,‡ φάγε.» 32 Ὁ δὲ εἶπεν αὐτοῖς, «Ἐγὼ βρῶσιν ἔχω φαγεῖν ἣν ὑμεῖς οὐκ οἴδατε.» 33 Ἔλεγον οὖν οἱ μαθηταὶ§ πρὸς ἀλλήλους, «Μή τις ἤνεγκεν αὐτῷ φαγεῖν;» 34 Λέγει αὐτοῖς ὁ Ἰησοῦς· «Ἐμὸν βρῶμά ἐστιν ἵνα ποιῶ* τὸ θέλημα τοῦ πέμψαντός με καὶ τελειώσω αὐτοῦ τὸ ἔργον. 35 Οὐχ† ὑμεῖς λέγετε ὅτι‡ ‹Τετράμηνός§ ἐστιν καὶ ὁ θερισμὸς ἔρχεται›; Ἰδού, λέγω ὑμῖν, ἐπάρατε τοὺς ὀφθαλμοὺς ὑμῶν καὶ θεάσασθε τὰς χώρας, ὅτι λευκαί εἰσιν πρὸς θερισμὸν ἤδη. 36 Καὶ* ὁ θερίζων μισθὸν λαμβάνει καὶ συνάγει καρπὸν εἰς ζωὴν αἰώνιον, ἵνα καὶ† ὁ σπείρων ὁμοῦ χαίρῃ‡ καὶ ὁ θερίζων. 37 Ἐν γὰρ τούτῳ ὁ λόγος ἐστὶν ὁ ἀληθινός§ ὅτι ‹Ἄλλος ἐστὶν ὁ σπείρων καὶ ἄλλος ὁ θερίζων›· 38 ἐγὼ ἀπέστειλα ὑμᾶς θερίζειν ὃ οὐχ ὑμεῖς κεκοπιάκατε· ἄλλοι κεκοπιάκασιν, καὶ ὑμεῖς εἰς τὸν κόπον αὐτῶν εἰσεληλύθατε.»

The Samaritans

39 Ἐκ δὲ τῆς πόλεως ἐκείνης πολλοὶ ἐπίστευσαν εἰς αὐτὸν τῶν Σαμαρειτῶν* διὰ τὸν λόγον τῆς γυναικός, μαρτυρούσης ὅτι «Εἶπέν μοι πάντα ὅσα† ἐποίησα.» 40 Ὡς οὖν ἦλθον πρὸς αὐτὸν οἱ Σαμαρεῖται,‡ ἠρώτων αὐτὸν μεῖναι παρ᾿ αὐτοῖς· καὶ ἔμεινεν ἐκεῖ δύο ἡμέρας. 41 Καὶ πολλῷ πλείους ἐπίστευσαν§ διὰ τὸν λόγον αὐτοῦ, 42 τῇ τε γυναικὶ ἔλεγον ὅτι «Οὐκέτι διὰ τὴν σὴν λαλιὰν πιστεύομεν, αὐτοὶ γὰρ ἀκηκόαμεν, καὶ οἴδαμεν ὅτι οὗτός ἐστιν ἀληθῶς ὁ Σωτὴρ τοῦ κόσμου, ὁ Χριστός.»*

Jesus in Galilee

43 Μετὰ δὲ τὰς δύο ἡμέρας ἐξῆλθεν ἐκεῖθεν καὶ ἀπῆλθεν† εἰς τὴν Γαλιλαίαν. 44 (Αὐτὸς γὰρ ὁ ‡ Ἰησοῦς ἐμαρτύρησεν ὅτι προφήτης ἐν τῇ ἰδίᾳ πατρίδι τιμὴν οὐκ ἔχει.) 45 Ὅτε οὖν ἦλθεν εἰς τὴν Γαλιλαίαν, ἐδέξαντο αὐτὸν οἱ Γαλιλαῖοι, πάντα ἑωρακότες ἃ § ἐποίησεν ἐν Ἱεροσολύμοις, ἐν τῇ ἑορτῇ· καὶ αὐτοὶ γὰρ ἦλθον εἰς τὴν ἑορτήν.

Jesus heals at a distance

46 Ἦλθεν οὖν πάλιν ὁ Ἰησοῦς* εἰς τὴν Κανᾶ τῆς Γαλιλαίας, ὅπου ἐποίησεν τὸ ὕδωρ οἶνον. Καὶ ἦν τις βασιλικὸς οὗ ὁ υἱὸς ἠσθένει ἐν Καπερναούμ. 47 Οὗτος ἀκούσας ὅτι Ἰησοῦς ἥκει ἐκ τῆς Ἰουδαίας εἰς τὴν Γαλιλαίαν, ἀπῆλθεν πρὸς αὐτὸν καὶ ἠρώτα αὐτὸν† ἵνα καταβῇ καὶ ἰάσηται αὐτοῦ‡ τὸν υἱόν, ἤμελλεν§ γὰρ ἀποθνήσκειν. 48 Εἶπεν οὖν ὁ Ἰησοῦς πρὸς αὐτόν, «Ἐὰν μὴ σημεῖα καὶ τέρατα ἴδητε, οὐ μὴ πιστεύσητε.» 49 Λέγει πρὸς αὐτὸν ὁ βασιλικός, «Κύριε, κατάβηθι πρὶν ἀποθανεῖν τὸ παιδίον μου.» 50 Λέγει αὐτῷ ὁ Ἰησοῦς, «Πορεύου· ὁ υἱός σου ζῇ.» Καὶ* ἐπίστευσεν ὁ ἄνθρωπος τῷ λόγῳ ᾧ † εἶπεν αὐτῷ ὁ Ἰησοῦς,‡ καὶ ἐπορεύετο. 51 Ἤδη δὲ αὐτοῦ καταβαίνοντος, οἱ δοῦλοι αὐτοῦ ἀπήντησαν§ αὐτῷ καὶ ἀπήγγειλαν* λέγοντες, ὅτι «Ὁ παῖς σου† ζῇ.» 52 Ἐπύθετο οὖν παρ᾿ αὐτῶν τὴν ὥραν‡ ἐν ᾗ κομψότερον ἔσχεν. Καὶ εἶπον§ αὐτῷ ὅτι «Χθὲς* ὥραν ἑβδόμην ἀφῆκεν αὐτὸν ὁ πυρετός.» 53 Ἔγνω οὖν ὁ πατὴρ† ὅτι ἐν‡ ἐκείνῃ τῇ ὥρᾳ ἐν ᾗ εἶπεν αὐτῷ ὁ Ἰησοῦς ὅτι§ «Ὁ υἱός σου ζῇ.» Καὶ ἐπίστευσεν αὐτὸς καὶ ἡ οἰκία αὐτοῦ ὅλη. 54 Τοῦτο* πάλιν δεύτερον σημεῖον ἐποίησεν ὁ Ἰησοῦς, ἐλθὼν ἐκ τῆς Ἰουδαίας εἰς τὴν Γαλιλαίαν.

John
<
4
>

*4:1 ο ιησους f35 𝕻66ℵD (21.7%) CP,NU ¦ ο κυριος 𝕻75A,B,C,W (76.9%) HF,RP,OC,TR ¦ — (1.4%)

†4:3 απηλθεν f35 A,B (91.1%) CP,HF,RP,OC ¦ 1 παλιν 𝕻66,75ℵC,D,W (8.6%) TR,NU ¦ long omissions (0.3%) [homoioteleuton]

‡4:5 της rell ¦ — CP

§4:5 ου f35 𝕻66C,D,N,W [40%] CP ¦ ο 𝕻75ℵA,B [60%] HF,RP,OC,TR,NU

*4:5 ιακωβ f35 A,C,D,N,W [99.5%] CP,HF,RP,OC,TR ¦ 1 τω 𝕻66,75ℵB [0.5%] [NU]

†4:6 ωσει f35 [98%] CP,HF,RP,OC,TR ¦ ως 𝕻66,75ℵA,B,C,D,N,W [2%] NU

‡4:7 πιειν f35 A,N,W [98%] CP,HF,RP,OC,TR ¦ πειν 𝕻66,75B,C,D [1%] NU ¦ πιν ℵ ¦ ποιειν [1%]

§4:9 ουν f35 𝕻66,75A,B,C,D,N,W (86.7%) CP,HF,RP,OC,TR,NU ¦ — ℵ (13.3%)

*4:9 πιειν αιτεις f35 N [99%] CP,HF,RP,OC,TR ¦ πειν 2 𝕻75B,C,D [0.5%] NU ¦ πιν αιτις ℵ ¦ πιν 2 A [0.5%] ¦ ~ ετεις πειν 𝕻66 ¦ πιν ετις W

†4:9 ουσης γυναικος σαμαρειτιδος f35 [99%] CP,HF,RP,OC,TR ¦ ~ 231 A,B,C [0.3%] ¦ ~ 213 𝕻75 ¦ ~ 2 σαμαριτιδος 1 𝕻63N,W [0.3%] NU ¦ 2 σαμαριτιδος D ¦ ~ σαμαριτιδος 1 𝕻66ℵ [The early uncials do manage to spread themselves around!]

‡4:9 σαμαρειταις f35 𝕻75A,B,C,N [99.5%] CP,HF,RP,OC,TR ¦ σαμαριταις 𝕻66W [0.5%] NU ¦ — ℵD omit clause

§4:10 πιειν f35 A,N [99%] CP,HF,RP,OC,TR ¦ πειν 𝕻66,75B,C [0.5%] NU ¦ πιν ℵW ¦ two other readings

*4:11 η γυνη f35 (𝕻66)A,C,D,N,W (99.8%) CP,HF,RP,OC,TR[NU] ¦ εκεινη ℵ ¦ — 𝕻75B

†4:13 απεκριθη rell ¦ 1 ο N [5%] TR

‡4:14 διψηση f35 𝕻66W [90%] HF,RP,OC,TR ¦ διψησει 𝕻75ℵA,B(D)N [10%] CP,NU ¦ — C has long omission

§4:15 ερχωμαι f35 A,C,D,W [55%] OC,TR ¦ ερχομαι N [45%] CP,HF,RP ¦ διερχωμαι 𝕻66ℵ [alone] NU ¦ διερχομαι 𝕻75B

*4:16 ο ιησους f35 D,N,W [98.5%] CP,HF,RP,OC,TR ¦ 2 (ℵ)A [1%] ¦ — 𝕻66,75B,C [0.5%] NU

†4:17 ειπεν f35 (ℵ)A,D,W [90%] CP,HF,RP,OC,TR ¦ 1 αυτω 𝕻66B,C,N [10%] NU ¦ λεγει αυτω 𝕻75

‡4:20 ημων rell ¦ υμων OC

§4:20 τω ορει τουτω rell ¦ ~ 312 [10%] TR

*4:20 δει προσκυνειν f35 [99%] CP,HF,RP,OC,TR ¦ ~ 21 𝕻66,75ℵA,B,C,D,N,W [1%] NU

†4:21 γυναι πιστευσον μοι f35 N [96%] CP,HF,RP,OC,TR ¦ 1 πιστευον 3 A [1.5%] ¦ 1 πιστευε 3 D [2%] ¦ ~ πιστευε 31 𝕻66,75ℵB,C,W [0.5%] NU

‡4:23 αλλ f35 C,N [99.5%] CP,HF,RP,OC,TR ¦ αλλα 𝕻66,75ℵA,B,D,W [0.5%] NU

§4:25 μεσιας f35 [95%] CP,HF,RP ¦ μεσσιας 𝕻66ℵA,B,C,N,W [5%] OC,TR,NU ¦ μεσσειας 𝕻75D

*4:25 παντα f35 A,D,N [98.5%] CP,HF,RP,OC,TR ¦ απαντα 𝕻66,75ℵB,C,W [1.5%] NU

†4:27 ηλθον rell ¦ ηλθαν B [alone] NU ¦ επηλθαν ℵ

‡4:27 εθαυμασαν f35 [80%] CP,HF,RP,OC,TR ¦ εθαυμαζον 𝕻66,75ℵA,B,C,D,N,W [20%] NU

§4:30 εξηλθον f35 𝕻75A,B [60%] HF,RP,NU ¦ 1 ουν 𝕻66ℵN,W [40%] CP,OC,TR ¦ και 1 C,D ¦ two other readings

*4:31 δε f35 𝕻75A,N [99.5%] CP,HF,RP,OC,TR ¦ — 𝕻66ℵB,C,D [0.5%] NU ¦ ~ και W

†4:31 αυτου f35 N,W [50%] CP ¦ — 𝕻66,75ℵA,B,C,D [50%] HF,RP,OC,TR,NU

‡4:31 ραββι f35 A,N [70%] CP,HF,RP,OC,TR,NU ¦ ραββει 𝕻66,75ℵB,C,D,W [30%]

§4:33 μαθηται rell ¦ 1 αυτου [2%] CP

*4:34 ποιω f35 ℵA [95%] CP,HF,RP,OC,TR ¦ ποιησω 𝕻66,75B,C,D,N,W [5%] NU

†4:35 ουχ rell ¦ ουκ CP

‡4:35 οτι f35 𝕻75 [35%] CP ¦ 1 ετι 𝕻66ℵA,B,C,N,W [65%] HF,RP,OC,TR,NU

§4:35 τετραμηνος rell ¦ τετραμηνον W [5%] TR

*4:36 και f35 A,N [99%] CP,HF,RP,OC,TR ¦ — 𝕻66,75ℵB,C,D,W [1%] NU

†4:36 και f35 ℵA,D [98%] CP,HF,RP,OC,TR ¦ — 𝕻66,75B,C,N,W [2%] NU

‡4:36 χαιρη f35 𝕻66ℵA,B,C(D)N,W [70%] CP,HF,RP,OC,TR,NU ¦ χαιρει [30%] ¦ χαιρων 𝕻75

§4:37 ο αληθινος f35 𝕻66ℵA,D (78.9%) CP,HF,RP,OC,TR ¦ 2 B,C,N,W (16.5%) NU ¦ αληθης (1.3%) ¦ two other variants (0.2%) ¦ long omissions 𝕻75 (3.2%) [homoioteleuton]

*4:39 σαμαρειτων rell ¦ σαμαριτων 𝕻66ℵD,W [1%] NU

†4:39 οσα f35 𝕻66A,D,N,W (99.6%) CP,HF,RP,OC,TR ¦ α 𝕻75ℵB,C (0.4%) NU

‡4:40 σαμαρειται rell ¦ σαμαριται 𝕻66ℵA,D,W [0.5%] NU

§4:41 επιστευσαν rell ¦ 1 εις αυτον N [2%] CP

*4:42 ο χριστος f35 A,D,N [99.5%] CP,HF,RP,OC,TR ¦ — 𝕻66,75ℵB,C,W [0.5%] NU

†4:43 εκειθεν και απηλθεν f35 A,N (92.6%) CP,HF,RP,OC,TR ¦ 12 ηλθεν (2.4%) ¦ 23 (2.3%) ¦ 1 𝕻66,75ℵB,C,D,W (2.2%) NU ¦ seven other variants (0.5%)

‡4:44 ο f35 N [80%] CP,HF,RP,OC,TR ¦ — 𝕻66,75ℵA,B,C,D,W [20%] NU

§4:45 α f35 ℵD [95%] CP,HF,RP,OC,TR ¦ οσα 𝕻66,75A,B,C(N)W [5%] NU

*4:46 παλιν ο ιησους f35 A(N) [84%] CP,HF,RP,OC ¦ 1 𝕻66,75ℵB,C,D,W [1%] NU ¦ ~ 231 [15%] TR

†4:47 αυτον f35 A,N [98%] CP,HF,RP,OC,TR ¦ — 𝕻66,75ℵB,C,D,W [2%] NU

‡4:47 αυτου rell ¦ αυτον [1%] CP

§4:47 ημελλεν f35 𝕻66,75ℵA,B,C,D,N,W [50%] CP,OC,TR,NU ¦ εμελλεν [50%] HF,RP

*4:50 και f35 A,C,N [99.5%] CP,HF,RP,OC,TR ¦ — 𝕻66,75ℵB,D,W [0.5%] NU

†4:50 ω f35 𝕻66D,N,W [97.5%] CP,HF,RP,OC,TR ¦ ον 𝕻75A,B [0.5%] NU ¦ — ℵC [0.5%] ¦ ο [1%] ¦ ων [0.5%]

‡4:50 ο ιησους rell ¦ 2 [5%] TR ¦ ~ του ιησου ℵ

§4:51 απηντησαν f35 (A) [90%] CP,HF,RP,OC,TR ¦ υπηντησαν 𝕻66,75(ℵ)B,C(D)N(W) [10%] NU

*4:51 και απηγγειλαν f35 𝕻39(66)A,C(W) (88.9%) CP,HF,RP,OC,TR ¦ 1 ανηγγειλαν (9%) ¦ 1 ηγγειλαν (ℵ)(D) (0.3%) ¦ — 𝕻75B,N (1.9%) NU

†4:51 ο παις σου f35 (77.8%) CP,HF,RP,OC,TR ¦ 1 υιος 3 D,N (20.1%) ¦ 12 αυτου 𝕻66,75ℵA,B,W (0.9%) NU ¦ 2 αυτου C (alone) ¦ 1 υιος αυτου (1%) ¦ conflation (0.2%)

‡4:52 παρ αυτων την ωραν f35 [95%] CP,HF,RP,OC,TR ¦ ~ 3412 𝕻66ℵA,C,D,N,W [5%] NU ¦ ~ 34 εκεινην 𝕻75B

§4:52 και ειπον (ειπαν D) f35 ℵA(D) [98%] CP,HF,RP,OC,TR ¦ 2 𝕻66 ¦ ~ 2 ουν 𝕻75B,C,N,W [2%] ¦ ειπαν ουν [none!] NU

*4:52 χθες f35 [98%] CP,HF,RP,OC,TR ¦ εχθες 𝕻66,75ℵA,B,C,D,N,W [2%] NU

†4:53 πατηρ f35 𝕻75ℵA,B,D,W (90.4%) CP,HF,RP,OC,TR,NU ¦ 1 αυτου 𝕻66C,N,T (8.8%) ¦ 1 του παιδος (0.5%) ¦ long omissions (0.2%)

‡4:53 εν f35 𝕻66A,D,N,W [99%] CP,HF,RP,OC,TR[NU] ¦ — 𝕻75ℵB,C [1%]

§4:53 οτι f35 D,N,W [98%] CP,HF,RP,OC,TR ¦ — 𝕻66,75ℵA,B,C [2%] NU

*4:54 τουτο f35 ℵA,D,N [99%] CP,HF,RP,OC,TR ¦ 1 δε 𝕻66,75B,C,W [1%] NU